Yakobo 1:1 - Baibuli I Leb Kumam 2013

¹ Baluwa kowok kibut Yakobo ngatic ka Rubanga kede me ka Yesu Kirisito. But atekerin tomon kiwie are kame osarakin obukui. Amoto wu.

Yakobo 1:1 Iomraidhean Croise

1 Abakai 18:31

Di eko kwanyo kide tomon kiwie are, di lubere kede wel me ikekon me awobe ka Yakobo, en ngat kame oudo Rwot owaco ne be, “Nyingi bino bedo Isirael.”

Esera 6:17

Pi kwero ot noni but Rwot, gin kiko yalo twonin tol acel (100), imerekekin tol are (200), romini apwodi bwong tol ongwon (400), kede ikoroi tomon kiwie are pi bedo giayala me kwanyo dub, buli ekoroi pi jo me buli ekeko me ateker me Isirael.

Esita 3:8

Kaman oko waco ne abaka be, “Tie jo me ateker moro kosarakin i ajakanut ni dedede, doko kitie i adulion dedede. Gin kitie kede itok kame pat kede itok me jo me atekerin apat, doko da gin likame kilubo iswilia ka abaka; aso likame eber nin kanyakino bedo kede gin.

Yai 24:4

Musa oko wandiko cik ka Rubanga dedede. En eko yai odiko sek di eko gero alutari i dud moru, di eko sipo kide tomon kiwie are, kidi acelacel cungo pi jo me ekeko acelacel me Isirael.

Yai 28:21

Kikom kide tomon kiwie are nogi, kidi acelacel cungo pi ekeko acel me Isirael di ogoro nying awobe ka Yakobo i kom gi.

Yai 39:14

Kikom kide tomon kiwie are nogi, kidi acelacel oudo cungo pi ekeko acel me Isirael di ogoro i kom kidi acelacel nying awobi acelacel ka Yakobo.

Esekeri 12:15

“Gin kibino ngeno be ango en Rwot, i kare kame ango abino sasaro gi kede i diere me atekerin apat kede i pinye me kumbor.

Jolebi 26:33

Abino kelo jokwor yi kede wu di ako sasaro wu i lobere me kumbor. Lobo wu bino dong nono, di bomban wu ko doko amejeko.

Matayo 10:3

Pilipo kede Batulumayo, Tomasi kede Matayo ngarar esolo, Yakobo wot ka Alipayo, kede Tadeo.

Matayo 13:55

Mam wot ka ngapac ine? Mam nying toto mere Maria? Imiegu mege en Yakobo, Yosepu, Simoni kede Yuda.

Matayo 19:28

Yesu oko waco ne gi be, “Ateteni awaco ne wu be, i kare kame Wot ka dano bino bedo kede i kom mere me deyo i piny kanyen, wun jo kame ibedunu luba i ibinunu bedo i kabedo me pug tomon kiwie are pi pugo atekerin tomon kiwie are me Isirael.

Marako 3:18

kede Anderia, Pilipo, Batulumayo, Matayo, Tomasi, Yakobo wot ka Alipayo, Tadeo, kede Simoni kame oudo tie i ekodet kalikame mito apugan me kare nono,

Luka 22:30

tetekeny icamunu kede imatunu i emesa na i Ajakanut na, di ikounu bedo i komini me Ajakanut, ikounu ngolo kop ne atekerin tomon kiwie are me Isirael.”

Luka 6:15

kede Matayo kede Tomasi; Yakobo wot ka Alipayo kede Simoni (kame oudo obedo ngat kalikame mito apugan me kare nono),

Yokana 12:26

Ka ngatamoro mito tic pira, poore en eluba, tetekeny kakame ango abedo iye, en kakame ngatic na da bino bedo iye. Di do Papa na ko bino nyuto wor i kom ngat nono.

Yokana 7:35

Iyudayan oko donyo yamo ken gi ken gi be, “Tuai inonono kame icuo ni mito ot iye, kame mio wan likame otwero ude? Mam nat emito ot but joe wa kame osarakin i dier Jogurik di eko donyo pwonyo Jogurik?

Tice 1:13

Kakame kituno kede i bomba, kiko ot donyo i agola me malo kakame oudo kibedo iye; gin oudo Petero, Yokana, Yakobo kede Anderia, Pilipo kede Tomasi, Batulumayo kede Matayo, Yakobo wot ka Alipayo, Simoni kame bin tie i ekodet me jo kalikame mito apugan me kare nono, karacel kede Yuda wot ka Yakobo.

Tice 12:17

Do en eko poro ne gi kop kede cinge be kilingi, di eko tatamo ne gi i yore i yore epone kame Rwot owote kede ki otkol. En eko waco ne gi be, “Tatamunu kop ni ne Yakobo karacel kede imiegu i Kirisito.” En eko yai eoto kabedo ace.

Tice 15:13

Ingei gin tieko yamo, Yakobo oko dwoko be, “Imiegu na, winyunu.

