Tice 15:3 - Baibuli I Leb Kumam 2013

³ Di do ekodet me jokirisito oko cwano gi kioto, kiko beno ki Poenike kede Samaria, di kitatamo epone kame jo kalikame Iyudayan olokere kede but Rwot. Kop nono oko yomo cuny jo koyei Kirisito dedede.

Tice 15:3 Iomraidhean Croise

Luka 15:32

Oudo epoore ne wan tedo ebaga kede kilel, pien omini ni oudo oto, do nan ekuo; oudo erwenyo, do nan eudere.’ ”

Tice 1:15

I ceng nogo, Petero oko cungo i nyim ekodet me jokirisito, kame oudo ocokere, wel gi oudo romo tol acel kede ot are; en eko waco ne gi be,

Tice 13:48

Kakame jo kalikame Iyudayan owinyo kede kop noni, cuny gi oko doko yom di kiko mino kop ka Rubanga deyo. Di jo dedede kame Rubanga oudo otieko yero pi donyo i kuo kame bedo nakanaka oko yei Yesu Kirisito.

Tice 13:52

Josiao oko bedo kede kilel adwong, doko kiko pong kede Tipo Kacil.

Tice 14:27

Di bin kituno Antiokia, gin kiko coko ekodet me jokirisito dedede karacel, di kiko tatamo ne jo gi dedede kame Rubanga oudo otio kede gin pi timo, kede epone kame eyabo kede ekeko me yei ne jo kalikame Iyudayan.

Tice 15:1

Do jo mogo bin oko wok ki Yudea kiko donyo pwonyo jo koyei Kirisito di kiwaco be, “Likame itwerunu udo alako kwanyo di kokepo wu bala kite kame itok ka Musa mito kede.”

Tice 15:12

Ekodet lung oko ling titi, kiko donyo winyo Paulo kede Baranaba di tie tatamo epone kame Rubanga otimo kede gianena kede gi me isuur but jo kalikame Iyudayan di etio kede gin.

Tice 15:22

Di do joor kede joadongo karacel kede ekodet lung me jokirisito oko yei yero jo mogo kikom gi, di kiko cwano gi Antiokia karacel kede Paulo kede Baranaba. Gin kiko oro Yuda kame bin kolwongo be Barasaba kede Sila, kame oudo obedo jotel i dier jo koyei Kirisito,

Tice 15:32

Yuda kede Sila, kame oudo obedo inabin, oko bedo kwano cuny jo koyei Kirisito kede kope atot, di kiko mino gi tekcuny.

Tice 15:4

Kakame kituno kede Yerusalem, ekodet me jokirisito dedede, karacel kede joor kede joadongo, oko gamo gi. Gin kiko waco ne jo nogo gi dedede kame Rubanga otio kede gin pi timo.

Tice 17:15

Jo kame bin onyamaro Paulo oko upere kede en paka tuno Asene. Paulo oko ciko gi be miero Sila kede Temeseo bin bute awakawaka, gin di do kiko dok.

Tice 20:38

Gin oudo kitie kede cwercuny, twatwal mere pi kop kame Paulo oudo owaco be gin likame kibino medo neno wange bobo. Di do kiko nyamaro en i emeri.

Tice 21:5

Bin di do kare wan me bedo kuno otiek, wan do oko yai pi meede kede ot wa. Di gin dedede kede mon karacel kede idwe gi kiko nyamaro wa tuno ooko me bomba. Wan dedede oko riondiko piny i dog nam oko lego, di do oko motere me pokere.

Tice 28:15

Kakame jo koyei Kirisito i Roma owinyo kede kop i kom wa, gin kiko bino tuno i atale me Apaya kede kabedo kame kolwongo be Ude Adek me gamo wele, pi riamo kede wa. Kakame Paulo oneno gi kede, en eko mino pwoc but Rubanga di do eko bedo kede nwangcuny.

Tice 8:14

Kakame joor kame oudo tie Yerusalem owinyo kede be Josamaria otieko gamo kop ka Rubanga, gin kiko cwano Petero kede Yokana but gi.

Joroma 15:24

di atie ot Sipania. Pien ageno be abino neno wu i kare kame atie ot kede kuno di ikounu bino mina kony pi mina meede kede ot na, ingei ango bedo kede wu pi kare moro acecek.

1 Jokorinti 16:11

Aso, kur ngatamoro cae. Konyenu emeede kede ot mere i mulem, tetekeny ekaruno dwogo buta; pien ango atie kure karacel kede imiegu kede amiegu.

1 Jokorinti 16:6

Abino bedo kede wu pi kare moro, cengemogo abino tieko kare me ngico me piny kede wu, tetekeny wun ikonyanu pi meede kede ot na kakame abino ot iye.

2 Jokorinti 1:16

Pien ango amito be abei welao wu di atie ot Makedonia, di doko ako beo butu di adwogo ki kuno, me wek imianu kony me meede kede ot na Yudea.

Tito 3:13

Tamakino kede teko ni dedede konyo Sena ngat kame osiao kop me iswil, en kede Apolo, pi meede kede ot gi, doko nen be likame kirem kede gimoro.