Tice 20:3 - Baibuli I Leb Kumam 2013

³ eko bedo kuno pi dwete adek. Do kakame Iyudayan otimo kede iik me mito neke i kare kame oudo eyapuno yai kede pi ot Siria, en eko moko tam mere pi dok di ebeo ki Makedonia.

Tice 20:3 Iomraidhean Croise

Esera 8:31

Wan bin oko yai ki ecilet me Akaba pi ot Yerusalem, i buto duwe tomon kiwie are me duwe me acel. Rubanga wa oudo tie kede wa di en eko gwoko wa ki cing jokwor wa kede ki asura kame obeo iye i yongayo.

Agole 1:11

Ka kiwaco ni be, “Bia oupere outunu okiunu jo di okounu neko gi; ootunu okiunu jo ali kede kop okounu suro gi abongo tien kop moro da!

Yeremia 5:26

“Pien jo kame timo tim areco tie i diere me jo na; gin ki kiire bala jo kociko arama me mako winy, do gin kiciko obek gi me mako jo.

Matayo 4:24

Rwonge mere oko sarakin i piny lung me Siria, omio di oko kelo ne jo dedede kame oudo tie kede tuwo me iponeso apapat, kiton jo kame oudo tie kede jwogi, jo kame oudo tie kede tuwo me ikwikwing kede tuwo kame neko kom dano lung. En eko cango gi.

Tice 16:12

Oko yai ki kuno oko ot Pilipi, kame oudo obedo bomba adwong i Makedonia, kame bin Joroma oudo pugo. Wan ber oko do bedo kuno pi ceng mogo.

Tice 16:9

Di do gianyuta ka Rubanga oko nyutere ne Paulo iwor: en eko neno dano me Makedonia di cungo, di bako ne doge be, “Okwe bia Makedonia i kony wa.”

Tice 18:18

Ingei mano, Paulo oko ber bedo kede jo koyei Kirisito pi ceng atotot, di eko yai eweko gi, kiko kwang kioto Siria, gin karacel kede Akwila kede Purisila. I kare kame kituno kede Kenkerea, Paulo oko lielo wie, piento en bin ekwongo.

Tice 19:21

Ingei gigi timere, Paulo oko moko tam mere pi ot beo ki Makedonia kede Akaya, di eko kato Yerusalem. En oudo ewaco be, “Ingei bedo kuno, miero anen be atuno Roma da.”

Tice 20:1

Ingei logologo jik, Paulo oko lwongo jo kame bin lubo Yesu di eko dino cuny gi kede kope mogo, eko moto gi di do en eko yai eoto Makedonia.

Tice 20:19

Ango oudo atio ne Rwot kede mwolo adwong kede di akok akoka, doko di abeo i atama kame oudo opoto na pi kite kame Iyudayan oiko kede tam me neka.

Tice 20:2

Kakame etieko bebeo kede i adulion me kuno, di emio gi tekcuny, en eko do kato Guris,

Tice 21:3

Kakame oudo oneno do kede Sipuro, oko bapar oweke i bad tetu ngodal, di oko kwang tuno Siria, oko cungo i edoket me Taya, pien oudo koyaro tako jame kame tie i emeri kuno.

Tice 25:3

pi timo ne gi bero, emi ter Paulo Yerusalem do di gin oudo kitieko iikere pi ot kine i yongayo pi neke.

2 Jokorinti 1:15

Ango oudo angeo man kiber, en omio bin aiko pi cako kong bino butu, tetekeny iudunu winyo tien are.

2 Jokorinti 11:26

Tien atot di atie ot, abeo i peko kame oyai ki icileta, i peko me joyak, kede i peko kame owok kibut jo na kikokome, peko kame owok kibut jo kalikame Iyudayan, peko i bomba, peko i tim, peko i nam adwong, kede peko kame owok kibut imiegu kede amiegu me angalo.

2 Jokorinti 7:5

Pien akadi kakame otuno kede Makedonia, likame kom wa oudo wei moro, do oneno can i yote dedede, atwomutwomun oudo wok ki bad dedede, doko lworo oudo dwong i cuny wa.

Jogalatia 1:21

Di do ango ako ot i adulion me Siria kede Kilikia.