Tice 3:10 - Baibuli I Leb Kumam 2013

¹⁰ Gin kiko niang be icuo kame oudo lem bedo i dog Erute Acil me tempulo di ekwao sente inonono; kiko uro twatwal gi kotimere ne.

Tice 3:10 Iomraidhean Croise

Matayo 14:35

Kakame jo me kuno oneno kede Yesu di kiko ngene, gin kiko cwano jo i adulion me kuno dedede, di jo oko kelo ne Yesu jo dedede kame oudo tuwo.

Luka 4:36

Jo dedede oko uro, di kiko donyo yamo ken gi ken gi be, “Epone me kop nyo ine? Piento en etie kede akarunikin kede twer me ciko tipere areco di kiko wok tenge.”

Luka 9:43

Jo dedede oko bedo kede ur atek i kom twer ka Rubanga. Do di pwodi jo dedede oudo tie uro gi dedede kame Yesu otimo, en eko waco ne josiao mege be,

Yokana 5:20

Pien Papa maro Wod, bobo enyuto ne gi dedede kame en kikome etie timo. Doko da ebino nyuto ne tice adongodongo kalamo magi, di wun ikounu bino uro.

Yokana 9:3

Yesu oko dwoko be, “Likame pien icuo ni arabo jonywal mege oudo odubo, do etimere kaman tetekeny tice ka Rubanga nyutere i kome.

Yokana 9:8

Jokio kede jo apat kame oudo onene lem sek bala ngakwac oko waco be, “Mam icuo kame lem nare bedo di ekware ine?”

Tice 2:12

Gin dedede wi gi oko cungo di kiuro twatwal, di kipenyere ken gi ken gi be, “Man do ber dwong mere nyo?”

Tice 2:7

Gin dedede kiko uro twatwal, di kipenyere be, “Mam jo kame tie yamo gi dedede obedo Jogalilaya?

Tice 3:2

Bin tie icuo moro kongwalo cako nywale, kame oudo kotie tingo. En oudo jo tinge ceng dedede di kiko kete i dog erute me tempulo, kame bin kolwongo be Erute Acil, pi kwano sente kibut jo kame donyo i tempulo.