Yokana 1:34 - Baibuli I Leb Kumam 2013

³⁴ Ango atieko neno doko ajurao be, man en Wot ka Rubanga.”

Yokana 1:34 Iomraidhean Croise

Sabuli 2:7

Abaka waco be, “Abino waco kop kame Rwot omio. En ewaco na be, ‘In en woda; tin ango adoko papa ni.

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Matayo 16:16

Simoni Petero oko dwoko be, “In en Kirisito, Wot ka Rubanga kakuo.”

Matayo 17:5

Di oudo pwodi etie yamo, edou atar oko umo gi pukupuk, di dwan oko wok ki edou di waco be, “Man en Woda kame amaro, cunya yom i kome; winyenu.”

Matayo 26:63

Do Yesu oko ling alinga. Ngatel Josaseredoti oko waco ne be, “Apenyi i nying Rubanga kakuo, wac ne wa ka in Kirisito Wot ka Rubanga.”

Matayo 27:40

“In ngat kame oudo iyaro turo tempulo di iko gere pi ceng adek, lakere keni! Ka in Wot ka Rubanga, wok piny ki musalaba.”

Matayo 27:43

En oudo eketo gen mere i kom Rubanga, wek Rubanga nan lake, ka cunye mito. Piento en oudo ewaco be, ‘Ango Wot ka Rubanga.’ ”

Matayo 27:54

Bin di ngadwong me isirikalen kede jo apat kame oudo tie karacel kede en pi daro Yesu oneno yangere me piny kede gikame otimere, lworo oko mako gi di kiko waco be, “Ateteni dano ni oudo Wot ka Rubanga.”

Matayo 3:17

Dwan oko wok ki malo di waco be, “Man en Woda kame amaro, cunya yom i kome.”

Matayo 4:3

Di ngatam jo oko bino di oko waco ne be, “Ka in Wot ka Rubanga, wac ne kide gi lokere dok mugati.”

Matayo 4:6

di en eko waco ne be, “Ka in Wot ka Rubanga, som piny ki kan, pien iwandik kacil waco be, “‘Rubanga bino ciko imalaikan mege piri, di gin kiko gwoki; gin kibino gagao in i cing gi, tetekeny kur itwom tieni i wi engaro.’ ”

Matayo 8:29

Kikano gin kiko lelemo kitek be, “Okwe Wot ka Rubanga, nyo kame itie mito timo ne wan? Mam in ibino kan pi mino wa alola di kare kopoore pwodi likame otuno?”

Marako 1:1

Man en agege me ejiri ka Yesu Kirisito Wot ka Rubanga.

Marako 1:11

Dwan oko wok ki malo di waco be, “In en Woda kame amaro, cunya yom i komi.”

Luka 1:35

Di malaika oko dwoko ne be, “Tipo Kacil oyaro bino i komi, di twer ka Ngamalo Twal ko bino umi; pi mano, atin kacil kame koyaro nywalo nono kobino lwonge be Wot ka Rubanga.

Luka 3:22

di Tipo Kacil oko bino piny i kome bala awele. Dwan oko wok ki malo di waco be, “In en Woda kame amaro, cunya yom i komi.”

Yokana 1:18

Likame tie dano kame otieko neno Rubanga, do kwanyo Rubanga Wod acel kenekene, kame bedo iyapiyapi kede Papa, en ngat kame omie engere.

Yokana 1:49

Natanael oko dwoko ne be, “Apwony, in en Wot ka Rubanga! In en abaka me Isirael!”

Yokana 10:30

Ango kede Papa otie acel.”

Yokana 10:36

benyo, itwerunu waco ne ngat kame Rubanga opoko tenge di eko ooro i piny be, ‘In itie cano Rubanga,’ be pien ango awaco be, ‘Ango Wot ka Rubanga?’

Yokana 11:27

Marita oko dwoko be, “Ebo Rwot, ango ayei be in en kame Kirisito, Wot ka Rubanga, kame oudo poore bino i piny.”

Yokana 19:7

Iyudayan oko dwoko ne be, “Wan otie kede iswil wa, iswil nono yei be neke, pien emire be en Wot ka Rubanga.”

Yokana 20:28

Tomasi oko dwoko ne be, “In Rwot na kede Rubanga na!”

Yokana 20:31

Do kowandiko magi tetekeny iyeunu be Yesu en Kirisito, Wot ka Rubanga, kede da be wek iudunu kuo i nyinge pi yei kame itienu kede i kome.

Yokana 6:69

doko wan otieko yei di oko ngeno da be in en Ngat Kacil ka Rubanga.”

Joroma 1:4

I kom kop kame mako en bedo dano kacil kowok kibut Rubanga, konyute kede twon twer be en Wot ka Rubanga pi yaruno mere ki to.

2 Jokorinti 1:19

Pien Yesu Kirisito, Wot ka Rubanga kame ango kede Sila kede Temeseo opwonyo kop mere butu, likame obedo ngat kame kong yei gimoro di doko eko lokere dagi; do en eyei gimoro kicel atwal.

Iburanian 7:3

Likame tie gimoro kame mio ngec i kom papa arabo toto amoto joakwari ka Melkisedeki; likame tie ngec moro i kom ceng me nywale arabo ceng me to mere, do en edong di etie ngasaseredoti ikar kede ikar, bala Wot ka Rubanga.

1 Yokana 2:23

Likame tie ngatamoro kame dagi Wod di en eko mito Papa; jo dedede kame yei Wod mito Papa da.

1 Yokana 3:8

Jo dedede kame dubo obedo idwe ka Sitani; pien Sitani obedo timo dub cako ki agege. Kop komio Wot ka dano oneeno en pi dudubo tice ka Sitani.

1 Yokana 4:9

Rubanga onyuto amara mere but wa iepone kame cal kaman: en ecwao Wode acel kenekene i piny tetekeny wan obedunu kede kuo pi en.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

2 Yokana 1:9

Ngatamoro kalikame dong i pwony ka Kirisito, do en etarasar kede mere kalamo, udo likame etie kede Rubanga i cunye. Do ngat kame dong i pwony nono udo Papa kede Wod tie i cunye.

Gianyuta 2:18

“Wandiko but malaika me ekodet me jokirisito kame tie Tuatira be: “Magi en kop kowok kibut Wot ka Rubanga, ngat kame wange cal bala leb mac, kede kame tiene cal bala nyonyo burons kame korudo.