Tice 21:3 - Baibuli I Leb Kumam 2013

³ Kakame oudo oneno do kede Sipuro, oko bapar oweke i bad tetu ngodal, di oko kwang tuno Siria, oko cungo i edoket me Taya, pien oudo koyaro tako jame kame tie i emeri kuno.

Tice 21:3 Iomraidhean Croise

2 Samuel 8:6

Di do en eko keto isirikalen Damasiko kuno, di jo Siria kame bin bedo Damasiko oko doko jo kame bin Daudi pugo, doko kiko donyo culo esolo bute. Rwot bin oko mino Daudi obwono jo dedede kame en oudo eko yi kede gi.

Sabuli 45:12

Jo me Taya bino kelo nin giamia, pi mino cunyi bedo yom kede gi; jo obaro me atekerin apapat bino kelo nin abar me epone dedede.

Sabuli 87:4

“Kikom jo kame ngea, Rakab kede Babilon tie iye; doko da abino maro jo me Pilistia, Taya kede Abisinia i kom jo kame konywalo kuno.”

Isaya 7:2

Kakame kop oko tuno kede but abaka me Yuda be Siria oudo otieko ribere kede Epuraimu, kom Akas kede jo mege oko donyo miel amiela bala yen me abum kame yamo puo.

Matayo 11:21

“Ibino neno can in Korasin! Ibino neno can ida Betesaida! Pien koto tice me twer kame kotimo i diere wun oudo bin kotimo i bomban me Taya kede Sidon, jo kame tie i yi gi oudo koto otieko swilaro sek di kingapo giangapa me iturur.

Matayo 4:24

Rwonge mere oko sarakin i piny lung me Siria, omio di oko kelo ne jo dedede kame oudo tie kede tuwo me iponeso apapat, kiton jo kame oudo tie kede jwogi, jo kame oudo tie kede tuwo me ikwikwing kede tuwo kame neko kom dano lung. En eko cango gi.

Luka 10:13

“Can nin bino bedo dwong benyo in Korasin! Doko can nida bino bedo dwong benyo in Betesaida! Pien ka koto tice me twer kame bin kotimo i diere wu oudo kotimo Taya kede Sidon, oudo koto jo me kuno bin otieko swilaro sek, di kingapo giangapa me iturur.

Luka 2:2

Man oudo obedo wandiko nying jo kotimere tien me agege di Kwirino en oudo obedo ngapug me Siria.

Tice 11:19

Kikano jo kame bin osarakin pi itidil kame oudo otimere i kare kame koneko kede Sitepano oko ot paka Poenisia, Sipuro kede Antiokia; di kitatamo kop i kom Rwot Yesu ne Iyudayan kenekene.

Tice 12:20

Kikano, Erode oudo olilo kede jo me Taya kede Sidon. Gin kiko ot bute di kitie i ekodet acel; kiko ber cako kede loko tam ka Bulasito, kame bin oudo gwoko paco me abaka, di kikwae pi konyo gi yamo kede abaka kop me mulem, pien cam me piny gi oudo wok ki piny kame abaka pugo.

Tice 13:4

Kakame Tipo Kacil ooro gi kede, Baranaba kede Saulo oko ot kiko lor Selukia; ki kuno di kiko kwang kioto Sipuro.

Tice 15:23

kede baluwa kame waco kaman: “But jo kalikame Iyudayan koyei Kirisito, kame bedo Antiokia, Siria kede Kilikia. Wan imiegu wu joor karacel kede joadongo omoto wu.

Tice 15:39

Kop no oko kelo piem atek i diere gi, kame oko mino gi kipokere; Baranaba otero Yokana Marako oupere kede, kiko kwang kioto Sipuro,

Tice 15:41

Paulo oko ot ebeo i Siria kede i Kilikia di emio ikodeta me jokirisito tekcuny.

Tice 18:18

Ingei mano, Paulo oko ber bedo kede jo koyei Kirisito pi ceng atotot, di eko yai eweko gi, kiko kwang kioto Siria, gin karacel kede Akwila kede Purisila. I kare kame kituno kede Kenkerea, Paulo oko lielo wie, piento en bin ekwongo.

Tice 21:16

Jo mogo me Sisiria kame oyei Kirisito oko upere kede wa, di kiko tero wa paka i ot ka Minasoni me Sipuro, ngat kame bin ogeo lubo Yesu sek. En nono kame wan oudo miero obed ture.

Tice 21:2

Kikano oko udo emeri kame oudo tie ngolo loka Poenisia, oko donyo iye di oko ot.

Tice 21:7

Kakame oyai kede ki Taya, oko tuno Potolemai, di oko motere kede jo koyei Kirisito di do ber oko bedo kede gi pi ceng acel.

Tice 27:4

Oko yai ki kuno, do pi kite kame oudo yamo buko kede wok ki nyim wa, wan oko kwang oririo ki nget cula me Sipuro pi dapo yamo.

Tice 4:36

En komio Yosepu kame oudo joor ocako ne nyinge be Baranaba (kame dwong mere be ngasup cuny jo), kame oudo obedo Ngalebi, anywali me piny me Sipuro,

Jongolkop 10:6

Jo me Isirael oko bobo timo gikarac i nyim Rwot; gin kidonyo woro Baal kede Asitate, karacel kede rubangan me Siria, me Sidon, me Moab, me Amon kede me Pilistia. Gin kiweko Rwot di kiko jiko wore.