Tice 13:5 - Baibuli I Leb Kumam 2013

⁵ Kakame kituno kede Salamis, kiko donyo pwonyo kop ka Rubanga i sinagogan. Yokana kame kolwongo be Marako oko donyo konyo gi.

Tice 13:5 Iomraidhean Croise

Tice 13:14

Do Paulo gini oko meede kede ot, yai ki Perega tuno Antiokia me Pisidia. Ceng Sabato gida kiko ot i sinagoga, di kiko bedo piny.

Tice 13:46

Di do Paulo kede Baranaba oko donyo yamo abongo lworo di kiwaco be, “Oudo etie gikame mitere, be oudo miero ber gei tuco kop ka Rubanga butu. Do pien wun idagunu kope nogi, di ingolunu kop i komu kenu be likame ipoorenu donyo i kuo kame bedo nakanaka, omio wan nan oyaro lokere but jo kalikame Iyudayan.

Tice 19:8

Pi dwete adek, Paulo oko bedo ot i sinagoga di eyamo abongo lworo, en oudo epiemo kede gi di ekwao cuny gi i kom kop kame mako Ajakanut ka Rubanga.

Tice 18:4

Paulo oudo piemo i sinagoga Ceng Sabato acelacel, di eloko tam me Iyudayan kede Jogurik.

Tice 17:17

Omio Paulo oko donyo piem kede Iyudayan i sinagoga gi karacel kede jo ace kame oudo woro Rubanga. Doko ceng dedede en oudo epiemo i atale kede jo kame oudo tie kuno.

Tice 14:1

Kikano, di bin Paulo kede Baranaba oudo tie Ikoniam, kiko donyo karacel i sinagoga me Iyudayan, kop kame kiko yamo oko mino ekodet me Iyudayan karacel kede Jogurik oko yei Yesu.

Tice 12:12

Kakame Petero oniang kede gikame otimere noni, en eko ot paco ka Maria toto me Yokana, kame nyinge ace oudo Marako; jo atot oudo ocokere tie ilega kuno.

Tice 9:20

Cucuto nono en eko ot cako tatamo nying Kirisito i sinagogan di ewaco be, “En nono kame ebedo Wot ka Rubanga.”

2 Temeseo 4:11

Luka kenekene en kame tie keda. Moi Marako iko upere kede ibinunu buta, pien ebedo dano kame tie kede kony buta i tic na.

Jokolosai 4:10

Arisitaku ngat kame tie keda i otkol moto wu, kede Marako ocen ka Baranaba (ngat kame kotieko waco ne wu kop i kome, ka ebino butu gamenu),

Tice 15:37

Baranaba oudo mito be koto kitero Yokana kame oudo kolwongo be Marako upere kede gi.

Tice 12:25

Baranaba kede Saulo oko yai do ki Yerusalem ingei ngetakino tic gi, di kiko tero Yokana kame kolwongo be Marako kidok kede.

1 Abakai 19:21

Elisa oko dok eko ngongolo twonin mege, di eko moko mac kede ayokoi kame oudo etweo gi kede, di eko tedo gi. En eko mino jo kame oudo en epuro kede gi ringo di kiko camo. Di do en eko ot edonyo lubo Elia, di eko doko ngakonye.

Matayo 20:26

Man likame epone kame miero ebed kede i diere wu, do ngat kame mito bedo dano kame pire dwong kikom wu, miero ebed ngatic wu.

2 Abakai 3:11

Do Yekosapat oko waco be, “Benyo, likame tie enabi moro ka Rwot kan, kame wan otwero penyo cuny Rwot kibute?” Di ngatic acel ka abaka me Isirael oko dwoko be, “Elisa wot ka Sapat, en ngat koudo obedo konyo Elia tie kan.”

1 Abakai 19:3

Lworo oko mako Elia di eko ringo kede ngatic mere Beereseba i adul me Yuda. En eko weko ngatic mere kunono

Yai 24:13

Aso, Musa oko yai kede Yosua ngakonye, di Musa oko yito i wi moru kacil.

Tice 19:22

Di do ingei en oro cuo mogo are kame oudo konye, Temeseo kede Erasito, pi ot Makedonia, en ber eko dong bedo Esia pi kare moro acecek.

Tice 19:29

Man oko mino atotolun oko bedo i bomba lung, di kiko mako Gayo kede Arisitaku kame oudo obedo jo me Makedonia, kame bin upere kede Paulo, di kiko ware kede gi kionyaro karacel i ot me cokere me bomba.