Yakobo 1:12 - Baibuli I Leb Kumam 2013

¹² Etie kede winyo dano kame kanyakino atama, pien kame ebwono atama, Rubanga bino mine giamia me pwoc, en kuo kame bedo nakanaka kame en ecikere pi mino jo kame mare.

Yakobo 1:12 Iomraidhean Croise

Ageini 22:1

Di do mago otieko timere, Rubanga oko tamo Aburaam. En elwonge be, “Aburaam!” Di Aburaam oko gamo be, “Ango ine.”

Nekemia 1:5

Ango ako lego be, “Okwe Rwot Rubanga atie i malo, in idwong twatwal doko wan olwori. Kede genere in igwoko isikan ni but jo kame mari di kigwoko cik ni.

Yobu 2:10

Do Yobu oko waco ne be, “In itie yamo bala dako angamingo. In iparo be wan opoore gamo bero kibut Rubanga di oko dagi gamo raco kibute?” Bed bala manoni otimere ne, do dog Yobu likame oko yamo kop moro me dub.

Yobu 5:17

“Etie kede yomcuny ngat kame Rubanga bitaro; pi manono, kame Won Twer obitaro in kur ibed kede acae iye.

Sabuli 11:5

En engingico jo kopoore kede jo areco dedede; cunye dagi jo amaro tim me gero.

Sabuli 119:67

Di pwodi oudo in likame iketo can i koma, ango oudo aparao tenge, do nataman alubo do kop nin.

Sabuli 119:71

Alola kame komia oudo obedo gikame ber nango, pien emia ako pwonyere i kom iswilia ni.

Sabuli 119:75

Okwe Rwot, ango angeo be in ingolo kop i yore kopoore, doko ango ngeo be in igenere en komio imia alola.

Sabuli 5:11

Do mi jo kame ringini gwok buti kilel, wek kiwer wer me ilel nakanaka. Gwok jo kame mari tetekeny kibed kede ilel piri.

Sabuli 94:12

Kitie kede winyo gin jo kame in ibitaro, Okwe Rwot, kede jo kame in ipwonyo iswil ni.

Yai 20:6

Do jo kame mara di kigwoko cik na, ango anyuto amara na kalikame lokere but gi kede but lwak me ikwae gi me tutumia kede tutumia.

Agole 17:3

Kotamo saabu kede siliba kede mac pi ngeno ka kibeco, do cuny dano Rwot en kame tamo.

Isaya 64:4

Cako riki sek, likame tie ngatamoro kotieko neno arabo winyo kop i kom Rubanga moro apat kame cal bala in, ngat kame timo gikame cal kamagonogo ne jo kame gene.

Sakaria 13:9

Acel i kom adek odong kuo nogo abino keto gi i mac di ako lonyo gi bala jililo nyonyo siliba, di ako tamo gi bala tamo saabu kede mac. Di do gin kiko bino lego buta di ango ako gamo kwac gi. Ango abino waco negi be gin kibedo jo na, di gida kiko bino tuco kede dog gi be ango abedo Rubanga gi.”

Matayo 10:22

Jo dedede bino dagi wu pira, do ngat kame bino kanyakino tuno i ajikini bino udo alako.

Matayo 25:34

Di do Abaka ko bino waco ne jo kame tie i bade tetu cam be, ‘Bianu wun jo kame Papa na omio wu winyo, bia igamunu winyo me ajakanut kame Rubanga oiko ne wu cako ki agege me cweno piny;

Luka 6:22

“Itienu kede winyo ka jo dagi wu, di kipoko wu tenge kikom gi, di kiyeyeto wu, di kidubo nying wu pi Wot ka dano.

Joroma 5:4

kede ikanyakin mio Rubanga pwoyo ikiteso wa, kede ikiteso kame Rubanga pwoyo kelo gen.

Joroma 8:28

Wan ongeunu be, i gi dedede, Rubanga tio pi kelo bero ne jo kame mare, jo kame en elwongo di lubere kede iik mere.

1 Jokorinti 2:9

Do bala kame kowandiko be, “Gikame wang moro likame pwodi oneno, akadi yit moro da likame pwodi owinyo, akadi ngatamoro da pwodi likame otamo pire, gi nono en kame Rubanga otieko iiko ne jo kame mare.”

1 Jokorinti 8:3

Do ka dano maro Rubanga, dano nono Rubanga ngeo.

1 Jokorinti 9:25

Ngaringo acelacel me piem lubo iswilia me ringo. Gin kitimo kamano pi udo ocoro me angosibib kame dubere mere, do wan otimo tic wa pi udo kalikame dubere mere.

