Tito 1:6 - Baibuli I Leb Kumam 2013

⁶ Joadongo nogo miero bed jo kame li kede raco moro, ngat acelacel kikom gi miero bed kede dako acel, kede di idwe mege oyei Kirisito di likame kitie atatai arabo kitie kede ngut gi.

Tito 1:6 Iomraidhean Croise

Ageini 18:19

Li, pien ango atieko yere pi coro idwe mege karacel kede ikwae mege me kare me anyim, pi gin bedo jo kame lubo yongayo ka Rwot di kitimo gi kopoore kede me ateni; tetekeny Rwot cob timo gikame en ecikere iye but Aburaam.”

Agole 28:7

Idwe kame lubo iswil obedo idwe ariek, do idwe kame mako aupa kede jo akony gi li mio jonywal gi lewic.

Esekeri 44:22

Likame gin kibino nyomere kede mon kobedo apuserun, arabo mon kopokere kede cwog gi; kenekene gin kibino nyomere kede anyira me ateker me Isirael kalikame pwodi ongeo cuo, arabo kede apuserun koudo obedo mon me josaseredoti.

Jolebi 21:14

En likame ebino nyomo apuserut, dako kame cware oriame, arabo dako kame kotieko buto kede, amoto malaya. En ebino nyomo nyako me ekeko kame en ewok kiye,

Jolebi 21:7

Gin likame kibino nyomo mon kame otieko timo malaya arabo kame kotieko buto kede gi, amoto kame cwog gi oriamo gi, pien gin kibedo jokacil but Rubanga gi.

Malaki 2:15

Benyo, likame Rubanga oudo omio idokunu kom acel kede cuny acel? Dwong kop nyo en komio oudo en etimo manoni? En etimo manoni piento en oudo emito be wun inywalunu idwe kame ateteni obedo jo mege. Pi manono, miero igwokerenu, di likame dano moro ko turo cikere mere but dako mere.

Luka 1:5

I kare ka Erode abaka me Yudea, oudo ngasaseredoti tie kuno kame nyinge Sakaria, kame oudo tie i ekodet me jo ka Abija. Dako mere oudo nyinge Alisabeti, kame oudo obedo nyako me ot ka Aroni.

Joepeso 5:18

Kur idonyunu mer kede bwini, pien mano bino dubo kuo wu; do akaka manono, miunu Tipo pong i cunyu,

1 Jotesalonika 5:14

Doko wan okwao wu, imiegu kede amiegu, corakinunu jo kame bedo abeda, dwokunu cuny jo kame cuny gi odoko nyap, konyunu jo agoro, bedunu kede dire i kom gin dedede.

1 Temeseo 1:9

Man kelo niang be, likame koketo iswil pi jo abeco, do pi jo kame turo iswil kede pi jo kame dagi winyo kop, pi jo kalikame woro Rubanga kede pi jodubo, pi jo kame li kede cuny me edini kede jo kame cao Rubanga, pi jo kame neko papi gi kede jo kame neko toti gi, pi jonek,

1 Temeseo 3:12

Dikonin miero bed wegi mon acel acel, di kitwero gwoko idwe gi kede miere gi kiber;

Tito 1:10

Pien joepali tie tot, jo kame yamo atatai, kede joangalo, twatwal mere jo kame kokepo di kiko lokere kidoko jokirisito;

1 Samuel 2:11

Elikana di do oko dok paco mere i bomba me Rama, do wode Samuel oko dong Silo i loc ka ngasaseredoti Eli pi tic ne Rwot.

1 Samuel 2:22

I kare nono, Eli oudo otieko ti twatwal. En oudo ebedo winyo gi dedede kame awobe mege oudo tie timo ne jo me Isirael, kede epone kame oudo kidonyo buto kede mon kame oudo tio i ekeko me eema kame Rwot tie iye.