Tice 8:2 - Baibuli I Leb Kumam 2013

² Jo mogo kame bin keto cuny gi woro Rubanga en kame oko yiko Sitepano, di kiko koke kitek.

Tice 8:2 Iomraidhean Croise

Ageini 23:2

En di eko to i Kiriat Araba, manono en Keburon kame tie i lobo me Kanan. Aburaam di oko bedo kede iturur di ekok pi to ka Sara.

Ageini 50:9

Jo aoto kede cabalan kede jo kame ringo kede asigiran da bin oupere kede; oudo ebedo twon ekodet me jo.

2 Samuel 3:31

Di Daudi oko waco ne Joab kede jo dedede kame bin etie kede be, “Nyinyilunu igoen wu ikounu ngapo igoen me iturur di ikounu koko Abuneri.” Abaka Daudi oko lubo kom liel ki cen di otie ot yike.

2 Iyutun 32:33

Esekia bin oko to di oko yike kabedo kame bin koyiko iye abakai kame bin koworo twatwal; di jo me Yuda kede me Yerusalem dedede oko mine wor i to mere. Wode Manase en kame bin oko lunyo wange bala abaka.

2 Iyutun 35:25

Enabi Yeremia bin oko teto wer me koko Abaka Yosia; tuno tin cuo kede mon kame wero pwodi wero wer noni ka kitie yutuno Yosia. Manono oko doko itok i Isirael. Wer noni kowandiko en i kom were me koko.

Yeremia 22:10

Wun jo me Yuda, kur ikokunu Abaka Yosia; kur ikokunu pi to mere. Do kokunu abaka kame komako kotero tenge, pien likame doko ebino dwogo, likame doko ebino neno lobo kame konywale iye.

Yeremia 22:18

Pi manono, Rwot owaco kop i kom Yekoyakim wot ka Yosia, abaka me Yuda kaman, “Ka eto, likame ngatamoro bino koke di ewaco be, ‘Okwe can omina! Okwe can!’ Ka eto likame ngatamoro bino koke di ewaco be, ‘Okwe rwot na! Okwe adwong na!’

Wel 20:29

Kakame ekodet lung oko niang kede be Aaron oudo otieko to, jo me Isirael dedede oko koko Aaron pi ceng ot adek.

Marako 6:29

Kakame josiao ka Yokana bin owinyo kede kop noni, gin kiko ot kwanyo kome di kiko yiko.

Luka 2:25

I kare no oudo tie icuo moro Yerusalem kame nyinge Esimioni. En oudo icuo kopoore, kame keto cunye woro Rubanga, kame oudo tie kuro neno epone kame Rubanga bino kweno kede cuny jo me Isirael; en oudo epong kede Tipo Kacil.

Tice 10:2

En oudo ebedo icuo kame keto cunye woro Rubanga kede jo me i ode dedede. Doko en oudo emio jo kony kede cunye lung di elego Rubanga nakanaka.

Tice 2:5

Oudo tie Iyudayan mogo kame bedo i bomba me Yerusalem, gin oudo kibedo jo kame oudo woro Rubanga twatwal, kame oudo oyai ki adulion dedede kame tie i piny.

Tice 8:1

Saulo da oudo oyei be nek Sitepano. Ceng nono oko cako tidilo jo koyei Kirisito i Yerusalem, di gin kiko sarakin i adulion dedede me Yudea kede Samaria, joor kenekene en oko dong.

Tice 8:3

Do Saulo oudo tie tisilaro jo koyei Kirisito. En oudo ebedo donyo iot acelacel di epeo cuo kede mon kame bin oyei Yesu ooko, di emio korwako gi i otkol.

Iswilia 34:8

Jo me Isirael oko koko Musa i elet me Moab pi ceng ot adek, di do kiko jiko koke.

1 Samuel 28:3

Kakame Samuel oto kede, jo me Isirael dedede oko koke di kiko yike Rama, bomba me turgi. Saulo oudo otieko riamo imuroko kede jojwogi dedede i Isirael.