Tito 1:10 - Baibuli I Leb Kumam 2013

¹⁰ Pien joepali tie tot, jo kame yamo atatai, kede joangalo, twatwal mere jo kame kokepo di kiko lokere kidoko jokirisito;

Tito 1:10 Iomraidhean Croise

Matayo 23:14

(Ibinunu neno can wun jopwony me Iswil kede Iparisayon, wun joecuke! Pien wun icamunu jame me apuserun di do ikounu lego ilega aboco me ecuke. Pi mano, kobino ngolo ne wu kop kame pek kalamo.)

Tice 11:2

Kakame Petero ooto kede Yerusalem, jo kame bin tie i ekodet kame gango kop me akepo oko bunano en di kiwaco be,

Tice 15:1

Do jo mogo bin oko wok ki Yudea kiko donyo pwonyo jo koyei Kirisito di kiwaco be, “Likame itwerunu udo alako kwanyo di kokepo wu bala kite kame itok ka Musa mito kede.”

Tice 15:24

Wan otieko winyo be jo mogo oyai kibut wan kan di kiko bino lolo wu kede kope mogo kame oko dubo tam wu, bed bala wan likame owaco ne gi.

Tice 20:29

Ango angeo be ingei ango yai, ipeon ager oyaro bino i diere wu, gin likame kibino weko aweka romini ka Rubanga.

Jogalatia 2:4

Do man otimere pi jo mogo kame oudo kokelo, kame oudo cukere be gin kiyei, jo kame olwidar but wa pi begao gonyere kame wan otie kede i Kirisito Yesu, tetekeny kimi wa odok bala ipasoi.

Jogalatia 3:1

Wun Jogalatia imingunu! Ngai kologo wu? Bin koporo ne wu kiber kite kame koguro kede Kirisito i kom musalaba.

Joepeso 4:14

Pi mano, kur doko wan obedunu idwe kame buko me yamo me pwony dedede wiro wi wa tetuni kede tetuca, pi kite kame jo ngolo ne wa kede rieko, kede pi diru gi me angalo.

1 Temeseo 1:4

Doko wac ne gi kiwek dubo kare gi i itatam, kede wapo nying joakwari, gikame kelo piem; mage likame dongo tic ka Rubanga, gikame cungo i yei.

1 Temeseo 1:6

Jo mogo otieko apaar tenge ki gi nogi di kiko atarasar donyo yamo kope kame kony gi li.

1 Temeseo 1:9

Man kelo niang be, likame koketo iswil pi jo abeco, do pi jo kame turo iswil kede pi jo kame dagi winyo kop, pi jo kalikame woro Rubanga kede pi jodubo, pi jo kame li kede cuny me edini kede jo kame cao Rubanga, pi jo kame neko papi gi kede jo kame neko toti gi, pi jonek,

2 Temeseo 3:13

Do jo areco kede joangalo bino meede ameda dubere, di kingalo jo, doko di kongalo gida.

2 Temeseo 4:4

Gin kibino dagi winyo kop me ateni di kiko apaar donyo winyo itatam mogo.

Tito 1:6

Joadongo nogo miero bed jo kame li kede raco moro, ngat acelacel kikom gi miero bed kede dako acel, kede di idwe mege oyei Kirisito di likame kitie atatai arabo kitie kede ngut gi.

Yakobo 1:26

Ka ngatamoro paro be en ebedo dano me edini, di likame eko tweno lebe, do di engalere kene i cunye, edini mere udo kony mere li.

1 Yokana 2:18

Idwe na, ajikini otieko do tuno. Bala kame itiekunu winyo kede be Ngakwor ka Kirisito tie bino, nan do jokwor ka Kirisito otieko bino. Manoni mio wa ongeunu be kare me ajikini do otieko tuno.

1 Yokana 2:4

Ngat kame waco be, “Ango atieko ngene,” do di likame elubo cik mege, udo en enga angalo, doko udo eli kede ateni.

1 Yokana 4:1

Jo na kame amaro, kur iyeunu jo dedede kame waco be kitie kede Tipo ka Rubanga, do tamunu gin dedede pi niang kame tipo kame kitie kede wok kibut Rubanga, pien inabin atot me angalo otieko sarakin i piny.

Gianyuta 2:14

Do ango atie kede kope mogo anonok i komu: wun itienu kede jo mogo kuno kame lubo pwony ka Balaam, ngat kame bin opwonyo Balak keto gikame getaro jo me Isirael, me wek kicam cam kame koyalo ne cal jwogi, kede kitim caro.

Gianyuta 2:6

Do gikaber kibutu en ine be, wun idagunu tice me jo ka Nikolau, bala ada.