Iswilia 13:3

kur igamunu kop gi. Pien Rwot Rubanga wu udo tie tic kede gin pi tamo wu; en emito ngeno ka wun ateteni imarenu kede cunyu dedede kede kuo wu lung.

Iswilia 7:9

Pi mano, poore wun ingeunu be Rwot Rubanga wu en kene kame ebedo Rubanga doko egenere. En ecobo isikan mere doko enyuto amara mere kalikame lokere but lwak me ikwae me tutumian me jo kame mare di kilubo cik mere,

Iswilia 8:2

Yutununu kite kame Rwot Rubanga wu obedo telo wu kede i wi tim pi mwakini ot ongwon kame okato. En oudo emito mino wun idokunu jo kame mwolere, en komio en ebedo cwano ne wu pekini pi tamo wu, tetekeny en engei gikame tie i cunyu, arabo ibinunu lubo cik mege amoto li.

2 Temeseo 2:15

Tamakino kede teko ni dedede pi nyuto i nyim Rubanga be in ngatic kame en epwoyo, ngatic kame li kede gimoro kame lewic make iye, kame pwonyo kiber kop me ateni.

2 Temeseo 4:8

Cako nataman, kotieko iiko na giamia me loc pi bedo ngat kopoore, kame Rwot ngangolkop kopoore bino mina i Ceng nono, doko likame ebino mino ango kenekene, do ebino da mino jo dedede kame daro dwogo mere kede imue.

Iburanian 10:32

Yutununu kong kare kokato, i kare kame bin iutenu kede can di ikanyakinunu, ingei wun bedo kede lero ka Rubanga.

Iburanian 11:17

Pi yei, Aburaam bin oyei mino Isaka bala giayala, kakame bin kotame kede. En ngat kame bin Rubanga ocikere bute, oudo eyei pi mino wode acel kenekene bala giayala,

Iburanian 12:5

Mam wi wu otieko wil i kom kop me dino cuny kame Rubanga oyamo ne wu bala idwe mege? En ewaco be, “Atin na, kame Rwot obitaro in, kur iter bala gi me tuko, doko kur cunyi kwanyere kame emi alola.

Iburanian 6:15

Kikano, Aburaam oko bedo kede dire di eko udo gikame Rubanga oudo ocikere pi mine.

Yakobo 2:5

Winyunu, imiegu kede amiegu na kame amaro, mam Rubanga oyero jo kame jocan i piny kan pi bedo jo kame obaro i kop me yei kede jo kame bino donyo i Ajakanut kame en ecikere pi mino jo kame mare?

Yakobo 5:11

Ateteni wan olwongo jo kame bin onyuto ikanyakin gi be jowinyo. Wun itiekunu winyo epone kame bin Yobu okanyakino kede, doko itiekunu neno adwokini me gikame Rwot oko timo ne, epone me mwolo kede cuny me kisa ka Rwot.

1 Petero 3:14

Do akadi bed bala itienu neno can pi timo gikame opoore, kobino mino wu winyo. Kur ilworunu gi, doko da kur cunyu poti.

1 Petero 4:13

Do lelunu kame itienu nywako can ka Kirisito, me wek bobo ibin ilelunu di itienu kede yomcuny i kare kame kobino nyuto kede deyo mere.

1 Petero 4:14

Ka koronkino wu pi nying Kirisito, udo itienu kede winyo, pien udo Tipo me deyo, kame obedo Tipo ka Rubanga tie kede wu.

1 Petero 5:10

Do ingei wun neno can pi kare moro acecek, Rubanga won kisa lung, ngat kolwongo wu i deyo mere kame bedo nakanaka i Kirisito, en kikome ebino dwoko kuo wu kakare, ebino konyo wu, ebino mino wu teko di eko sipakino wu.

1 Petero 5:4

mio kame Ngakwat Adwong obino, ibinunu udo ocoro kalikame dubere me deyo.

1 Yokana 4:19

Wan otienu kede amara pien Rubanga en kogeo maro wa.

Gianyuta 2:10

Kur ilworunu can kame iyapununu beo iye. Nenunu, Sitani oyapuno mino korwako jo mogo kikom wu i otkol, tetekeny kotamu di ikounu bedo kede peko pi ceng tomon. Bedunu jo kame genere tuno i to, di ango ako bino mino wu kuo bala giamia pi lono.

Gianyuta 3:19

Ango abunano jo kame amaro, doko abitaro gi; pi mano, miero iketunu cunyu di ikounu swilaro.

Gianyuta 3:21

Ngat kame bino lono, ango abino mine ebedo keda i kom na me ajakanut, bala kame ango da alo kede di ako bedo kede Papa na i kom me ajakanut mere.