Tice 4:1 - Baibuli I Leb Kumam 2013

¹ Kakame Petero kede Yokana oudo tie yamo kede jo, josaseredoti kede ngadwong me isirikalen me tempulo kede Isadukayon oko bino but gi.

Tice 4:1 Iomraidhean Croise

Matayo 16:12

Di do josiao oko niang be en oudo likame etie waco ne gi be kigwokere ki arup kame konyalo me timo mugati, do pi gwokere ki pwony me Iparisayon kede me Isadukayon.

Matayo 22:16

Gin kiko cwano josiao gin, karacel kede jo me ekodet ka Erode pi ot but Yesu kede peny kame waco be, “Apwony, wan ongeo be in itie dano me ateni, doko in ipwonyo jo i yongayo ka Rubanga i ateni. In likame ilworo ngatamoro, pien in likame ineno dano kede cal mere me ooko.

Matayo 27:20

Jodongo me josaseredoti kede joadongo me piny oko supo jo pi penyo be gony ne gi Baraba, di oko neko Yesu.

Matayo 27:41

Kamanono da jodongo me josaseredoti, jopwony me Iswil karacel kede joadongo me piny oko donyo nyware di kiwaco be,

Matayo 3:7

Do kakame bin Yokana oneno kede Iparisayon kede Isadukayon atot di kitie bino pi udo batisimu, en eko waco ne gi be, “Wun idwe me twole! Ngai ber kokwenyaro wu be iringunu tenge ki lilo ka Rubanga kame tie bino?

Luka 20:1

Ceng moro acel di Yesu oudo tie pwony i tempulo, di etuco ejiri, jodongo me josaseredoti kede jopwony me Iswil karacel kede joadongo me piny oko bino bute,

Luka 22:4

Di do Yuda oko yai eko ot tenge poro kop kede jodongo me josaseredoti kede jodongo me isirikalen kame daro tempulo pi udo epone kame etwero mino kede Yesu i cing gi.

Yokana 15:20

Yutununu kop kame oudo awaco ne wu be, ‘Epasoit likame pire dwong kalamo ngadwong mere.’ Ka kitidilo ango, kibino tidilo wuda; ka kiwinyo kop na, kibino winyo kop wuda.

Yokana 18:3

Di do Yuda oko tero ekodet me isirikalen kede jotic mogo adongodongo kuno, kame owok kibut jodongo me josaseredoti kede kibut Iparisayon. Gin kioto kunono di oudo kimako italan kede mac acal bala me rau kede jame me yi.

Tice 4:6

karacel kede Anas kame oudo obedo Ngatel Josaseredoti, kede Kayapa kede Yokana, kede Alekesanda kede jo dedede kame wok ki ekeko me Ngatel Josaseredoti.

Tice 5:17

Ngatel Josaseredoti oko yai malo karacel kede jo dedede kame oudo tie kede, kame oudo obedo ekodet me Isadukayon.

Tice 5:24

Kakame ngadwong me isirikalen kame bin daro tempulo, karacel kede jodongo me josaseredoti owinyo kede kope go, kom gi oko to kiko donyo parere pi gikame do oyaro timere.

Tice 5:26

Di do ngadwong me isirikalen me tempulo karacel kede jodongo icegun oko ot, di kiko kelo gi, do likame kede gero, pien oudo kitie kede lworo be jo bino didipo gi kede kide.

Tice 6:12

Manono oko twaruno jo kede joadongo me piny karacel kede jopwony me Iswil. Gin kiko mako Sitepano di kiko tere i nyim kansulo.

Tice 6:7

Kop ka Rubanga oko nyai, di wel me jo kame lubo Yesu oko meede kitek i Yerusalem, di josaseredoti atot oko donyo lubo kop me yei.