Yokana 1:29 - Baibuli I Leb Kumam 2013

²⁹ Oru mere, Yokana oko neno Yesu di tie bino tetu bute, di eko waco be, “Nenunu Katin Romo ka Rubanga kame kwanyo dub me piny!

Yokana 1:29 Iomraidhean Croise

Yai 28:38

Aaron bino ngape i tur nyime, di en eko bino yeno raco kame udere i kom giamia kacil kame jo me Isirael mio buta; pado me saabu nono bino bedo i tur nyime nakanaka tetekeny ango ayei gamo giamia gi.

Isaya 53:10

Rwot waco be, “Manono oudo obedo mit nango pi mine awanon di eko neno can; to mere oudo obedo giayala pi dub. En ebino neno ikwae mege, doko ebino bedo kuo pi kare kalac; En ebino mino mit nango cobere.

Isaya 53:11

En ebino neno bero kame wok ki lito kame en ebeo iye; ebino ngeno be can kame en eneno likame obedo me nono, di cunye ko bino kwei. Ngatic na kopoore bino mino jo atot doko jo kopoore, en ebino yeno dub gi.

Isaya 53:7

“En oudo kotere kirac, koketo can i kome, do en likame engamo doge yamo akadi kop acel. En oudo eling alinga bala atin oromo kame kotie tero ot ngolo, kede bala oromo kame kotie nyaro yer mere.

Kosea 14:2

Dokunu but Rwot di ikounu lego be, “Sasiro dub wa dedede di iko gamo ilega wa, di wan oko bino mini giayala me pak.

Jolebi 10:17

“Pinyo komio likame icamunu giayala me kwanyo dub i kabedo kacil? En ebedo gikacil twatwal, kame Rwot omio butu pi kwanyo raco me jo, pi culo dub kawang gi i nyim Rwot.

Sakaria 13:1

“I kare nono kobino yabo atan me lonyo ikwae ka Daudi kede jo me Yerusalem ki dub kede ki pwokere.

Wel 18:1

Rwot oko waco ne Aaron be, “In kede awobe ni, kede Jolebi ibinunu yeno peko me gikarac kame kotimo amakere kede kabedo kacil; do in kede awobe ni kenekene en kame ibinunu yeno peko me gikarac kame otimo amakere kede tic me josaseredoti.

Wel 18:23

Do Jolebi kenekene en kame bino timo tic me Eema me riamo. Ka dub moro otimere iye, manono bedo i wi gin. Manoni en iswil kalikame lokere pi kare me lwak wu dedede. Jolebi likame kobino poko negi lobo i Isirael,

Wel 21:9

Aso, Musa oko timo twol kede nyonyo buronsi, di eko cibe i wi epir. Ka twol oudo otongo ngatamoro, ngat nono oudo ngio twol kame kotimo kede nyonyo buronsi nono di eko kuo.

Matayo 1:21

En ebino nywalo atin awobi di iko cako nyinge Yesu, piento en ebino lako jo ki dub gi.”

Matayo 20:28

bala kite kame Wot ka dano da likame obino kede pi jo timo ne tic, do en ebino pi timo tic ne jo icegun, kede pi jalo kuo mere pi lako jo atot.”

Yokana 1:35

Oru mere, Yokana oudo bobo tie cungo kede jo are kikom josiao mege.

Yokana 1:36

En eko neno Yesu di tie ot, di eko waco be, “Nenunu Katin Romo ka Rubanga!”

Yokana 1:43

Oru mere Yesu oko moko tam mere pi ot Galilaya. En eko udo Pilipo di eko waco ne be, “Luba.”

Yokana 2:1

Ceng me adek nyom oudo tie i bomba atidi me Kana, i piny me Galilaya. Toto me Yesu da oudo tie kuno.

Yokana 3:16

Pien Rubanga bin omaro piny, omio eko cwano iye Wode acel kenekene, tetekeny ngat kame yei en kur toi, do eud kuo kame bedo nakanaka.

Yokana 4:42

Gin kiko waco ne dako nono be, “Likame wan oyei pi yamo nin, do pien wan ikom wa otieko winyo, doko ongeo be ateteni man en Ngalak me piny.”

