Yakobo 1:10 - Baibuli I Leb Kumam 2013

¹⁰ doko wek ngabar da wakere kame kodwoke piny, pien ngat kobaro bino rwenyo wir bala ature me lum.

Yakobo 1:10 Iomraidhean Croise

Yobu 14:2

Kuo mere cal bala ature kame tuuro di eko ner; en likame ebedo pi kare alac, do ebunyo rwenyo bala tipo me yat.

Sabuli 102:11

Ceng me kuo nango cal bala tipo me yat timo otieno; acal bala lum oner.

Sabuli 103:15

Kuo me jo kare mere rom aroma bala me lum, kare me kuo gi rom aroma bala me ature me obar.

Sabuli 37:2

pien gin kibino rwenyo wir awakawaka bala lum atuo, kibino ner bala pote me yen.

Sabuli 39:6

Ateteni ngat acelacel rwenyo bala tipo me yat. Ateteni gin kicane nono; kidiato jame do likame kingeo jo kame bino tero jame gi nogo.

Isaya 40:6

Dwan ngatamoro waco be, “Lelemo!” Ango ako penyere be, “Abino lelemo kop nyo?” Eko dwoko be, “Lelemo be jo dedede cal bala lum; likame kitieko kare kalac bala ature me obar.

Isaya 40:7

Lum ner doko ature da tuwo, ka Rwot ocwao yamo okuto i kom gi. Ateteni jo cal bala lum.

Isaya 57:15

“Ango en Rubanga kame tie malo, Rubanga kacil, ngat kame bedo nakanaka. Ango abedo kakame tie malo, kabedo kacil, doko abedo da kede jo kame mwolere di kiswilaro, tetekeny adwok cuny gi kede gen gi.

Isaya 66:2

Gi nogi dedede ango en kame acweo. Pi mano, gin dedede kibedo mega. Do jo kame ango cunya yom i kom gi, gin jo kame mwolere kede kame swilaro, jo kame lwora di kitimo gikame ango awaco negi.

Matayo 5:3

“Kitie kede winyo jocan i cuny gi, pien Ajakanut me malo tie mergi.

Matayo 6:30

Do ka Rubanga tubuso lum me obar, lum kame tin kuo, diki di oko wango gi i mac, iparunu be likame ebino ngapo wun kalamo? Okwecunu wun jo kame yei wu nonok!

1 Jokorinti 7:31

kede jo kame tio kede jame me piny kan, kibed bala likame ginogo omao kare gi. Pien piny, i kite kame nan etie kede noni, oyapuno jik.

Jopilipi 3:8

Ateteni atero be gi dedede kony gi li pi bero kame kalamo, en ngeno Kirisito Yesu Rwot na. Ango akei gi dedede pire, doko atero gi bala yugi, me wek aud Kirisito,

1 Temeseo 6:17

Cik jo kame nataman obaro i piny kan kur kitingere, doko kur kiket gen gi i kom abar kalikame genere, do kipoore keto gen gi i kom Rubanga ngat kame mio wa jame dedede kede cunye lung pi kelo ne wa yomcuny.

Yakobo 4:14

do di likame ingeunu kop me diki. Kuo wu en nyo? Wun kom icalunu bala ekuna kame neeno pi esawa atitidi di eko rwenyo wir.

1 Petero 1:24

Pien kowandiko be, “Kom dano cal bala lum, doko deyo mere lung cal bala ature me lum. Lum ner, di ature mege ko ony,

1 Yokana 2:17

Piny kede gikame jo mito kiye tie jik, do jo kame timo gikame Rubanga mito bino bedo ikar kede ikar.