Tice 15:21

Piento cako kibut jo ariki sek, Musa obedo tie kede jo kame tatamo kop mere i bomba acelacel, pien oudo kosomo kop mere Ceng Sabato acelacel i sinagogan.”

Tice 15:23

kede baluwa kame waco kaman: “But jo kalikame Iyudayan koyei Kirisito, kame bedo Antiokia, Siria kede Kilikia. Wan imiegu wu joor karacel kede joadongo omoto wu.

Tice 2:5

Oudo tie Iyudayan mogo kame bedo i bomba me Yerusalem, gin oudo kibedo jo kame oudo woro Rubanga twatwal, kame oudo oyai ki adulion dedede kame tie i piny.

Tice 21:18

Oru mere Paulo oko upere kede wa oko ot but Yakobo; joadongo dedede oudo tie kuno.

Tice 23:26

“But Adwong me awora Pelik ngapug, ango Kulaudio Lusia, amoti.

Tice 26:7

kame atekerin wa tomon kiwie are tie kede gen me udo, di kiketo cuny gi woro Rubanga iwor kede iceng. Okwe abaka, gen noni en kame Iyudayan tie pida iye.

Tice 8:1

Saulo da oudo oyei be nek Sitepano. Ceng nono oko cako tidilo jo koyei Kirisito i Yerusalem, di gin kiko sarakin i adulion dedede me Yudea kede Samaria, joor kenekene en oko dong.

Joroma 1:1

Baluwa kowok kibut Paulo ngatic ka Yesu Kirisito, ngat kame kolwongo pi bedo ngaor, di oko poke pi tuco ejiri ka Rubanga.

Jogalatia 1:19

Do likame bobo ako neno ngaor moro ace, kwanyo kenekene Yakobo omin me Rwot.

Jogalatia 2:12

Pien di oudo pwodi cuo mogo kame Yakobo ocwao likame otuno, Kepa oudo nywako cam kede jo kalikame Iyudayan. Do kakame cuo nogo otuno kede, en eko wutakino, di eko pokere tenge kikom gi pi lworo ekodet kame bin gango tam me kepere.

Jogalatia 2:9

Kakame kiniang kede i kom kisa kame komia, Yakobo kede Kepa kede Yokana, jo kame oudo koworo bala jotel, oko yango cinga kede cing Baranaba i nywak, di kiyei be wan opoore ot but jo kalikame Iyudayan, di gin kiko ot but jo kame kokepo.

Iswilia 28:64

“En ebino sasaro wu i diere me atekerin apat, cako ki ajikini me wi lobo tetucel tuno tetu ocelu; ki kunono ibinunu donyo tic ne rubangan kobedo yen kede ingaroi kame kopao, rubangan kame wun kiton joakwari wu likame ingeunu.

Iswilia 30:3

Rwot kisa bino make i komu di eko dwoko ne wu kuo aber kame oudo itienu kede; en ebino coko wu ki diere me atekerin apat di eko dwoko wu.

Iswilia 32:26

Oudo aparo be koto amuducaro gi atwal atwala, di ako mino nying gi rweny atwal ki diere me jo.

Iswilia 4:27

Rwot bino sasaro wu but atekerin apat kakame jo anonok kenekene kikom wu en kame bino dong di kikuo.

Jopilipi 1:1

Baluwa kowok kibut Paulo kede Temeseo, jotic ka Kirisito Yesu. But jokacil dedede kame tie Pilipi, kame tie i Kirisito Yesu, karacel kede bisop kede dikonin.

2 Temeseo 4:21

Tamakino kede teko ni dedede pi bino di kare me ngico me piny pwodi likame otuno. Eubulu omoti. Puden, Linu kede Kulaudia karacel kede imiegu kede amiegu dedede i Kirisito da omoti.

Tito 1:1

Baluwa kowok kibut Paulo ngatic ka Rubanga kede ngaor ka Yesu Kirisito, kame ooro pi medo yei me jo kame Rubanga oyero, kede pi medo ngec gin me gi me ateni, di lubere kede kuo kame nyuto wor but Rubanga,

1 Petero 1:1

Baluwa kowok kibut Petero, ngat kame obedo ngaor ka Yesu Kirisito. But jo koringo ayela kame osasarun i adulion me Pontu, Galatia, Kapadosia, Esia kede Bisinia,

2 Petero 1:1

Baluwa kowok kibut Simoni Petero, ngat kame obedo ngatic kede ngaor ka Yesu Kirisito. But jo kotieko udo yei arom aroma kede merwa pi poore ka Rubanga wa en Ngalak wa Yesu Kirisito.

Yuda 1:1

Baluwa kowok kibut Yuda ngatic ka Yesu Kirisito, kame obedo omin me Yakobo. But jo kame kolwongo, jo kame tie i amara ka Rubanga Papa, jo kame kotie gwoko di kodaro kede Yesu Kirisito.

Gianyuta 7:4

Di ako winyo wel me jo kame koketo alama i tur nyim gi, oudo kitie tutumia tol acel kede ot ongwon kiwie ongwon, gin jo kame owok kiye atekerin dedede me Isirael.