Yakobo 2:1 - Baibuli I Leb Kumam 2013

¹ Imiegu kede amiegu na, bala kame itiekunu yei kede Rwot wa Yesu Kirisito, en Rwot me deyo, kur doko ibedunu kede apokapoka moro but jo.

Yakobo 2:1 Iomraidhean Croise

2 Iyutun 19:7

Nan bedunu kede lworo but Rwot di ikounu gwokere i gi dedede kame itienu timo, pien Rwot Rubanga wa likame tie kede tim me totolo ngolo kop i ateni, akadi bedo kede apokapoka but jo, akadi gamo cemusana.”

Agole 24:23

Mage da obedo kope kame jorieko owaco: Likame poore ngangolkop bed kede apokapoka i kom jo.

Agole 28:21

Bedo kede apokapoka i kom jo likame ber. Do jo mogo karuno timo dub pi sente moro atitidi.

Jolebi 19:15

“Likame ipoorenu ngolo kop kalikame tie kakare; likame ibinunu bedo kede apokapoka but jocan arabo lworo joabar, do ibinunu ngolo ne jo kop kakare.

Matayo 22:16

Gin kiko cwano josiao gin, karacel kede jo me ekodet ka Erode pi ot but Yesu kede peny kame waco be, “Apwony, wan ongeo be in itie dano me ateni, doko in ipwonyo jo i yongayo ka Rubanga i ateni. In likame ilworo ngatamoro, pien in likame ineno dano kede cal mere me ooko.

Tice 10:34

Petero oko cako yamo di ewaco be, “Atieko do nan niang kiber ateteni be Rubanga li kede apokapoka but jo.

Tice 20:21

Ango oudo apwonyo Iyudayan karacel kede Jogurik be miero gin kiswilaro i nyim Rubanga, doko di kiko yei Rwot wa Yesu Kirisito.

Tice 24:24

Ingei ceng mogo, Pelik oko bino kede dako mere Durusila, kame oudo obedo Ayudayat. En eko cwano kolwongo Paulo obino bute, di kiko donyo winyo kop kame epwonyo i kom yei Yesu Kirisito.

Tice 7:2

Sitepano oko dwoko be, “Imiegu kede joapapi na, winyunu gikame ayaro waco; Rubanga me deyo bin oneeno but kwaru wa Aburaam i kare no di en oudo etie i piny me Mesopotamia, di pwodi likame edak bedo i piny me Aran,

Joroma 1:11

Pien cunya paro neno wu me wek ami wu iudunu giamia mogo me cuny, pi mino yei wu doko tek.

1 Jokorinti 2:8

Likame tie ngapug moro me piny kan kame oko niang iye: pien ka koto oudo kiniang, koto likame kiguro Rwot me deyo.

Iswilia 1:17

Kur ibedunu kede apokapoka ka ingolunu kop; winyunu kop me jo me ruom apiny kede jo me ruom amalo di rom aroma. Kur ilworunu ngatamoro, pien kop kame wun ingolunu wok kibut Rubanga. Kelunu buta kop kame ngolo obwono wu, di ango ako bino winye.’

Iswilia 16:19

Gin miero kur kitotolo ngolo kop kakare, arabo kinyut apokapoka but jo; doko miero kur kiyei gamo cemusana, pien cemusana umo wang jo, kiton wang jo ariek di eko mino gi likame kingolo kop kakare ne jo kame li kede raco moro.

Jokolosai 1:4

Pien wan otieko winyo kop i kom yei kame itienu kede i Kirisito Yesu, kede amara kame itienu kede but jokacil dedede,

1 Temeseo 1:19

di itie kede yei kede ngec aber me cuny. Jo mogo pi dagi lubo ngec me cuny gi, omio kiko reto yei gi.

1 Temeseo 5:21

Ango aciki i nyim Rubanga kede i nyim Kirisito Yesu kede imalaikan kame koyero be, poore ilub cik nogi abongo yero obwol ki dek, di ili kede apokapoka i gi dedede kame itimo.

Tito 1:1

Baluwa kowok kibut Paulo ngatic ka Rubanga kede ngaor ka Yesu Kirisito, kame ooro pi medo yei me jo kame Rubanga oyero, kede pi medo ngec gin me gi me ateni, di lubere kede kuo kame nyuto wor but Rubanga,

Tito 2:13

di okurunu kede gen winyo kame bino bino, i Ceng kame deyo ka Rubanga wa adwong Ngalak Yesu Kirisito bino neeno kede.

Iburanian 1:3

En kame enyuto deyo ka Rubanga, doko da en kame ebedo cal me kuo ka Rubanga kikokome. Kop mere kame tie kede twer en kame mio gi dedede bedo tie iepone kame nataman kitie kede. Kakame etieko lonyo kede jo ki dub, en eko bedo i bad tetu cam ka Rubanga won Twer Adwong.

Iburanian 12:2

Ocikunu wang wa i kom Yesu ngat kame obedo acakini me yei wa, doko en ngat kame mie ecato. En bin ekanyakino can me musalaba di lewic likame make pi kilel kame oudo kocibo i nyime, doko nan etie bedo i bad tetu cam me kom me ajakanut ka Rubanga.

Yakobo 1:16

Imiegu kede amiegu na kame amaro, kur iyeunu ngalu.

Yakobo 1:19

Imiegu kede amiegu na kame amaro, poore dano acelacel bed ngat kame bunyo winyo kop, do weko kame bunyo yamo amoto kame bunyo doko ger.

Yakobo 2:3

di do wun ikounu paro pi won igoen abeco nono, di ikounu waco ne be, “Bia ibed kan,” do di ikounu waco ne ngacan be, “Cung kuno,” arabo be, “Bed piny katiena,”

Yakobo 2:9

Do ka inyutunu apokapoka udo itimunu dub, doko iswil ngolo ne wu kop be wun jotur iswil.

Yakobo 3:17

Do me agege, rieko kame wok ki malo cil, doko da ekelo mulem, ebedo mot, egamo tam, etie kede cuny me kisa kede anyakini me tice kabeco, eli kede apokapoka amoto ecuke akadi atitidi moro.

2 Petero 1:1

Baluwa kowok kibut Simoni Petero, ngat kame obedo ngatic kede ngaor ka Yesu Kirisito. But jo kotieko udo yei arom aroma kede merwa pi poore ka Rubanga wa en Ngalak wa Yesu Kirisito.

Yuda 1:16

Gin kibedo joingungur kame mito turo raco i wi jo apat; gin jo kame paro pi mit gi kenekene; jo kame bwoto kop kede ewaka, jo kame waco ne jo kope me abe kame winyo mit pi mito udo bero moro kibut gi.

Gianyuta 14:12

Man tie lwongo but jokacil pi kanyakino, jo kame gwoko cik ka Rubanga kede kame moko i yei gi i kom Yesu.