Tito 3:2 - Baibuli I Leb Kumam 2013

² Likame kipoore yamo kop arac i kom ngatamoro, likame kipoore lok, do kipoore bedo jo kame mwol kede kame nyuto wor but jo dedede.

Tito 3:2 Iomraidhean Croise

2 Samuel 22:36

In itieko mina ebuku nin kame lako kuo na, kony kame imia otieko mina abedo dano kame pire dwong.

Sabuli 140:11

Kur imi ngat kame dubo nying jo bed kede yoto i lobo; mi gimoro arac ngoole wapo yor jo kame ger.

Agole 19:19

Ngat ager kitek gero mere nono bino kelo can i kome. Ka in ilake tien acel, ebino bobo mito be imed lake.

Agole 25:24

Eber ot bedo i dud ot kalamo nywako ot kede dako kame ngalok.

Agole 6:19

mujura kame mio ijura me abe, kede dano kame kelo atwomutwomun i paco.

Isaya 40:11

En ebino gwoko romini mege bala ngakwat; en ebino coko idwe me romini karacel di eko tingo gi i kore; en ebino telo toti gi kede mwolo.

Matayo 11:29

Riongunu ayoko na ikounu pwonyere kibuta, pien ango awor doko amwol i cunya, di ikounu bino udo wei.

Tice 23:5

Di Paulo oko dwoko be, “Imiegu, ango oudo likame angeo be en ebedo Ngatel Josaseredoti; pien bin kowandiko be, ‘Likame ipoore yamo kop arac i kom ngat kame telo jo ni.’ ”

1 Jokorinti 6:10

jokuwo, arabo joeranga, joamera, jo kame dubo nying jo, amoto joyak, Ajakanut ka Rubanga likame bino doko mergi.

1 Jokorinti 9:19

Pien bed bala ango likame atie epasoit ka ngatamoro, ango atieko yei bedo epasoit me jo dedede, me wek amotoko amed loko cuny jo atot but Kirisito.

2 Jokorinti 10:1

Ango kikoma Paulo, angangao wu kede mwolo kede bero ka Kirisito, ango ngat kame jo waco be amwol kame atie karacel kede wu, do ager kede wu kame atie tenge.

2 Jokorinti 12:20

Pien ango atie kede lworo be cengemogo aromo bino di ako udo itienu iekite kalikame ango amito, kede da be cengemogo wuda iromunu udo di ango atie iekite kalikame wuda imitunu. Ango atie kede lworo be cengemogo itienu kede lok, nyeko, gero, woro, dubo nying jo, akwot, ewaka, kede anyonyobun.

Jogalatia 5:22

Do anyakini me Tipo en amara, kilel, mulem, dire, mwolo, bero, genere,

Jogalatia 6:1

Imiegu kede amiegu na, ka ngatamoro otimo gikarac, wun jo kame Tipo telo wu ipoorenu dwoke kakare kede cuny me mwolo. Gwokerenu kenu tetekeny kur wuda ipotunu i atama.

Jogalatia 6:10

Aso, tek ka otienu kede kare, otimunu gikaber ne jo dedede, twatwal mere ne jo kame tie i ekodet me jo koyei Kirisito.

Joepeso 4:2

Mwolerenu di ikounu bedo jo kame dire, kede jo kame kanyakino kop me jo icegun kede amara,

Joepeso 4:31

Kwanyunu tenge cuny akec dedede, kede lilo, kede gero, kede lok, kede dubo nying jo, karacel kede cuny arac dedede.

Jopilipi 4:5

Wek jo dedede ngei mwolo wu. Rwot otieko doko iyapiyapi.

1 Jotesalonika 2:7

bed bala wan oudo opoore penyo jame mogo kibutu bala joor ka Kirisito. Do wan oudo obedo kede mwolo i diere wu bala dako kame tie gwoko idwe mege.

1 Temeseo 3:11

Kamanono da, mon gi miero bed jo kame ekite gi beco, jo kalikame dubo nying jo, do miero kibed kede ayapakin, di kigenere i gi dedede.

1 Temeseo 3:3

ngat kalikame ngamera, ngat kalikame ger do emwol, ngat kalikame ngalok, doko di likame cunye maro sente.

Yakobo 3:17

Do me agege, rieko kame wok ki malo cil, doko da ekelo mulem, ebedo mot, egamo tam, etie kede cuny me kisa kede anyakini me tice kabeco, eli kede apokapoka amoto ecuke akadi atitidi moro.

Yakobo 4:11

Imiegu kede amiegu na, kur iyamunu kop arac i kom jowot wu. Ngat kame yamo kop arac i kom ngawote, arabo ngolo ne kop, udo ewaco kop arac i kom iswil, doko da udo engolo kop ne iswil. Aso ka in ingolo kop ne iswil, udo do in itie ngat kalikame lubo iswil, do udo in do ngangolkop.

1 Petero 2:1

Pi mano, wekunu bedo kede epone dedede me cuny arac, kede ecuke, nyeko, kede dubo nying jo.

1 Petero 3:10

Pien kowandiko be, “Jo kame maro kuo aber di kimito neno kare me bero, poore kigwok leb gi ki yamo gikarac kede dog gi wek yamo kop me abe;

1 Petero 3:8

Me ajikini mere, wun dedede bedunu kede cuny acel, kede da cuny me isasir but jo kame tie i peko. Marerenu bala imiegu kede amiegu i Kirisito, di itienu kede cuny me kisa kede tam me mwolo.

1 Petero 4:4

Gin kitie kede ur pi neno be likame nan bobo wun iriberenu kede gi i tim otany me ekite me kuo arac, omio gin kiyeyeto wu.

2 Petero 2:10

twatwal mere jo kame donyo i mit me emuna, kede jo kame cao akarunikin ka Rubanga. Jopwony me angalo nogi cuny gi nwang, doko kitie kede mit me yeyeto wegi deyo abongo bedo kede lworo.

Yuda 1:10

Do jogi tie kede anywar i gi dedede kalikame gin kiniang, di gikame gin kitimo pi ekite me cwec gi, bala leini gi kalikame tamo, ko kelo ne gi to.

Yuda 1:8

Doko iepone acel nono da, jo nogi udo lek mogo kame mio gi kitimo tim me emuna i kom gi ken gi, kede dagi akarunikin ka Rubanga, kede waco kope areco i kom wegi deyo kame tie i malo.