Yokana 1:3 - Baibuli I Leb Kumam 2013

³ Jame dedede riki kocweo pi en, doko likame tie gimoro i cwec kame bin kocweo abongo en.

Yokana 1:3 Iomraidhean Croise

Ageini 1:1

I agege kakame Rubanga ocweo kede malo kede lobo,

Ageini 1:26

Di Rubanga oko waco be, “Otimunu dano i cal wa; doko miero gin kibed kede loc i kom deknam, kede i kom winy me wi yamo, kede i kom doke, kede i kom leini me obar dedede kame tie i wi lobo, kede jame me egere dedede kame liao alia i piny.”

Sabuli 102:25

Riki sek in icibo acakini me lobo, doko gikame tie i malo obedo tic me cingi.

Sabuli 33:6

Rwot ocweo malo kede kop mere, doko ecweo gi dedede kame tie iye kede kop me doge.

Agole 8:30

Oudo ango atie i ngete bala ngatic atie kede diru, ango oudo amie yomcuny ceng dedede, di alelo i nyime nakanaka,

Isaya 45:12

Ango en atimo wi lobo, di ako cweno jo pi bedo iye. Ango ayararo malo kede teko na; doko ango amio cik but jamini dedede kame tie iye pi gin bedo bala kame ango amito.

Isaya 45:18

Rwot en kocweo malo; en kene ebedo Rubanga! En kame bin elulungo lobo di eko time; eko sipe ecungo di etek. En bin likame ecweo lobo di eko weke atatai, en elulungo en pi jo bedo iye. En nono kame etie waco be, “Ango en Rwot, doko likame tie rubanga moro apat.

Yokana 1:10

En oudo etie i piny, doko oko cweno piny pi en, di jo me piny likame oko ngene.

Yokana 1:2

En oudo etie kede Rubanga cako ki agege.

1 Jokorinti 8:6

do kibut wan Rubanga tie acel, en Papa, ngat kame ocweo gi dedede doko wan okuo pire, kede Rwot acel, en Yesu Kirisito, kame mio jamini dedede bedo tie, doko wan okuo pi en.

Joepeso 3:9

kede pi mino jo dedede ngeno iik me mung ka Rubanga kame oudo ekano pi kare alac, en ngat kame ecweo jame dedede.

Iburanian 11:3

Yei en kame mio wa oniang be bin Rubanga ocweo piny kede kop mere, tetekeny gikame nan neeno bin kotimo ki gi kalikame neeno.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.

Gianyuta 3:14

“Wandiko but malaika me ekodet me jokirisito kame tie Laodikia be: “Magi en kop kowok kibut Amen, mujura me ateni kame genere, ngat kame gi dedede kame Rubanga ocweo ocakere kibute.

Gianyuta 4:11

“Rwot Rubanga wa, epoore pi in udo deyo, wor kede twer, pien in en kame icweo jame dedede, doko pi mit nin en komio gin kitie, doko en komio kocweo gi.”