Tice 7:2 - Baibuli I Leb Kumam 2013

² Sitepano oko dwoko be, “Imiegu kede joapapi na, winyunu gikame ayaro waco; Rubanga me deyo bin oneeno but kwaru wa Aburaam i kare no di en oudo etie i piny me Mesopotamia, di pwodi likame edak bedo i piny me Aran,

Tice 7:2 Iomraidhean Croise

Ageini 11:31

Tera bin oko tero wode Aburam kede akware Lot wot ka Aran, kede Sarai dako ka wode Aburam. Gin bin kiko yai karacel ki kabedo kame kolwongo be Ur kame oudo tie i piny me Babilon, pi ot i piny me Kanan. Do kakame gin bin kiko tuno kede kabedo kame kolwongo be Aran, kiko donyo bedo kuno.

Ageini 12:1

Rwot di oko waco ne Aburam be, “Yai iwek pinyu kiton joawade ni kede ot ka papa ni da, di iko ot i piny kame ango abino nyuto ni.

Ageini 12:5

Aburam bin oko tero dako mere Sarai kede Lot wot ka omin mere, kede jamini dedede kame gin bin kitie kede, karacel kede jo kame gin bin kibedo kede Aran; di gin kiko yai pi ot i piny me Kanan. Kakame gin bin kituno kede i piny me Kanan,

Ageini 15:7

Di do Rwot oko waco ne be, “Ango en Rwot kame okeli ki Ur i piny me Babilon, pi mini lobo noni dok meri.”

Ageini 29:4

Yakobo oko waco negi be, “Imiegu na, wun iwokunu ki tuai?” Gin kiko dwoko be, “Wan owok ki Aran.”

Nekemia 9:7

Okwe Rwot Rubanga, in bin iyero Aburam di iko kwanye ki Ur kabedo kame bin tie Babilon; in bin iko loko nyinge be Aburaam.

Sabuli 24:10

Ngai en Abaka me deyo noni? En ebedo Rwot me jo yi, en Abaka me deyo.

Sabuli 24:7

Yabunu irutei, yabunu ikekon asek da, tetekeny Abaka me deyo donyi.

Sabuli 29:3

Dwan Rwot winyere i wi name; dwan Rwot me deyo winyere bala mwoc me kot, dwan Rwot winyere i wi name adongodongo.

Isaya 37:12

Abakai me Asiria kame ango alunyo cen ngei gi bin omuducaro bomban me Gosan, Aran, kede Resep, kede jo me Eden kame oudo tie Telesar. Kony nyo do kame rubangan gi oko timo negi?

Isaya 51:2

Nenunu kong kwaru wu Aburaam, kede Sara ngat kame wun iwokunu kibute. Kakame ango bin alwongo kede Aburaam, en oudo etie dano acel, do ango ako mine winyo di eko nywal enyai.

Isaya 6:3

Oudo kitie lwongere ken gi ken gi di kiwaco be, “Ecil, ecil, ecil Rwot me jo yi; wi lobo lung opong kede deyo mere.”

Matayo 6:13

Kur iwek wa opot i atama, do gwok wa ki gikarac.

Luka 2:14

“Deyo bed but Rubanga kame tie i malo twal, kede mulem bed i lobo but jo dedede kame cunye yom i kom gi!”

Yokana 1:14

Kop oko doko dano di eko bedo i diere wa di epong kede kisa ka Rubanga kede ateni. Wan oneno deyo mere, deyo ka Wod acel kenekene kame owok kibut Papa.

Yokana 12:41

Isaya bin oyamo kope nogi pien oudo etieko neno deyo ka Yesu di eko yamo kope kame make.

Tice 22:1

“Imiegu na kede joapapi na, winyunu ber pido kame nan akelo i nyimu.”

Tice 23:7

Kakame eyamo kede kamano, piem oko yabere i dier Iparisayon kede Isadukayon, di do kansulo oko pokere ire.

Tice 7:1

Ngatel Josaseredoti oko penyo Sitepano be, “Kope go tie me ateni?”

1 Jokorinti 2:8

Likame tie ngapug moro me piny kan kame oko niang iye: pien ka koto oudo kiniang, koto likame kiguro Rwot me deyo.

Joepeso 1:17

Ango akwao be, Rubanga ka Rwot wa Yesu Kirisito, Papa won deyo mi wu Tipo me rieko kede me nyutere ka Rubanga, pi mino wu ngene odocon,

Tito 2:13

di okurunu kede gen winyo kame bino bino, i Ceng kame deyo ka Rubanga wa adwong Ngalak Yesu Kirisito bino neeno kede.

Iburanian 1:3

En kame enyuto deyo ka Rubanga, doko da en kame ebedo cal me kuo ka Rubanga kikokome. Kop mere kame tie kede twer en kame mio gi dedede bedo tie iepone kame nataman kitie kede. Kakame etieko lonyo kede jo ki dub, en eko bedo i bad tetu cam ka Rubanga won Twer Adwong.

Iburanian 11:8

Pi Yei, Aburaam bin oyei kop ka Rubanga kakame oudo Rubanga olwonge kede pi ot i kabedo kame oudo Rubanga bino mine. En bin eko yai ot di likame engeo kakame oudo etie ot iye.

Yakobo 2:1

Imiegu kede amiegu na, bala kame itiekunu yei kede Rwot wa Yesu Kirisito, en Rwot me deyo, kur doko ibedunu kede apokapoka moro but jo.

Yosua 24:2

Yosua oko waco ne jo dedede be, “Rwot Rubanga me Isirael waco be, ‘Riki sek joakwari wu bin obedo loka tetuca me ecilet me Eupurate di kiworo rubangan apat. Ngat acel kikom gi bin en Tera, papa me Aburaam kede Nakor.

Gianyuta 4:11

“Rwot Rubanga wa, epoore pi in udo deyo, wor kede twer, pien in en kame icweo jame dedede, doko pi mit nin en komio gin kitie, doko en komio kocweo gi.”