Tito 2:2 - Baibuli I Leb Kumam 2013

² Wac ne cuo adongo pi bedo jo kame dio mit me kom gi, jo kame keto cuny gi, jo kame wi gi tamo, kede kame tie kede yei me ateni, amara, kede ikanyakin.

Tito 2:2 Iomraidhean Croise

Yobu 12:12

“Rieko lubere kede cato me dano, doko da niang lubere kede ceng me kuo ka dano.

Sabuli 92:14

kame pwodi nyak akadi i kare me tio gi; gin kilibaliba di pige tot i kom gi.

Agole 16:31

Lwar obedo ocoro me dwongo, dano atie kede ekite me kuo kopoore en kame bedo paka ude.

Isaya 65:20

Idwe kame konywalo di ko bedo kuo pi ceng anonok di kiko to likame bino bedo tie iye, akadi dano adwong kalikame bino tieko kare me kuo mere lung. Dano kame bino to di mwakini mege me dongo tie tol acel, kobino tero be en oudo pwodi eponga. Doko ngat kame bino to di pwodi mwakini mege me dongo likame oromo tol acel kobino tero be oudo kolame.

Jolebi 19:32

“Nyutunu wor but jo oti, winyunu kop gi; doko ibinunu lwora. Ango en Rwot.

Marako 5:15

Kakame gin kituno kede but Yesu, kiko udo icuo kame oudo jwogi opong i kome nono di bedo kuno, di engapo igoen, di wie odoko ber; lworo oko mako gi.

Luka 8:35

Jo bin oko ot neno gikame otimere, di do kiko bino but Yesu, kiko udo icuo kame jwogi oudo oyai ki kome nono di bedo piny i nget Yesu, di engapo igoen, di wie da odoko ber; lworo oko mako gi.

Tice 24:25

Kakame Paulo otatamo kede kop kame mako ngolo kop me ateni, dino mit me kom, kede ngolo kop me ajikini waru, lworo oko mako Pelik di eko waco ne Paulo be, “Ber kong ot tenge, ka audo kare abino bobo lwongi.”

Joroma 12:3

Pi kisa kame komia, ango awaco ne ngat acelacel kibutu pi weko paro pi dwongo mere i yore amalo kalamo kite kame mitere ne kede, do pi bedo kede tam aber, ngat acelacel di lubere kede rom me yei kame Rubanga omie.

1 Jokorinti 15:34

Miunu wi wu cei di ikounu jiko dubo, pien jo mogo kikom wu likame tie kede ngec i kom Rubanga. Lewic poore mako wu kame awaco kamanoni.

1 Jokorinti 9:25

Ngaringo acelacel me piem lubo iswilia me ringo. Gin kitimo kamano pi udo ocoro me angosibib kame dubere mere, do wan otimo tic wa pi udo kalikame dubere mere.

2 Jokorinti 5:13

Pien ka wi wan odubere, udo kidubere pi Rubanga; arabo ka wi wa tie kiber, udo kitie kiber piru.

Jogalatia 5:23

bedo mot, kede dino mit me kom. Likame tie iswil moro kame dagi gi nogi.

Jopilipi 4:8

Me ajikini mere, imiegu kede amiegu na, ketunu tam wu i gi dedede me ateni kame poore awora, i gi dedede kame opoore, i gi dedede kacil, i gi dedede kame jo maro, i gi dedede kame pirgi tek, i gi dedede kame ber adikinicel kede i gi dedede kame poore apaka.

1 Jotesalonika 5:6

Pi mano, wan kur oninunu bala kame jo apat timo, do obedunu di oneenunu, kede di wi wa riek.

1 Jotesalonika 5:8

Do bala kame wan otienu idwe me iceng, poore obedunu di wi wa riek, di okounu ngapo yei kede amara pi bedo bala ebuku kame gwoko kor wa, kede okounu ngapo gen me alako pi bedo bala ocoro atek kame gwoko wi wa.

1 Temeseo 1:10

pi jocaro, pi cuo kame buto kede cuo wad gi, pi jo kame mako jo di kiko cato, pi joangalo, pi jo kame kwongo atatai, pi jo kame mio ijura me angalo kede gi dedede ace kalikame upere kede pwony me ateni.

1 Temeseo 1:14

Rwot wa di oko mina twon kisa mere karacel kede yei kede amara kame tie i Kirisito Yesu.

1 Temeseo 1:2

But Temeseo atin na me ateteni i yei. Akwao be wek kisa, mwolo, kede mulem ka Rubanga Papa kede me ka Kirisito Yesu Rwot wa bed buti.

1 Temeseo 1:5

Gikame omio wan ociko gi kamano en amara kame wok ki cuny acil, kede ngec aber me cuny, kede yei me ateni.

1 Temeseo 3:11

Kamanono da, mon gi miero bed jo kame ekite gi beco, jo kalikame dubo nying jo, do miero kibed kede ayapakin, di kigenere i gi dedede.

1 Temeseo 3:2

Bisop miero bed abongo gimoro kame kokaruno bunano en iye; icuo kame tie kede dako acel, dano kame mwolere, kame gwokere, ngat kame jo woro, kame gamo jo, ngat kame twero pwonyo jo,

1 Temeseo 3:4

En miero ebed dano kame gwoko jo me ture kiber, di emio idwe mege winye di kiwore i yore dedede.

1 Temeseo 3:8

Kamanono da, dikonin miero bed jo kame ekite gi beco, jo kalikame lokoloko dud gi, jo kalikame mato bwini atot, doko di likame kitie kede eranga me mito ud;

1 Temeseo 5:1

Kur iyamo kede dano adwong kede dwan me gero, do yam kede bala ebedo papa ni. Ter awobe atino bala imiegu ni,

Tito 1:13

Kop kame kowaco no tie kakare. Pi mano, bunano gi kitek, me wek amoto kibed kede yei me ateni,

Tito 1:8

do en miero ebed ngat kame gamo jo, kame maro gikaber, ngat kame wie tamo, kame ekite mege beco, ngat kame mire i yei kede kame dio mit mege.

Tito 2:7

I gi dedede bed anyut me tice kame beco, kede i pwony ni nyut ateni ni kede keto cuny.

Epirimoni 1:9

do pi amara na piri, ango akwai akwa, ango Paulo ngat kame acungo ne Kirisito Yesu doko nan atie da i otkol pire.

1 Petero 1:13

Pi mano, bedunu di tam wu otieko iikere cuto, kede di wi wu tio. Ketunu gen wu atwal i kom winyo kame Yesu Kirisito bino kelo ne wu i kare kame kobino nyute iye.

1 Petero 4:7

Ajikini me gi dedede do iyapiyapi; pi mano, bedunu di igwokunu tam wu kede di wi wu tio, tetekeny ikarununu lego.

1 Petero 5:8

Bedunu di wi wu riek kede di ikiunu piny. Ngakwor wu Sitani tie wire bala engu kame dorano, di emo ngatamoro ecamaro.

2 Petero 1:6

ikounu medo dino mit me kom i kom ngec wu, ikounu medo dino cuny i kom dino mit me kom, ikounu medo cuny me woro Rubanga i kom dino cuny,