Tice 19:2 - Baibuli I Leb Kumam 2013

² di eko penyo gi be, “Bin ikounu pong kede Tipo Kacil i kare kame iyeunu kede Kirisito?” Gin kiko dwoko ne be, “Li, doko cako wan lem likame pwodi owinyo be Tipo Kacil tie da.”

Tice 19:2 Iomraidhean Croise

Yokana 7:39

Yesu bin owaco kop noni i kom Tipo Kacil kame jo kame yei en bino udo. I kare nono oudo pwodi likame komio Tipo Kacil, pien oudo pwodi likame komio Yesu deyo.

Tice 10:44

Di pwodi Petero oudo tie yamo, Tipo Kacil oko bino i kom jo dedede kame oudo tie winyo kop mere.

Tice 19:5

Kakame kiwinyo kede kop noni, oko do batiso gi i nying Rwot Yesu.

Tice 2:17

“‘Rubanga owaco be, i kare me ajikini, ango abino mino Tipo na but jo dedede, di idwe wu awobe kede anyira ko bino murao, kede awobe wu ko bino neno gianyuta, di jo oti ko bino leko lek atot.

Joroma 1:11

Pien cunya paro neno wu me wek ami wu iudunu giamia mogo me cuny, pi mino yei wu doko tek.

1 Jokorinti 6:19

Mam ingeunu be komu obedo tempulo me Tipo Kacil kame tie i komu, Tipo kame Rubanga omio wu? Wun likame megu kenu.

Jogalatia 3:5

Benyo, Rubanga mio wu Tipo kede etimo giaura i diere wu be pien itimunu gikame Iswil mito, arabo pien iwinyunu ejiri di ikounu yei?

1 Samuel 3:7

I kare nono Samuel oudo pwodi likame obilo riamakin kede Rubanga i kuo mere, pien oudo pwodi likame Rubanga oyamo kede.