Tito 1:2 - Baibuli I Leb Kumam 2013

² kede pi mino gi gen me kuo kame bedo nakanaka. Rubanga, ngat kalikame ngalo, riki sek ocikere pire,

Tito 1:2 Iomraidhean Croise

Isaya 1:20

Do ka idagunu ikounu lokere jemo na, ibinunu to to me epima. Ango Rwot en awaco.”

Wel 23:19

Rubanga likame obedo dano, tetekeny eromo ngalo, en likame ebedo anywali me dano tetekeny eromo loko tam mere. Gi dedede kame en ecikere iye, en etimo; en eyamo kop di eko cobo timo da.

Matayo 25:34

Di do Abaka ko bino waco ne jo kame tie i bade tetu cam be, ‘Bianu wun jo kame Papa na omio wu winyo, bia igamunu winyo me ajakanut kame Rubanga oiko ne wu cako ki agege me cweno piny;

Matayo 25:46

Di do gin kiko bino ot i alola me nakanaka, do jo kopoore ko bino ot i kuo kame bedo nakanaka.”

Marako 10:17

Di Yesu oudo tie yai ot, icuo moro oko ringini oko riondiko i nyime, di oko penye be, “Apwony aber, atim nyo me wek aud kuo kame bedo nakanaka?”

Marako 10:30

ebino udo gi nogi dedede tien tol acel i kare kanataman; ebino udo ude, imiegu kede amiegu mege, joatoti, idwe kede poti karacel kede itidil da, di en eko bino udo kuo kame bedo nakanaka i kare koyaro bino.

Yokana 10:28

Ango atieko mino gi kuo kame bedo nakanaka, doko likame kibino to. Likame tie ngat kame bino waraso gi ki cinga.

Yokana 17:2

Pien in itieko mine akarunikin i kom jo dedede, me wek emi jo dedede kame in imio bute kuo kame bedo nakanaka.

Yokana 17:24

“Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Yokana 5:39

Wun imounu gikame tie i iwandik kacil, pien iparunu be ibinunu udo kuo kame bedo nakanaka ki yi gi, do di gin nogo en kame kimio kop kame jurao ango.

Yokana 6:54

Ngat kame camo ringokoma kede kame mato remo na, en etie kede kuo kame bedo nakanaka, doko abino yaruno en i ceng me ajikini,

Yokana 6:68

Simoni Petero oko dwoko ne be, “Rwot, wan bobo otwero ot but ngai? In en kame itie kede kope kame mio kuo kame bedo nakanaka;

Tice 15:18

Mane en gikame Rwot owaco, en ngat kame emio gi nogi ongere cako sek.’

Joroma 1:2

Bin Rubanga ocikere i dog inabin mege i iwandik kacil pi mino ejiri noni,

Joroma 16:25

Omiunu Rubanga deyo, en ngat kame karuno mino wu icungunu di itekunu i yei, di upere kede ejiri kame ango atuco kede kop kame apwonyo i kom Yesu Kirisito, di lubere kede nyutere me gikame omungere, kame oudo kokano pi kare alac.

Joroma 2:7

Jo kame dio cuny gi timo gikaber di kimoo deyo kede wor kede kuo kalikame tiek, ebino mino gi kuo kame bedo nakanaka.

Joroma 5:2

En etieko mino wa oudo epone me tuno i kisa ka Rubanga kame nan wan otienu iye, di olelunu pi gen wa kame otienu kede me nywako deyo ka Rubanga.

Joroma 5:21

Etie kamano tetekeny bala kame dub obedo kede loc di ebeo ki to, wek kisa da bed kede loc di ebeo ki poore, di eko kelo kuo kame bedo nakanaka pi Rwot wa Yesu Kirisito.

Joroma 5:4

kede ikanyakin mio Rubanga pwoyo ikiteso wa, kede ikiteso kame Rubanga pwoyo kelo gen.

Joroma 6:23

Pien egelit me dub en to; do giamia ka Rubanga me nono en kuo kame bedo nakanaka i Kirisito Yesu Rwot wa.

