Tice 8:12 - Baibuli I Leb Kumam 2013

¹² Do kakame kiwinyo kede kop aber me Ajakanut ka Rubanga kede nying Kirisito kame Pilipo oudo tatamo, gin kiko yei di oko batiso gi, cuo karacel kede mon.

Tice 8:12 Iomraidhean Croise

Matayo 28:19

Pi mano, otunu ilokunu jo me atekerin dedede dok jo kame luba, batisonu gi i nying Papa kede Wod kede Tipo Kacil,

Luka 9:2

Di do en eko oro gi pi ot tuco kop i kom Ajakanut ka Rubanga kede cango jotuwo.

Luka 9:60

Do Yesu oko dwoko ne be, “Wek jo oto en kame yik joe gi oto; do in ot itatamo kop i kom Ajakanut ka Rubanga.”

Tice 1:3

Ingei can kede to mere, en eko nyutere but gi i yote apapat kame moko be, en oudo ekuo ateteni, di epwonyo kop kame mako Ajakanut ka Rubanga.

Tice 11:20

Do oudo tie jo mogo kikom gi kame bin oyai ki Sipuro kede ki Sirene, kame oko yamo kede Jogurik da, di kitatamo kop i kom Rwot Yesu i kare kame kituno kede Antiokia.

Tice 18:8

Kirisipo, kame bin obedo ngatel me sinagoga, oko yei Rwot karacel kede jo me i ode dedede. Doko jo atot me Korinti kame bin owinyo pwony ka Paulo oko gida yei, di oko batiso gi.

Tice 19:5

Kakame kiwinyo kede kop noni, oko do batiso gi i nying Rwot Yesu.

Tice 2:38

Petero oko dwoko ne gi be, “Swilarunu di oko batiso ngat acelacel kikom wu i nying Yesu Kirisito, di Rubanga ko bino sasiro wu ki dub wu, di ikounu bino udo giamia me Tipo Kacil.

Tice 2:41

Ceng nono, oko batiso jo kame bin owinyo kop mere di kiko yei, di wel me jokirisito ceng nono oko meede kede jo aromo tutumia adek.

Tice 20:21

Ango oudo apwonyo Iyudayan karacel kede Jogurik be miero gin kiswilaro i nyim Rubanga, doko di kiko yei Rwot wa Yesu Kirisito.

Tice 20:25

“Doko nan nenunu, ango atieko ngeno be wun dedede jo kame ango abedo tuco ne wu kop me Ajakanut ka Rubanga, likame ibinunu neno wanga bobo.

Tice 28:31

En oudo epwonyo gi kop kame mako Ajakanut ka Rubanga di ewaco kop i kom Rwot Yesu Kirisito obe abongo gikame genge.

Tice 5:14

Di jo atot, cuo kede mon koyei Yesu oko meede ameda bino but Rwot kalamo lem sek.

Tice 8:4

Di do jo koyei Kirisito, gin jo kame bin osarakin, oko donyo ot di kipwonyo kop ka Rubanga.

Joroma 10:10

Pien dano yei i cunye di eko doko ngat kopoore; kede etuco kede doge di eko udo alako.

1 Jokorinti 11:11

Akadi bed kamanono da, i Rwot dako likame cungo kene abongo icuo, doko icuo da likame cungo kene abongo dako.

Jogalatia 3:28

Likame bobo tie Ngayudaya amoto Ngagurik, likame bobo tie epasoit arabo ngat kogonyere, likame bobo tie icuo arabo dako; pien wun dedede itienu acel i Kirisito Yesu.

1 Petero 3:21

Manoni cimo batisimu, gikame nan lako wu, likame pien elwoko tenge cilokom, do ebedo bala kwac but Rubanga pi ngec aber me cuny. En ebedo gikame lako wu pi iyarun ka Yesu Kirisito,