Yakobo 2:3 - Baibuli I Leb Kumam 2013

³ di do wun ikounu paro pi won igoen abeco nono, di ikounu waco ne be, “Bia ibed kan,” do di ikounu waco ne ngacan be, “Cung kuno,” arabo be, “Bed piny katiena,”

Yakobo 2:3 Iomraidhean Croise

Agole 18:23

Kame ngacan tie yamo, en eyamo kede mwolo di engangao angangai, do ngabar dwoko kop gero gero.

Isaya 65:5

Di do kiko waco ne jo icegun be, ‘Cungunu tenge, kur inokunu wa; wan jokacil twatwal, likame wun ipoorenu mulo wa!’ Jo nogi cal bala yiro kame kwikwio uma. Lilo na i kom gi cal bala mac kame liel piny yuluyul.

Luka 23:11

Di do Erode kede isirikalen mege oko timo ne Yesu tim me acae di kinyere; kakame kotieko ngapo ne kede igoen kabeco me angosibib, Erode oko mino kodwoke but Pilato.

2 Jokorinti 8:9

Pien wun ingeunu kisa ka Rwot wa Yesu Kirisito; bed bala oudo en ebaro, do en eko doko ngacan piru, tetekeny pi can mere wun idokunu jo kobaro.

Yakobo 2:2

Pien ka dano moro kame ongapo mwola kame meny me saabu, kede igoen abeco obino i kacokere wu, di ngacan da kongapo igoen arecoreco da oko bino,

Yakobo 2:6

Do wun likame imiunu jocan wor. Mam jo kobaro en kame tie timo ne wu adiadia? Mam gin en kame kitero wu tetek ot pido wu?

Yuda 1:16

Gin kibedo joingungur kame mito turo raco i wi jo apat; gin jo kame paro pi mit gi kenekene; jo kame bwoto kop kede ewaka, jo kame waco ne jo kope me abe kame winyo mit pi mito udo bero moro kibut gi.