Tito 3:3 - Baibuli I Leb Kumam 2013

³ Pien wan ikom wa bin omingunu, oudo likame owinyunu kop, oudo korwenyo wa. Oudo obedo ipasoi me mit kede yomcuny apapat, di odubo kare wa i tim me cuny arac kede nyeko, jo oudo dagi wa doko wada oudo odagere wan kenwa kenwa.

Tito 3:3 Iomraidhean Croise

Ageini 38:9

Do pien Onan oudo ngeo be idwe kame en enywalo kede dako nono likame bino bedo mege, en di do eko donyo onyo kwir mere me icuo piny i kare dedede kame en ebuto kede apuserut dako ka omin mere, me wek kur enywal idwe ne omin mere.

Ageini 39:16

Di do eko kano egoe nono tuno ngadwong ka Yosepu dwogo paco.

Sabuli 36:2

Pien gin kisuk ken gi, gin likame kiparo be kokaruno ngeno dub gi di oko waco be erac.

Agole 8:5

Wun jo kame pwodi ikwianu piny, pwonyerenu bedo kede tam kocato; wun jo aming, pwonyerenu bedo jo ariek.

Agole 9:6

Wekunu kwina piny bedi, di ikounu bino kuo. Bedunu i ekite kuo kame nyuto niang.”

Isaya 44:20

Ecal acala bala camo buru. Tam mere ongale omio erwenyo, doko likame etwero lakere kene arabo waco be, “Gikame ango amako i cinga tetu cam noni mam obedo gi me angalo?”

Obadia 1:3

Ewaka me cunyu ongalo wu. Bomba wu adwong tie kakobabarun me mori; paco wu tie malo i wi moru, manono en komio wun iwacunu i cunyu be, ‘Likame tie dano moro akadi acel kame twero wano wan piny.’

Matayo 21:29

Do en eko dwoko be, ‘Ango likame ayaro ot’; do i cen mere en eko loko tam mere di eko ot.

Luka 21:8

Yesu oko waco ne gi be, “Gwokerenu me wek kur rweny wu. Pien jo atot oyaro bino i nyinga di kiwaco be, ‘Ango en Kirisito!’ kede da be, ‘Kare otieko do tuno!’ Do kur iyeunu lubo gi.

Yokana 8:34

Yesu oko dwoko ne gi be, “Ateteni, ateteni awaco ne wu be, ngat acelacel kame dubo, en edoko epasoit me dub.

Joroma 11:30

Bala kite kame i kare moro bin wuda oudo idagunu kede winyo kop ka Rubanga, do nan Rubanga oko timo wu kisa pi kite kame gin kidagi winye kede,

Joroma 6:12

Pi mano, kur dub bobo bed kede loc i komu kame to, pi mino wu lubo mit me komu.

Joroma 6:17

Do opwounu Rubanga, pien wun jo kame oudo bin itienu ipasoi me dub, itiekunu doko jo kame lubo kede cunyu dedede gi dedede kame tie i pwony kame bin komio wu.

Joroma 6:22

Do bala kame nan kotieko gonyo wu kede ki dub di ikounu doko ipasoi ka Rubanga, gikame ibinunu udo en bedo jo kolonyere, kede adwokini mere en kuo kame bedo nakanaka.

Joroma 6:6

Wan ongeunu be, bin koguro kuo wa acon i kom musalaba karacel kede Kirisito, tetekeny kuo me dub jiki, di okounu jiko bedo ipasoi me dub.

2 Jokorinti 12:20

Pien ango atie kede lworo be cengemogo aromo bino di ako udo itienu iekite kalikame ango amito, kede da be cengemogo wuda iromunu udo di ango atie iekite kalikame wuda imitunu. Ango atie kede lworo be cengemogo itienu kede lok, nyeko, gero, woro, dubo nying jo, akwot, ewaka, kede anyonyobun.

Jogalatia 6:3

Pien ka ngatamoro paro be pire tek do di en kony mere li, udo engalere kene.

Jokolosai 1:21

Wun bin jo koparao di itienu kede tam me gero, di itimunu tim areco,

Jokolosai 3:7

Wuda bin ibedunu kede tim nogi i kare kame oudo pwodi itienu kede i kuo nono.

2 Temeseo 3:13

Do jo areco kede joangalo bino meede ameda dubere, di kingalo jo, doko di kongalo gida.

2 Temeseo 3:6

Pien tie mogo kikom gi kame lwidar donyo i ude di kiko bwono tam me mon amiming, mon kame dub otieko bwono teko gi kede kame mit me epone dedede pugo,

Tito 1:16

Gin kiwaco be kingeo Rubanga, do gikame kitimo nyuto be kikwie. Rubanga dagi epone me jo nogo, jo kalikame winyo kop, jo kalikame romo timo gimoro aber.

Tito 2:12

Kisa nono pwonyo wa weko kuo me dagi Rubanga kede mit me piny, kede pi bedo jo kame dio mit me kom, jo kame tie kede ekite koriere kede kuo me woro Rubanga i piny kan,

Yakobo 1:26

Ka ngatamoro paro be en ebedo dano me edini, di likame eko tweno lebe, do di engalere kene i cunye, edini mere udo kony mere li.

1 Petero 1:14

Bala idwe kame wor, kur imiunu kuo wu lub mit kame oudo kong igeunu bedo kede pi kwina piny.

Gianyuta 12:9

Di oko uco twon twol kiyiliyili nono piny, twol me anakacia nono, kame kolwongo be Sitani, ngat kame ngalo jo dedede me piny. Bin oko uce piny i lobo, en karacel kede imalaikan mege.

Gianyuta 13:14

Di en eko ngalo jo kame bedo i wi lobo kede gianena kame oudo koyei ne timo i nyim le me agege nono; en ewaco ne gi timo cal kame nyuto wor but le nono, le kame oudo kowano kede epima do en eko dong di ekuo.

Gianyuta 18:2

En di eko redo kede dwan amalo be, “Epoto, Babilon adwong otieko poto! Etieko lokere edoko kabedo me jwogi kede kapwono me tipere areco dedede; kapwono me winy dedede areco kame jo dagi.