Tice 2:1 - Baibuli I Leb Kumam 2013

¹ Di do bin ceng me Pentekoti otuno, jo koyei Kirisito dedede oudo ocokere karacel.

Tice 2:1 Iomraidhean Croise

2 Iyutun 30:12

Rubanga oudo tie tic kede jo Yuda pi mino gi bedo kede cuny acel me lubo kop mere kame abaka kede jotel oudo ociko negi.

Sabuli 133:1

Eber tin benyo, etie gi me yomcuny tin benyo ka jo bedo karacel bala imiegu di kitie kede aribakin!

Yai 23:16

“Ibinunu camo Ebaga me Kac kede me anyakini me agege me kodere kame ipurunu i poti wu. Ibinunu da camo Ebaga me Kimere i atiekini me mwaka, en kare kame icokunu kede ki poti cam dedede kame ipurunu.

Yai 34:22

“Ibinunu tedo Ebaga me Kac i kare kame ibinunu cako kede kano engano ki poti, kede ibinunu da tedo Ebaga me kimere i atiekini me mwaka i kare me ngwedo anyakini.

Yeremia 32:39

Abino mino gin kiketo cuny gi kede tam gi i gi acel kenekene, en gin bedo kede lworo buta pi kare dedede, tetekeny kiud bero pirgi kede pi idwe gi kede ikwae gi.

Sepania 3:9

“I kare nono ango abino loko kope kame wok ki dog jo me atekerin, tetekeny jo dedede wora di kitimo tic na kede cuny acel.

Tice 1:5

Yokana bin batiso jo kede pii, do di pwodi likame ceng atot okato, wun kobino batiso wu kede Tipo Kacil.”

Tice 1:8

Do kame Tipo Kacil obino i komu, ibinunu udo twer di ikounu bino bedo ijurak na i Yerusalem kede i Yudea dedede, kede i Samaria da, tuno kede i ajikini me lobo.”

Tice 2:46

Doko ceng dedede oudo gin kilego i tempulo karacel, di kinywako mugati karacel i miere gi. Oudo kinywako cam kede cuny ayom kilajara,

Tice 20:16

Pien Paulo oudo omoko tam mere pi kwang naco Epeso, tetekeny kur eter kare alac Esia. Pien oudo etie susunyo ot Yerusalem, ka twerere wek koto ceng me Pentekoti ude kuno.

Tice 4:24

Kakame kiwinyo kede kop nono, gin dedede kiko kwano Rubanga kede dwan acel di kiwaco be, “Okwe Rwot Won twer, ngat kocweo malo kede lobo kede nam kede jame dedede kame tie i yi gi.

Tice 4:31

Kakame kitieko kede ilega, kabedo kame gin oudo kicokere iye nono oko yangere, di gin dedede kiko pong kede Tipo Kacil, kiko donyo yamo kop ka Rubanga kede nwangcuny.

Tice 4:32

Ekodet me jokoyei Kirisito oudo tie kede tam acel kede cuny da acel. Likame tie ngatamoro kikom gi kame oudo waco be gikame en etie kede obedo mere kene, do gin oudo kinywako jamini dedede karacel.

Tice 5:12

Joor oudo otimo gianena kede gi me isuur atot i dier jo. Gin dedede oudo kitie karacel i Balasa ka Sulumani, kame kogero wie.

Joroma 15:6

tetekeny wun dedede, kede dwan acel, ipakunu Rubanga, en Papa me Rwot wa Yesu Kirisito.

1 Jokorinti 16:8

Do ango abino bedo Epeso tuno i ceng me Pentekoti,

Jopilipi 1:27

Kenekene miunu ekite me kuo wu bed bala kame ejiri ka Kirisito mito, tetekeny akadi ka ango abino pi neno wu arabo li, abino winyo kop i komu be icungunu di itekunu kede cuny acel, kede tam acel, di itienu cane karacel pi yei kame ejiri okelo,

Jopilipi 2:2

mianu apong kede yomcuny pi wun bedo kede tam kame cacal, amara acel, kede winyere di itienu kede tam acel.