Yokana 1:21 - Baibuli I Leb Kumam 2013

²¹ Gin kiko penye be, “In do ngai? Benyo, in en Elia?” En eko dwoko be, “Li.” Kiko bobo penye be, “In do enabi?” En eko dwoko be, “Li.”

Yokana 1:21 Iomraidhean Croise

Malaki 4:5

“Nenunu, ango abino cwano ne wu enabi Elia di pwodi ceng na likame otuno, en ceng adwong kede me twon peko.

Matayo 11:14

aso ka itwerunu yei, Yokana inonono kame enabi bin owaco kop i kome i kare kame ewaco kede be Elia oyaro bino.

Matayo 16:14

Gin kiko dwoko be, “Mogo waco be Yokana Ngaibatis, mogo be Elia kede jo apat waco be en Yeremia arabo ngat acel kikom inabin.”

Matayo 21:11

Ekodet kame oudo upere kede Yesu oko dwoko be, “Man en Yesu enabi kame owok ki bomba me Nasaret, i adul me Galilaya.”

Luka 1:17

En ebino telo yongayo ne Rwot, di etie kede Tipo Kacil kede twer bala me ka enabi Elia, pi loko cuny jonywal di eko ribo gi kede idwe gi, bobo ebino loko jo kalikame wor edwoko gi i yongayo me rieko me jo kopoore, doko da ebino iiko ne Rwot jo mege.”

Yokana 1:22

Gin kiko penye be, “In do ngai? Niang wa wek oud kop kame otwero dwoko ne jo kame ooro wa. Kop nyo kame makin kame in iromo waco?”

Yokana 1:25

Gin kiko penye be, “Do pinyo komio in ibatiso jo ka in likame ibedo Kirisito, amoto Elia, arabo enabi?”

Yokana 6:14

Kakame jo oneno kede gianena kame Yesu otimo, gin kiko waco be, “Ateteni man en enabi kame oudo poore bino i piny!”

Yokana 7:40

Kakame kiwinyo kede kope go, jo mogo oko waco be, “Ateteni dano ni obedo enabi.”