Jokolosai 1:27

Rubanga oyei pi mino gi ngeno epone kame abar me deyo me mung noni pire dwong kede i dier jo kalikame Iyudayan. Manoni obedo Kirisito kame tie i wun, en gen me udo deyo.

1 Jotesalonika 2:15

jo kame bin oneko Rwot Yesu karacel kede inabin, di kiko riamo wada. Gin kiwango cuny Rubanga, doko kidingere kede jo dedede,

1 Jotesalonika 5:8

Do bala kame wan otienu idwe me iceng, poore obedunu di wi wa riek, di okounu ngapo yei kede amara pi bedo bala ebuku kame gwoko kor wa, kede okounu ngapo gen me alako pi bedo bala ocoro atek kame gwoko wi wa.

1 Temeseo 6:12

Yi kiber i yi me yei, di iko bino udo kuo kame bedo nakanaka, kame riki kolwongi iye i kare kame ituco kede yei ni i nyim ijurak atot.

1 Temeseo 6:19

Ka kitimo kamano, udo kikano abar kame bino bedo bala acakini atek pirgi pi kare me anyim, tetekeny kiko bino udo kuo kame tie kuo me ateni.

2 Temeseo 1:1

Baluwa kowok kibut Paulo, kame odoko ngaor ka Kirisito Yesu pi mit ka Rubanga, pi kop me cikere me kuo kame tie i Kirisito Yesu.

2 Temeseo 1:9

En elako wa di eko lwongo wa pi bedo jo mege kacil, likame pi tice wa, do pi iik kede kisa mere. En emio wa kisa noni i Kirisito Yesu di likame pwodi ikar ogere,

2 Temeseo 2:10

Pi mano, ango akanyakino gi dedede pi jo kame Rubanga oyero, tetekeny gida kiud alako kame tie i Kirisito Yesu, kede deyo mere kame bedo nakanaka.

2 Temeseo 2:13

Ka wan likame ogenerenu, en gire edong di egenere kamanono, piento en likame ekaruno dagere kene.”

2 Temeseo 2:15

Tamakino kede teko ni dedede pi nyuto i nyim Rubanga be in ngatic kame en epwoyo, ngatic kame li kede gimoro kame lewic make iye, kame pwonyo kiber kop me ateni.

Tito 2:13

di okurunu kede gen winyo kame bino bino, i Ceng kame deyo ka Rubanga wa adwong Ngalak Yesu Kirisito bino neeno kede.

Tito 2:7

I gi dedede bed anyut me tice kame beco, kede i pwony ni nyut ateni ni kede keto cuny.

Tito 3:7

tetekeny pi kisa mere wek odok jo kopoore kame bino udo kuo kame bedo nakanaka kame gen wa tie iye.

1 Yokana 2:25

Gikame en ecikere pi mino wa en kuo kame bedo nakanaka.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

Yuda 1:21

Meedenu maro Rubanga; bedunu di idarunu cuny me kisa ka Rwot wa Yesu Kirisito kame mio wu i udunu kuo kame bedo nakanaka.

Gianyuta 13:8

Jo dedede kame bedo i wi lobo bino wore, gin en jo dedede kame cako di likame pwodi kocweo piny, likame kowandiko nying gi i itabu me kuo me Katin Romo kame oudo koneko.

Gianyuta 17:8

Le kame oudo ineno nono oudo kuo, do nataman likame ekuo, do eyapuno wok ki bur kame tut wiriwir pi ot di oko dudubo en. Jo kame bedo i wi lobo, jo kalikame kowandiko nying gi i itabu me kuo cako di pwodi likame kocweo piny bino bedo kede ur ka kineno le nono, pien bin oudo ekuo, do nataman likame ekuo, doko ebino bino.

1 Samuel 15:29

Doko Rubanga adwong me Isirael likame bino loko tam mere; likame en eloko tam mere pien likame en ebedo dano.”