Yokana 6:51

Ango en mugati me kuo kame owok ki malo; ngat kame camo mugati noni bino kuo ikar kede ikar. Mugati kame ango abino mino pi kuo me piny en ringokoma.”

Tice 13:39

doko da pi en nono, ngat acelacel kame yei, kogonye ki dub dedede kame Iswil ka Musa oudo likame twero gonye kiye.

Tice 8:32

Adul me iwandik kacil kame en oudo etie somo noca somere be, “Bala oromo kame kotie tero ot ngolo, bala atin oromo kame ling alinga kame kotie nyaro yer mere, en bin likame eyabo doge akadi acel.

1 Jokorinti 15:3

Pien ango ako mino wu kop kame bin komio ada, bala gikame pire tek kalamo, en ine be; Kirisito oto pi dub wa di lubere kede iwandik kacil,

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Jogalatia 1:4

Kirisito ojalere pi dub wa, pi lako wa ki kare kanataman me dub noni, di lubere kede mit ka Rubanga wa, en Papa wa.

Jogalatia 3:13

Kirisito olako wa ki ilam kame Iswil kelo, ingei en doko ilam pirwa. Pien kowandiko be, “Ilam mak ngat acelacel kame koliero i kom yat.”

1 Temeseo 2:6

ngat kame bin ojalo kuo mere pi lako jo dedede. Manoni oudo obedo gikame moko kop, kame komio i kare kopoore.

Tito 2:14

En nono kame ejalere pirwa, pi lako wa ki tim areco dedede, kede pi lonyo jo kame poore bedo mege, jo kame keto cuny gi timo tice kabeco.

Iburanian 1:3

En kame enyuto deyo ka Rubanga, doko da en kame ebedo cal me kuo ka Rubanga kikokome. Kop mere kame tie kede twer en kame mio gi dedede bedo tie iepone kame nataman kitie kede. Kakame etieko lonyo kede jo ki dub, en eko bedo i bad tetu cam ka Rubanga won Twer Adwong.

Iburanian 2:17

Pi mano, en miero oudo edok cal bala imiegu kede amiegu mege i yore dedede, tetekeny ebed Ngatel Josaseredoti, kame ngakisa kede kame genere i tic ka Rubanga, me wek ebed giayala kame kwanyo dub me jo.

Iburanian 9:28

kamanono da, ingei yalo Kirisito kicel pi kwanyo dub me jo atot, en ebino bobo neeno tien me are, likame pi kop kame mako dub, do pi lako jo kame tie kure kede imue.

1 Petero 1:19

do kotime kede remo ka Kirisito, remo kame wel mere dwong, kame cal bala me katin romo kalikame tie kede gimoro arac arabo pwokere moro i kome.

1 Petero 2:24

En eyeo dub wa i kome i wi musalaba, tetekeny wan ojikunu dubo di okounu bedo kede kuo kopoore. Itiekunu cango pi aporeso mege.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

1 Yokana 2:2

En ebedo giayala kame kwanyo dub wa, do likame dub wan kenekene, do da dub me jo dedede.

1 Yokana 3:5

Wun ingeunu be bin en eneeno pi kwanyo dub, do en eli kede dub moro i kome.

1 Yokana 4:10

Amara en ine: likame be wan omarunu Rubanga, do be en emaro wa di eko cwano Wode pi bedo giayala kame kwanyo dub wa.

Gianyuta 1:5

kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan. En emaro wa, doko remo mere otieko gonyo wa ki dub wa

Gianyuta 12:11

Gin kibwone pi remo me Katin Romo kede pi kop me ijura kame gin kimio, pien gin oudo likame kiparo pi kuo gi akadi paka tuno i to.

Gianyuta 13:8

Jo dedede kame bedo i wi lobo bino wore, gin en jo dedede kame cako di likame pwodi kocweo piny, likame kowandiko nying gi i itabu me kuo me Katin Romo kame oudo koneko.

Gianyuta 14:1

Di ango ako neno Katin Romo di etie cungo i wi moru me Sion. Oudo etie karacel kede jo tutumia tol acel kede ot ongwon kiwie ongwon, jo kame kowandiko nyinge kede nying Papa mere i tur nyim gi.

