Tice 8:1 - Baibuli I Leb Kumam 2013

¹ Saulo da oudo oyei be nek Sitepano. Ceng nono oko cako tidilo jo koyei Kirisito i Yerusalem, di gin kiko sarakin i adulion dedede me Yudea kede Samaria, joor kenekene en oko dong.

Tice 8:1 Iomraidhean Croise

Nekemia 6:3

Ango ako cwano jo but gi pi waco negi be, “Ango atie timo tic apire tek, likame ango atwero bino kuno. Ango likame akaruno mino tic cungo pi ango bino butu.”

Danieri 6:10

Bed bala Danieri oudo ngeo be abaka oudo otieko keto cinge i iswil nono, en pwodi eko gire meede donyo ot ilega i ode, kame oudo dirisan mege me agola me malo oudo yabere pimere kede Yerusalem. En oudo eoto kunono di eko riondiko piny di dirisan twolo, di eko donyo lego but Rubanga mere di epake; oudo etimo kamanono tien adek buli ceng.

Danieri 6:23

Abaka cunye oko doko yom adikinicel di eko mino cik be wot Danieri ki bur me inguon nono. Gin kiko wote ooko di likame kiko udo akadi apore moro i kome, piento en oudo eketo gen mere but Rubanga.

Matayo 22:6

di jo icegun oko mako jotic mege, kiko timo ne gi tim me lewic di kiko neko gi.

Matayo 23:34

Pi mano, ango awaco ne wu be abino cwano ne wu inabin, kede jorieko kede jopwony me Iswil; mogo kikom gi ibinunu neko di igurunu gi i kom musalaba, kede mogo ibinunu dano gi i sinagogan wu di itidilunu gi ki bomba acelacel.

Matayo 5:13

“Wun itienu bala kado me lobo. Do ka tuto odoko bot, kotwero mine bobo edoko kec benyo? Kony mere udo odoko li, pi mano kobwote tenge, di jo ko nyonyono en.

Yokana 15:20

Yutununu kop kame oudo awaco ne wu be, ‘Epasoit likame pire dwong kalamo ngadwong mere.’ Ka kitidilo ango, kibino tidilo wuda; ka kiwinyo kop na, kibino winyo kop wuda.

Yokana 16:2

Kibino riamo wu tenge ki sinagogan. Ateteni esawa bino tuno kame ngat kame neko wu bino paro kede be etie timo ne Rubanga tic.

Tice 1:8

Do kame Tipo Kacil obino i komu, ibinunu udo twer di ikounu bino bedo ijurak na i Yerusalem kede i Yudea dedede, kede i Samaria da, tuno kede i ajikini me lobo.”

Tice 13:1

Kikom ekodet me jokirisito kame tie Antiokia, oudo tie iye inabin kede jopwony. Gin en Baranaba, Esimioni kame bin kolwongo be Naiga, Lukio me Sirene, Manea kame bin obedo ngat acel kikom jo me paco ka Abaka Erode, kede do Saulo.

Tice 13:36

“Pien Daudi riki ingei mino iik ka Rubanga ocobere i kare mere, en eko to di oko yike i nget joakwari mege di kome oko top.

Tice 2:47

di kipako Rubanga, doko jo dedede oudo pwoyo gi. Ceng acelacel Rwot oko donyo medo i kom gi wel me jo kame oudo otieko udo alako.

Tice 22:20

Doko i kare kame koonyo kede remo ka Sitepano, ngat kame oudo obedo mujura ni, ango da oudo atie cungo kanono di apwoyo tim gi nono, doko di adaro igoen me jo koneke.’

Tice 26:10

Doko da ako timo kamanono i Yerusalem. Jodongo me josaseredoti bin omia twer di ako rwako jo kame yei Kirisito i otkol; doko i kare kame koneko gi kede, ango da oudo agango tam nono.

Tice 5:18

Pi nyeko omio kiko mako joor di kiko rwako gi i otkol kame bin kotweo iye jo dedede.

Tice 5:20

“Otunu icungunu i tempulo di ikounu tatamo ne jo kope dedede me Kuo noni.”

Tice 5:33

Kakame jo kame bin tie i kansulo owinyo kede kope go, cuny gi oko doko kec di kiko mito neko gi.

Tice 5:40

Kansulo oko yei lubo gikame Gamaliel owaco. Di do kiko lwongo joor i ot, kiko mino kodao gi, di kiko ciko gi be miero kur doko kitatamo ne jo nying Yesu, di do kiko weko gi kioto.

Tice 7:38

En noni kame bin etie kede jo me Isirael kocokere i tim; en oudo etie kuno kede joakwari wa karacel kede malaika koyamo kede en i moru me Sinai, di en eko gamo kop ka Rubanga ekelo ne wa.

Tice 7:54

Kakame jo me kansulo owinyo kede yamo ka Sitepano, kiko doko ger di kom gi miel i kome.

Tice 7:58

Di do kiko tere ooko me bomba, kiko donyo didipo en kede kide, di ijurak oko gonyo igoen gi kiketo katien awobi moro kame nyinge Saulo.

Tice 8:14

Kakame joor kame oudo tie Yerusalem owinyo kede be Josamaria otieko gamo kop ka Rubanga, gin kiko cwano Petero kede Yokana but gi.

Tice 8:2

Jo mogo kame bin keto cuny gi woro Rubanga en kame oko yiko Sitepano, di kiko koke kitek.

Tice 8:4

Di do jo koyei Kirisito, gin jo kame bin osarakin, oko donyo ot di kipwonyo kop ka Rubanga.

Tice 8:5

Pilipo bin oko ot i bomba me Samaria di eko tuco ne gi kop i kom Kirisito.

Tice 9:31

Pi mano, ekodet me jokirisito i Yudea, i Galilaya kede i Samaria dedede oko bedo kede mulem, di kiko doko tek. Doko kiko bedo kede wor but Rwot di kiko meede nyai pi kony me Tipo Kacil.

Joroma 1:32

Akadi bed bala kingeo iswil ka Rubanga kame waco be jo kame timo akodi gi nogi poore to, gin kimeede ameda timo gi nogi, doko da kipwoyo jo apat kame timo gi nogi.

Jopilipi 1:12

Imiegu kede amiegu na, ango amito ingeunu be, gikame otimere na ateteni okonyo pi sarakino ejiri.

Iburanian 11:27

Pi yei, Musa oyai ki Misiri di likame etie kede lworo i kom gero me abaka. En ekanyakino ineno bala oudo eneno ngat kalikame neeno.