Yokana 1:16 - Baibuli I Leb Kumam 2013

¹⁶ Wan dedede otieko udo kisa i wi kisa, kame wok ki kisa mere kopong.

Yokana 1:16 Iomraidhean Croise

Sabuli 84:7

Teko gi meede ameda kame gin kitie ot; gin kibino neno i Sion Rubanga kame kalamo rubangan dedede.

Sakaria 4:7

Moru kame tie i nyimi no bino doko kakagereger. In ibino temuno gero tempulo; kakame itie keto kede kidi mere me ajikini me apama, jo bino ilelem be, ‘Ecil, Ecil!’ ”

Matayo 13:12

Pien ngat kame tie kede gimoro kobino medo ne ace, tetekeny en eko bedo kede atot; do ngat kame li kede gimoro, akadi atitidi kame etie kede da kobino kwanyo kibute.

Matayo 3:11

Ango abatiso wu kede pii pi nyuto be wun itiekunu swilaro, do ngat kame tie bino i cen ngea oyaro batiso wu kede Tipo Kacil kede mac. En etie kede twer kame loa, doko ango likame apoore pi mako amuka mere.

Matayo 3:14

Yokana oudo mito genge di ewaco be, “In en kame miero ibatiso ango, do benyo bobo komio in ibino buta?”

Luka 21:15

pien ango abino mino wu kope me ayama, kede rieko da kalikame tie ngakwor wu moro kame bino twero kanyakino arabo piem kede.

Yokana 3:34

Pien ngat kame Rubanga ocwao, en eyamo kop ka Rubanga, pien likame Rubanga mio Tipo Kacil di epimo apima;

Joroma 5:17

Ka pi dub me ngat acel, to oko bedo kede loc pi ngat acel nono, do akalamo mano, ateteni jo kame ogamo twon kisa kede giamia me nono kame mio gi kibedo jo kopoore, bino bedo kede kuo kede loc pi dano acel, en Yesu Kirisito.

Joroma 5:2

En etieko mino wa oudo epone me tuno i kisa ka Rubanga kame nan wan otienu iye, di olelunu pi gen wa kame otienu kede me nywako deyo ka Rubanga.

Joroma 5:20

Kokelo Iswil di dub oko meede; do kakame dub meede nyai iye, kisa ka Rubanga medo doko dwong iye kalamo.

Joroma 8:9

Do wun likame ibedunu i kite me kuo me kom, do ibedunu bala kame Tipo mito, pien Tipo ka Rubanga bedo i komu. Ngat kame li kede Tipo ka Kirisito, udo likame en me ka Kirisito.

Joepeso 1:23

kame obedo kome, kame pongo en ngat kame pongo gi dedede i kabedo dedede.

Joepeso 3:19

kede da ingeunu amara ka Kirisito kame kalamo ngec, tetekeny ipongunu kede gi dedede me ekite me kuo ka Rubanga.

Jokolosai 1:19

Pien Rubanga i tie mere lung oudo mito bedo i en,

Jokolosai 2:3

Kokano abar dedede me rieko kede me ngec bute.

1 Petero 1:11

Gin oudo kitamo mito ngeno ngat nono, amoto kare kame Tipo ka Kirisito kame oudo gin kitie kede tie nyuto, kakame etuco kede can kame Kirisito oudo bino kanyo, kede deyo kame bino lubo.

1 Petero 1:2

jo kame Rubanga Papa oyero bala kame en oudo eiko kede cako sek, di eko lonyo gi kede Tipo pi bedo jo kame winyo Yesu, kede di oko bino kiro gi kede remo mere pi gin doko cil. Okwao kisa kede mulem ka Rubanga bed dwong ne wu.