Yakobo 4:1 - Baibuli I Leb Kumam 2013

¹ Nyo kame kelo yi kede lok i diere wu? Mam ebedo mit me kom kame tie atwomutwomun i adulion me komu?

Yakobo 4:1 Iomraidhean Croise

Yeremia 17:9

“Ngai kame karuno niang cuny dano? En ebedo gikame tie kede angalo kalamo gi dedede; ebedo gikame otapar.

Matayo 15:19

Pien ki cuny dano wok kiye par areco, nek, adote, caro, kuwo, ijura me angalo kede dubo nying jo.

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

Joroma 7:23

do aneno iswil ace tie yi i adulion me koma kede Iswil kame tie i tam na, di eko mina abedo mabus me iswil me dub, kame tie i adulion me koma.

Joroma 7:5

I kare kame bin wan otienu di okuounu i ekite me kuo me kom, mit wa me dub kame oudo Iswil mio wa obedo kede, oudo tie tic i adulion me kom wa, pi mino wa bedo kede kuo kame nyako anyakini kame kelo to.

Joroma 8:7

Pien tam kame koketo i kom gikame kom mito tie kwor kede Rubanga, pien likame elubo iswil ka Rubanga, ateteni likame ekaruno lubo.

Jogalatia 5:17

Pien mit me kom likame riamo kede gikame Tipo mito, doko gikame Tipo mito likame riamo kede mit me kom; pien gin are nogi, ngat acelacel piemo kede ocelu, pi gengo wu timo gikame imitunu timo.

Jokolosai 3:5

Pi mano, jikunu atwal mit me lobo kame itienu kede, bala caro, tim me emuna, bedo jomit, kede mit areco, kede eranga (gikame rom aroma kede mino cal jwogi wor).

2 Temeseo 2:23

Bed bor ki piem me mingomingo me kwina piny; in ingeo be magonogo kelo lok.

Tito 3:3

Pien wan ikom wa bin omingunu, oudo likame owinyunu kop, oudo korwenyo wa. Oudo obedo ipasoi me mit kede yomcuny apapat, di odubo kare wa i tim me cuny arac kede nyeko, jo oudo dagi wa doko wada oudo odagere wan kenwa kenwa.

Tito 3:9

Do kur idony i piem me mingomingo, wapo nying joakwari, apokapoka, kede lok kame mako Iswil, pien gin kili kede bero moro doko kony gi li.

Yakobo 1:14

Do dano acelacel bedo kede aomacuny kame mit mege owao cunye.

Yakobo 4:3

Ikwaunu di likame ikounu udo pien ikwaunu i yore arac, ikwaunu gi pi tic kede gi me yomo cunyu kenu.

1 Petero 1:14

Bala idwe kame wor, kur imiunu kuo wu lub mit kame oudo kong igeunu bedo kede pi kwina piny.

1 Petero 2:11

Jo na kame amaro, abako doga butu bala kame nan itienu bedo i piny kan acalo wele me kumbor kame oringini kagwok, kur iyeunu donyo i mit me kom, kame nakanaka yi kede kuo me cunyu.

2 Petero 2:18

Gin kiyamo kope me ewaka kame kony gi li, di kiko tic kede mit kalikame beco me kom pi yodao tam me jo kame pwodi obwot abwota kibut jo kame bedo iekite me kuo arac.

2 Petero 3:3

Me agege mere, miero iniangunu be, i kare me ajikini jo acae oyaro bino di kicaare, di kilubo mit me kom gi,