Yokana 1:33 - Baibuli I Leb Kumam 2013

³³ Ango da kikoma oudo likame angee; do ngat kame oora pi batiso jo kede pii oko waco na be, ‘Ngat kame inenunu Tipo Kacil obino piny di oko dong i kome, manono en ngat kame batiso jo kede Tipo Kacil.’

Yokana 1:33 Iomraidhean Croise

Matayo 3:11

Ango abatiso wu kede pii pi nyuto be wun itiekunu swilaro, do ngat kame tie bino i cen ngea oyaro batiso wu kede Tipo Kacil kede mac. En etie kede twer kame loa, doko ango likame apoore pi mako amuka mere.

Luka 3:16

omio Yokana oko dwoko ne gin dedede be, “Ango abatiso wu kede pii, do tie ngat kame tie bino, kame tie kede twer loa, kame ango da likame apoore pi gonyo ausi me amuka mere; en ebino batiso wu kede Tipo Kacil kede mac.

Yokana 1:31

Ango da kikoma oudo likame angee, doko gi nono en komio ango abino di abatiso jo kede pii, tetekeny en engere but jo me Isirael.”

Yokana 14:26

Do Ngakony, kame obedo Tipo Kacil kame Papa bino cwano i nyinga, bino pwonyo wu i gi dedede di eko mino wu iyutununu gi dedede kame ango atieko waco ne wu.

Yokana 3:34

Pien ngat kame Rubanga ocwao, en eyamo kop ka Rubanga, pien likame Rubanga mio Tipo Kacil di epimo apima;

Yokana 3:5

Yesu oko dwoko be, “Ateteni, ateteni awaco ni be, likame tie ngat kame twero donyo i Ajakanut ka Rubanga kwanyo di konywale nywal me pii kede me Tipo Kacil.

Yokana 7:39

Yesu bin owaco kop noni i kom Tipo Kacil kame jo kame yei en bino udo. I kare nono oudo pwodi likame komio Tipo Kacil, pien oudo pwodi likame komio Yesu deyo.

Tice 1:5

Yokana bin batiso jo kede pii, do di pwodi likame ceng atot okato, wun kobino batiso wu kede Tipo Kacil.”

Tice 2:4

Gin dedede kiko pong kede Tipo Kacil, di kiko cako yamo i leb kanyen, bala kame Tipo nono oudo mio gi kede.

1 Jokorinti 12:13

Pien i Tipo acel, wanunu dedede kobatiso wa okounu doko kom acel, Iyudayan arabo Jogurik, ipasoi arabo jo kogonyere, wanunu dedede Rubanga otieko keto Tipo acel nono i cuny wa.