Tice 5:3 - Baibuli I Leb Kumam 2013

³ Do Petero oko penye be, “Anania, pinyo komio iyei ne Sitani odonyo i cunyi pi mini ngalo Tipo Kacil, di iko kano dul me sente kame in oudo icato kede lobo?

Tice 5:3 Iomraidhean Croise

Yobu 22:13

Do di in iwaco be, ‘Nyo kame Rubanga ngeo? Benyo benyo kame en ekaruno ngolo kede kop ne jo di edou acol cucucuc ogalao en?

Agole 20:25

Ecal bala winyo kame donyo i owic, ka dano susunyo cikere pi mino gimoro but Rubanga, di i cen mere eko yutuno di do etieko kwongere.

Ngarab kop 5:4

Aso, ka in itimo cikere but Rubanga, cob time awakawaka. En likame cunye yom i kom jomingo. Poore icob timo gikame ikwongere iye.

Isaya 29:15

Kitie i can jo kame tamo kano iik gi kibut Rwot. Gin kitimo tice gi i mung di kiwaco be, “Likame tie ngat kame tie neno wa, doko da likame tie ngat kame ngeo gikame wan otie timo.”

Yeremia 23:24

Ngai kame twero pwono nango i kabedo kalikame ango atwero nene kiye? Mam ango atie i kabedo dedede me i malo kede i wi lobo?

Kosea 11:12

Rwot waco be, “Jo me Isirael oluka kede kope me abe kede angalo; jo me Yuda pwodi tie jemo na, ango Rubanga kame genere kede kacil.

Wel 30:2

Kame icuo moro okwongere but Rwot, arabo elairo pi timo ne Rwot gimoro, en likame ebino turo cikere mere; en ebino timo gi dedede kame en ewaco kede doge.

Matayo 13:19

Ka ngatamoro owinyo kop me Ajakanut ka Rubanga di likame en eko keto i kuo mere, Ngarac bino di eko waraso kop kame kocuo i cunye. Ngat nono cal bala kodi kopopoto i yongayo.

Luka 22:3

Di Sitani oko donyo i cuny Yuda, kame bin kolwongo be Isikariot, kame oudo obedo ngat acel kikom josiao tomon kiwie are.

Yokana 13:2

Yesu kede josiao mege oudo tie camo cam me otieno. Sitani oudo otieko mino Yuda Isikariot wot ka Simoni tam me rupao en.

Yokana 13:27

Ingei gamo dek kame koodo nono, Sitani di do oko donyo ne Yuda. Yesu oko waco ne be, “Susunyo do timo gikame imito timo nono.”

Tice 5:2

do en eko nywako tam kede dako mere di eko poko sente mogo kame oudo ecato kede lobo nono, di do eko kelo dul mere kenekene, eko mino i cing joor.

Tice 5:4

Di oudo pwodi likame icate, mam oudo en meri? Doko akadi di oudo itieko cate da, sente mere mam oudo tie i akarunikin ni? Kara nyo do ber komio cunyi oyei timo gikame cal kamano? Aso neni, in likame ingalo dano do ingalo Rubanga.”

Tice 5:9

Di Petero oko penye be, “Benyo benyo komio wun iyeunu ngalo Tipo ka Rwot? Aso neni, tien jo kotero cwari ot yiko igo tie i ekeko, nan ida kiyaro teri.”

Iswilia 23:21

“Ka isikano pi mino amoto timo ne Rwot Rubanga ni gimoro, kur imed kare me cobo cikere ni, pien Rwot Rubanga ni ateteni mito be icobe; ka likame iko cobe udo itimo dub.

Yakobo 4:7

Pi mano, jalerenu but Rubanga. Dagunu tam ka Sitani di en eko bino ringo tenge kibutu.

1 Petero 5:8

Bedunu di wi wu riek kede di ikiunu piny. Ngakwor wu Sitani tie wire bala engu kame dorano, di emo ngatamoro ecamaro.