Yokana 1:14 - Baibuli I Leb Kumam 2013

¹⁴ Kop oko doko dano di eko bedo i diere wa di epong kede kisa ka Rubanga kede ateni. Wan oneno deyo mere, deyo ka Wod acel kenekene kame owok kibut Papa.

Yokana 1:14 Iomraidhean Croise

Sabuli 2:7

Abaka waco be, “Abino waco kop kame Rwot omio. En ewaco na be, ‘In en woda; tin ango adoko papa ni.

Sabuli 45:2

In ibedo icuo acil kalamo cuo dedede; kope me kisa wok ki dogi; pi mano, Rubanga otieko mini winyo kame bedo nakanaka.

Sabuli 85:9

Ateteni eikere pi lako jo kame lwore, me wek deyo mere bed i lobo wa.

Isaya 40:5

Di do deyo ka Rwot ko bino neeno kakaler, di jo dedede ko bino nene karacel. Rwot kikome en kotieko waco.”

Isaya 53:2

Oudo ebedo mit ka Rwot pi ngatic mere dongo i nyime bala yat kame pwodi dongo adonga, kede bala alias kame wok kakotuo. En oudo erarac doko eli kede ruom kame koto mi wa opar pi nene, likame tie gimoro kame oudo romo wano tam wa i kome.

Isaya 7:14

Do Rwot pwodi bino mini gianena; tie nyako oyac kame bino nywalo atin awobi di eko cako nyinge Emanuel.

Esekeri 37:27

Ango abino bedo kunono kede gin; ango abino bedo Rubanga gi di gin kiko bedo jo na.

Matayo 1:16

Yakobo oko nywalo Yosepu cwar Maria, kame oko nywalo Yesu kame kolwongo be Kirisito.

Luka 2:11

pien tin konywalo ne wu Ngalak i Bomba ka Daudi, en Kirisito Rwot.

Luka 2:7

En eko nywalo atin awobi kao mere, di en eko ume kede igoen me mukeru kiber, di eko piele i atuba me cam me dok, pien gin do oudo likame kisobolo udo kabedo i ot me wele.

Luka 9:32

Petero kede jowote oudo nino obwono, omio kiko nino. Do kakame kicei kede, kiko neno deyo ka Yesu, kede cuo are kame oudo tie cungo kede en.

Yokana 1:1

I agege, Kop oudo tie. Kop oudo tie kede Rubanga, doko Kop oudo en Rubanga.

Yokana 11:40

Yesu oko dwoko ne be, “Mam oudo awaco ni be ka iyei ibino neno deyo ka Rubanga?”

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 14:9

Yesu oko dwoko ne be, “Pilipo, ango abedo kede wu kan pi kare go dedede, benyo, ida likame ingea? Ngat konenango udo eneno Papa; pinyo doko komio iwacunu be anyut ne wu Papa?

Yokana 17:22

Deyo kame itieko mina, ada atieko mino gin, me wek kibed jo acel, bala kite kame wada otie kede acel;

Yokana 17:24

“Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Yokana 18:37

Pilato oko penye be, “Mam in do abaka?” Yesu oko dwoko be, “In iwaco be ango abaka, ango oudo konywala pi kop noni, doko kop noni da en komio ango abino i piny, me wek abed ijura i kom gi me ateni. Ngat acelacel kame tie i ateni winyo dwana.”

Yokana 2:11

Man en gianena mere me agege kame Yesu otimo i Kana kame tie Galilaya, di eko mino deyo mere ongere, di josiao mege oko yei en.

Yokana 3:16

Pien Rubanga bin omaro piny, omio eko cwano iye Wode acel kenekene, tetekeny ngat kame yei en kur toi, do eud kuo kame bedo nakanaka.

Yokana 3:18

“Ngat kame yei en likame kobino ngolo kop loe; do ngat kalikame yei en kotieko ngolo kop oloe cuto, pien likame eyei nying Wot ka Rubanga acel kenekene.

Yokana 6:51

Ango en mugati me kuo kame owok ki malo; ngat kame camo mugati noni bino kuo ikar kede ikar. Mugati kame ango abino mino pi kuo me piny en ringokoma.”

Yokana 8:32

doko ibinunu ngeno ateni, di ateni ko bino gonyo wu.”