Gianyuta 14:10

eda ebino mato bwini ka Rubanga, en lilo mere, kame eonyo di kec i ikopo me gero mere. Doko kobino mine acana kede mac kede salupa i nyim imalaikan kacil kede Katin Romo.

Gianyuta 14:4

Gin en cuo kalikame omunaun kede mito mon, pien gin kigwokere likame kibilo timo mit. Gin nakanaka kilubo Katin Romo kabedere dedede kame en eoto iye. Jo nogi en kame kolako kikom jo dedede, pi bedo bala dul me agege me kac kame komio but Rubanga kede but Katin Romo.

Gianyuta 15:3

Oudo gin kitie wero wer ka Musa ngatic ka Rubanga, kede wer me Katin Romo be, “In Rwot Rubanga Won Twer, tice ni dongodongo doko kibedo me aura. In Abaka me atekerin dedede, in itimo gi dedede i yore kopoore kede me ateni.

Gianyuta 17:14

Gin kibino yi kede Katin Romo. Do Katin Romo karacel kede jo mege kame elwongo, jo kame en eyero, kame genere, bino bwono gi, piento en ebedo Rwot me rwode kede Abaka me abakai.”

Gianyuta 19:7

Mito obedunu kede kilel kede yomcuny di okounu mine deyo, pien kare me nyom me Katin Romo otieko tuno. Doko ateran mere otieko iikere,

Gianyuta 19:9

Di malaika nono oko waco na be, “Wandiko kop ni be: kitie kede winyo gin jo kame kolwongo gi i ebaga me nyom me Katin Romo.” Doko en eko waco na be, “Magi obedo kope me ateni kame owok kibut Rubanga.”

Gianyuta 21:14

Apama me bomba nono oudo kogero i wi ingaroi tomon kiwie are me acakini me gedo, kame oudo kowandiko i kom gi nying joor tomon kiwie are me Katin Romo.

Gianyuta 21:27

Do likame tie gi kalikame cil kame bino donyo iye, akadi ngatamoro kame timo tim me emuna arabo kame yamo kop me abe, do kenekene jo kame kowandiko nying gi i itabu me kuo, itabu me Katin Romo, en kame bino donyo iye.

Gianyuta 21:9

Di malaika acel kikom imalaikan kanyaare nogo, kame oudo tie kede bakulin kanyaare me egere me can kanyaare me ajikini, oko bino buta di eko waco na be, “Bia, abino nyuto ni Ateran, dako me Katin Romo.”

Gianyuta 5:6

Di ako neno i dierediere me kom me ajakanut kede giacwea akuo ongwon, kede i dier joadongo di cungo iye Katin Romo kame ineno bala koneko. Oudo etie kede tunge kanyaare kede wange kanyaare, kame obedo tipere kanyaare ka Rubanga kame ecwao i wi lobo lung.

Gianyuta 5:8

Kakame en etieko gamo kede itabu adola nono, giacwea akuo ongwon kede joadongo ot are kiwie ongwon nogo oko riebere i nyim Katin Romo, ngat acelacel kikom gi oudo tie kede adungu kede bakulin kame kotimo kede saabu di oketo i yi gi bubani pong, kame obedo ilega me jokacil.

Gianyuta 6:1

Di ako neno Katin Romo di yabo acel i kom amwon kame kododoko tien kanyaare nogo. Ako winyo acel kikom giacwea akuo ongwon di waco kede dwan kame mor bala mwoc me kot be, “Bia!”

Gianyuta 6:16

Gin udo kitie lwongo mori kede kide be, “Potunu i kom wa di ikounu kano wa me wek kur ngat kame bedo i kom me ajakanut nen wa, kede da ikounu kano wa ki lilo me Katin Romo.

Gianyuta 7:14

Ango ako dwoko ne be, “Adwong, in en kame ingeo.” Di en eko waco na be, “Magi en jo kame owok ki can alit. Gin kilwoko ikanson gi kede remo me Katin Romo oko doko tar.

Gianyuta 7:17

Pien Katin Romo kame tie i nyim kom me ajakanut bino bedo ngakwat gi, en ebino telo gi etero gi i atan me pii me kuo di Rubanga ko bino weno pige wang gi dedede.”