Tice 6:1 - Baibuli I Leb Kumam 2013

¹ I kare nono di bin wel me jo kame lubo Yesu oudo tie meede, Iyudayan kame yamo leb Gurik oko cako ingungur i kom Iburanian, pien oudo likame koparo pi apuserun gin ceng dedede kame kotie poko jame.

Tice 6:1 Iomraidhean Croise

Yobu 29:13

Jo kame bin oudo iyapi to oudo lamo nango winyo, doko ango oudo amio cuny apuserun obedo kede kilel.

Yobu 31:16

“Ango pwodi likame atieko dagi mino ngacan gimoro kame cunye mito, arabo mino apuserun bedo abongo gen,

Sabuli 110:3

I ceng kame in ibino telo kede jo yi ni i wi moru kacil, jo ni bino jalere ken gi me ot yi, awobe ni bino bino buti bala toyo kame bino odiko.

Sabuli 72:16

Mi cam bed tot i lobo; mi kodere dongi di kiko umo wi imukuran, di kiko nyak bala me Lebanon; doko mi jo pong i bomban bala lum me itela.

Isaya 1:17

di ikounu pwonyere timo gikame ber. Nenunu be itimunu gi dedede i yore me ateni di ikounu lako jo kame kotero kirac, kede ikounu gwoko twero me idwe kic, kede ikounu konyo apuserun.”

Isaya 27:6

I kare kame tie bino, ikwae ka Yakobo bino bedo bala yat kame cibo aliasin mege, di kiko bino lot di kiko tuuro; anyakini gi bino pongo wi lobo lung.

Yeremia 30:19

Jo kame bedo kunono bino wero wer me pwono Rubanga; gin kibino wer di kilelemo kede kilel. Ango abino mino gin kidoko tot, doko wel gi likame bino dok piny; abino mino jo woro gi, doko jo likame bino bedo kede acae i kom gi.

Esekeri 22:7

Likame tie ngatamoro kame woro jonywal mege. Jokumbor kame tie bedo kede wu kotie kede adiadia but gi, doko da idwe kic kede apuserun kotero kirac.

Malaki 3:5

Rwot me jo yi waco be, “Ango abino bino i diere wu pi ngolo ne wu kop. Ango koma bino bedo mit pi mino ijura i kom jo kame timo tim me jwok, joadote, jo kame mio ijura me abe, jo kame sero jotic i musala gi, kede jo kame tero apuserun kirac, idwe kic, kede jokumbor, karacel kede jo dedede kalikame mia wor.

Matayo 23:13

“Itienu i can wun jopwony me Iswil kede Iparisayon, wun joecuke! Pien wun icegunu ne jo ekeko me Ajakanut me malo. Pien likame idonyunu iye, doko da likame iyeunu ne jo kame mito donyo pi donyo iye.

Tice 11:20

Do oudo tie jo mogo kikom gi kame bin oyai ki Sipuro kede ki Sirene, kame oko yamo kede Jogurik da, di kitatamo kop i kom Rwot Yesu i kare kame kituno kede Antiokia.

Tice 11:26

kakame eude kede, en eko kele Antiokia. Saulo kede Baranaba oko bedo kuno pi mwaka acel lung, di kiriamakin kede ekodet me jokirisito, kiko pwonyo ekodet me jo atot. Antiokia kanono en kame oko cako lwongo kiye josiao be jokirisito.

Tice 11:29

Di do ngat acelacel kikom josiao oko keto cunye cwano giamia me kony but jo koyei Kirisito kame oudo tie Yudea, di lubo kede kite kame ngat acelacel oudo twero kede.

Tice 2:41

Ceng nono, oko batiso jo kame bin owinyo kop mere di kiko yei, di wel me jokirisito ceng nono oko meede kede jo aromo tutumia adek.

Tice 2:45

Oudo kicato jame gi di kipopoko lim kame kiudo ne jo dedede, di lubere kede rem kame ngat acelacel oudo tie kede.

Tice 2:47

di kipako Rubanga, doko jo dedede oudo pwoyo gi. Ceng acelacel Rwot oko donyo medo i kom gi wel me jo kame oudo otieko udo alako.