Tice 13:33

en nan etieko mino ocobere but wan ikwae gin, di eyaruno Yesu; bala kite kame kowandiko kede i Sabuli me are be, “‘In en Woda, tin ango adoko Papa ni.’

Joroma 8:3

Rubanga otieko timo gikame oudo Iswil likame twero timo, pien kite me kuo me anywali otieko mine edoko goro. En eoro Wode kikokome pi bino i cal me kuo me kom kame opong kede dub, di en eko ngolo kop me raco i wi dub.

Joroma 9:5

Joakwari me agege me Isirael obedo mergi, doko i kom kop kame mako anywali me kom, Kirisito owok ki ateker gi. Pak bed but Rubanga ngat kame lo jame dedede ikar kede ikar. Amen.

1 Jokorinti 15:47

Dano me agege owok ki lobo, otime kede apua; dano me are owok ki malo.

2 Jokorinti 12:9

Do en eko dwoko na be, “Kisa nango romi, pien kame in igoro, twer nango dwong kalamo.” Ango do abino meede ameda wakere kede yomcuny pi goro na, tetekeny twer ka Kirisito bed i koma.

Jogalatia 4:4

Do kakame kare oromo kede kiber, Rubanga oko cwano Wode, kame dako onywalo, kame konywalo di eko bedo i loc me Iswil,

Joepeso 3:8

Bed bala ango abedo dano me ajikini kalikame pire tek kikom jokacil dedede, do Rubanga oko mina kisa noni, pi kelo ne jo kalikame Iyudayan Kop Aber i kom abar kalikame wacere ka Kirisito,

Jokolosai 1:19

Pien Rubanga i tie mere lung oudo mito bedo i en,

Jokolosai 2:3

Kokano abar dedede me rieko kede me ngec bute.

Jokolosai 2:9

Pien Rubanga i tie mere lung bedo i en i cal me kom,

1 Temeseo 3:16

Ateteni mung me edini wa dwong twatwal: Konyute i cal me kom dano, Tipo oko nyuto be en etimo gikame opoore, imalaikan oko nene. Kotuco kop i kome i dier jo kalikame Iyudayan, piny lung oko yei en, di oko tere malo kede deyo.

Iburanian 1:3

En kame enyuto deyo ka Rubanga, doko da en kame ebedo cal me kuo ka Rubanga kikokome. Kop mere kame tie kede twer en kame mio gi dedede bedo tie iepone kame nataman kitie kede. Kakame etieko lonyo kede jo ki dub, en eko bedo i bad tetu cam ka Rubanga won Twer Adwong.

Iburanian 1:5

Pien malaika mene kame Rubanga otieko waco ne be, “In en Woda tin ango atieko doko Papa ni”? Arabo bobo be, “Ango abino bedo Papa mere, di en eko bino bedo Woda”?

Iburanian 10:5

Pi mano, kakame Kirisito obino kede i piny, en eko waco be, “In likame imito giayala kede giamia, do in iketo na koma.

Iburanian 2:11

Pien ngat kame lonyo jo, kede jo kame kotieko lonyo, gin dedede kitie kede Papa gi acel. Manoni en komio lewic likame mako Yesu pi lwongo gi be imiegu kede amiegu mege.

Iburanian 5:5

Iepone acel nono da, Kirisito likame bin otingere kene pi bedo Ngatel Josaseredoti, do Rubanga en kame bin oyere, ngat kame bin owaco ne be, “In en Woda, tin ango adoko Papa ni.”

1 Yokana 4:14

Wan otiekunu neno, doko omiunu ijura be Papa otieko cwano Wode bala Ngalak me piny.

1 Yokana 4:9

Rubanga onyuto amara mere but wa iepone kame cal kaman: en ecwao Wode acel kenekene i piny tetekeny wan obedunu kede kuo pi en.

2 Yokana 1:7

Joangalo atot otieko sarakin i piny, jo kalikame yei be Yesu Kirisito obino bala dano. Dano moro kame cal kamanono obedo ngaangalo, doko en Ngakwor ka Kirisito.

Gianyuta 19:13

Oudo engapo ekanso kame korwako i remo, kede nying kame kolwonge kede en “Kop ka Rubanga”.

Gianyuta 21:3

Di ako winyo dwan amalo di eyamo ki kom me ajakanut be, “Neningo, paco ka Rubanga tie i diere me jo. En ebino bedo kede gi di gin kiko bino bedo jo mege. Rubanga kikome bino bedo kede gi.