Tice 2:2 - Baibuli I Leb Kumam 2013

² Cucuto di mor moro oko wokun ki malo bala buko me yamo atek, di eko romo yi ot dedede kakame gin oudo kitie bedo iye.

Tice 2:2 Iomraidhean Croise

1 Abakai 19:11

Rwot oko waco ne be, “Oti icungi i wi moru i nyima, pien ango ayapuno beo kunono.” Di yamo atek oko buko, di eko bebelo moru kede lela ongingidun, do likame oudo Rwot tie i yamo nono. Ingei yamo buko piny oko yangere, do likame oudo Rwot tie i yangere me piny nono.

Sabuli 18:10

En eko bedo ingei Cerubim di eko por; yamo oko kute oringini kede.

Wer amit 4:16

Yamo abuko me bad tetu malo, cei! Yamo abuko wok ki bad tetu piny, bia! Buki i poto na tetekeny isarakino ngwece akur atie iye. Poore opa na me amara bin i poto mere di eko camo anyakini abeco kalamo atie iye.

Isaya 65:24

Di pwodi gin likame kikwaa, ango abino gamo kwac gi, doko di pwodi gin likame kitieko waco gikame kitie kwano, ango abino winyo kwac gi.

Malaki 3:1

Rwot me jo yi gamo be, “Ango abino cwano ngaor na pi iiko na yongayo. Di do Rwot kame wun itienu mono nono ko bino ngeso bino i tempulo mere. Ngaor kame cunyu mito neno nono bino bino di eko tatamo kop me isikan na.”

Luka 2:13

Cucuto nono di ekodet kame oyai ki malo oko neeno karacel kede malaika nono, kiko donyo pako Rubanga di kiwaco be,

Yokana 3:8

Yamo buko kakame en emito; in itwero winyo buko mere, do likame ingeo kakame ewok kiye, akadi kakame etie ot iye; etie kamanono da kede dano acelacel kame konywalo nywal me Tipo Kacil.”

Tice 2:3

Gimoro oko neeno but gi i cal me leb mac, di eko popokun eko cungo i kom ngat acelacel.

Tice 2:6

Mor nono oko mino jo atot ocokere karacel, di wi gi oko cungo, pien ngat acelacel kikom gi oudo winyo di koyamo leb mere.

Tice 4:31

Kakame kitieko kede ilega, kabedo kame gin oudo kicokere iye nono oko yangere, di gin dedede kiko pong kede Tipo Kacil, kiko donyo yamo kop ka Rubanga kede nwangcuny.

1 Petero 1:12

Oudo konyuto ne gi be likame oudo kitie timo tic pirgi ken gi do piru, di lubere kede gikame nataman jo kame tuco Kop Aber owaco ne wu pi twer me Tipo Kacil kame kocwao ki malo. Gi nogi en gikame imalaikan paro pi neno.