Tice 4:35

di eko keto i cing joor. Bin sente nogo kopopoko ne ngat acelacel di lubo kony kame mitere ne.

Tice 4:4

Do jo atot oko yei ingei winyo kop kame Petero kede Yokana opwonyo, di wel me cuo koyei oko romo bala tutumia kany.

Tice 5:14

Di jo atot, cuo kede mon koyei Yesu oko meede ameda bino but Rwot kalamo lem sek.

Tice 5:28

“Wan oudo ociko wu kitek be miero kur ipwonyunu jo i nying Yesu, do di nan bobo wun itiekunu sarakino pwony wu i Yerusalem dedede. Wun itienu mito be remo me icuo ni dwog i wi wan.”

Tice 6:2

Joor tomon kiwie are oko lwongo ekodet me jo kame lubo Yesu dedede karacel, di kiko waco ne gi be, “Likame poore ne wan weko tuco kop ka Rubanga, di do oko donyo i tic me poko jame.

Tice 6:7

Kop ka Rubanga oko nyai, di wel me jo kame lubo Yesu oko meede kitek i Yerusalem, di josaseredoti atot oko donyo lubo kop me yei.

Tice 9:29

di etuco ejiri i nying Rwot abongo lworo. En bin eko donyo yamo di epiemo kede Iyudayan kame bin yamo leb Gurik, do gin oudo kitie mito neke.

Tice 9:39

Petero oko yai, en eko upere kede gi. Kakame etuno kede, kiko tere i agola me malo nono. Apuserun lung oko cungo i ngete di kikok, di kinyuto ne ikotin kame Dorika oudo lem cweo di pwodi oudo etie kede gi di ekuo.

Tice 9:41

Petero oko cwano ne cinge, di eko kiarao en malo. Di Petero oko lwongo jokacil karacel kede apuserun ka, di eko mino gi Tabisa di kuo.

Joroma 12:7

ka giamia wa obedo me tic ne jo, otiunu kede ne jo; ngapwony pwony jo;

1 Jokorinti 10:10

Doko kur ibedunu kede ingungur bala kame mogo kikom gi bin otimo, di Malaika kame Neko oko neko gi.

2 Jokorinti 11:22

Mam gin Iburanian? Ango da abedo kamanono. Mam gin jo me Isirael? Ango da abedo kamanono. Mam gin kibedo ikwae ka Aburaam? Ango da abedo akwar Aburaam.

Iswilia 26:12

“Ingei buli mwakini adek ipoore mino acel me tomon me cam kame ipuro but Jolebi, jokumbor, idwe kic kede apuserun, tetekeny gida kikaruno bedo tie kede cam aromo gi i ikodeta wu dedede kame gin kitie iye.

Jopilipi 3:5

Kokepa di oudo atie kede ceng kanyauni, ango abedo dano me Isirael, awok ki ateker ka Benjamin, ango abedo Ngaeburania anywali me Iburanian. I kom kop kame mako Iswil, ango abedo Ngaparisayo;

1 Temeseo 5:3

Nyut wor but apuserun kame obedo apuserun kikokome.

1 Temeseo 5:9

Kur wandiko nying apuserut moro i ekodet me apuserun, kwanyo ka mwaka me dongo mere oromo ot kanyape, doko mito di oudo enyomere kede icuo acel kenekene.

Iburanian 13:1

Meedenu bedo kede amara kenu kenu.

Yakobo 1:27

Edini kacil, kalikame opwokere i nyim Rubanga Papa en ine: konyo idwe kic kede apuserun ki can gi, kede gwokere keni weko mino piny dubi.

Yakobo 4:5

Arabo iparunu be iwandik kacil obedo kop me nono, kame waco be, “Rubanga tie kuro kede nyeko tipo kame en eketo i kuo wa.”

Yakobo 5:9

Jo na kame amaro, kur ibedunu kede ingungur i kom jowot wu, tetekeny kur ngol ne wu kop. Nenunu ngangolkop do tie cungo i dog ekeko!