Tice 13:2 - Baibuli I Leb Kumam 2013

² Di bin gin kitie timo tic me woro Rwot kede kanyo kec, Tipo Kacil oko waco ne gi be, “Pokunu na Baranaba kede Saulo tenge pi tic kame ango alwongo gi iye.”

Tice 13:2 Iomraidhean Croise

1 Iyutun 16:4

Daudi oko yero Jolebi mogo pi timo tic i nyim Sanduku me Isikan ka Rwot, pi ngangao, kede pi mino pwoc kede pak but Rwot Rubanga me Isirael.

Danieri 9:3

Ango ako lego kede cunya dedede but Rwot, di angangao en, di akanyo kec, di angapo epuko, kede di abedo i buru.

Matayo 17:21

(Do ilega kede kanyo kec kenekene en kame mio gikame cal kamanoni yai, likame bobo tie gimoro ace.)”

Matayo 6:16

“Doko ka itienu kanyo kec, kur imiunu nyimu bedo di pek bala kite kame joecuke timo kede. Pien gin kiloko cal me nyim gi be tetekeny jo apat ngei be gin kitie kanyo kec. Ateteni awaco ne wu be, gin kitieko udo giamia gi.

Matayo 9:38

Pi mano, legunu me wek Rwot won kac cwai jotic i kac mere.”

Luka 10:1

Ingei mano, Rwot oko yero jo ace ot kanyaare kiwie are di eko oro gi are are pi kato anyim i bomban kede i adulion acelacel kame en oudo eyaro ot iye.

Luka 2:37

En eko bedo apuserut tuno mwakini mege me dongo romo ot kanyauni kiwie ongwon. En oudo likame eyai tenge ki tempulo, doko da di epako Rubanga iceng kede iwor, di ekanyo kec kede ilega.

Tice 10:19

Di pwodi Petero oudo tie mito ngeno dwong me gianyuta nono, Tipo ka Rubanga oko waco ne be, “Neningo, cuo adek tie moni.

Tice 10:30

Kolonerio oko waco be, “Okato nan ceng ongwon, bala iesawa noni, ango oudo atie i oda ilega me esawa kanyangon me otieno. Kikano di icuo moro oko cungo i nyima di engapo igoen kame meny,

Tice 13:3

Di do ingei kanyo kec kede ilega, gin kiko keto cing gi i wi Baranaba kede Saulo, di kiko cwano gi.

Tice 13:4

Kakame Tipo Kacil ooro gi kede, Baranaba kede Saulo oko ot kiko lor Selukia; ki kuno di kiko kwang kioto Sipuro.

Tice 14:26

ki kuno, kiko kwang tuno Antiokia, kakame bin kokwao ne gi kiye kisa ka Rubanga pi tic aber kame oudo kicobo.

Tice 20:28

Gwokerenu kenu kede igwokunu romini ka Rubanga, kame Tipo Kacil oketo wu pi bedo jogwok gi, pi gwoko jo koyei Rubanga, jo kame en eloko odoko mege kede remo ka mere kikome.

Tice 22:21

Di en eko waco na be, ‘Yai ioti, pien ango ayaro cwani kakabor but jo kalikame Iyudayan.’ ”

Tice 4:36

En komio Yosepu kame oudo joor ocako ne nyinge be Baranaba (kame dwong mere be ngasup cuny jo), kame oudo obedo Ngalebi, anywali me piny me Sipuro,

Tice 6:4

Do wan obino jalere i ilega kede tuco kop ka Rwot.”

Tice 8:29

Tipo Kacil oko waco ne Pilipo be, “Oti inok nget cabala no.”

Tice 9:15

Do Rwot oko waco ne be, “In oti, piento en etie ngatic nango kame ango ayero pi mino nyinga ngere but jo kalikame Iyudayan, kede abakai, karacel kede idwe me Isirael.

Joroma 1:1

Baluwa kowok kibut Paulo ngatic ka Yesu Kirisito, ngat kame kolwongo pi bedo ngaor, di oko poke pi tuco ejiri ka Rubanga.

Joroma 10:15

Doko jo karuno tatamo kop mere benyo ka likame ooro gi? Bala kame kowandiko be, “Tien jo kame kelo kop aber tin cil benyo!”

Joroma 15:16

pi bedo ngatic ka Kirisito Yesu but jo kalikame Iyudayan, di atio bala ngasaseredoti kame tuco ejiri ka Rubanga, tetekeny jo kalikame Iyudayan dok giamia kame Rubanga karuno gamo, kame Tipo Kacil olonyo.

1 Jokorinti 12:11

Magi dedede Tipo acel nono en kame timo, en kame epoko gi but ngat acelacel bala kame emito.

1 Jokorinti 7:5

Kur itwon ngawoti komi, kwanyo amoto ka iwinyerenu pi timo kamanono pi kare moro acecek, me wek imiunu kare wu i ilega; do i cen mere di bobo ikounu dok iye. Mano bino mino itwerunu dino mit me komu di Sitani likame ko karuno tamo wu.

2 Jokorinti 11:27

Atio kitek kede abeo i kuo atek; iwor atot oudo likame anino, kec kede orio oneka, i kare atot abedo li kede giacama, i kare atot akanyo koyo di ali kede giangapa.

2 Jokorinti 6:5

Wan kobungo wa, kotweo wa i otkol, ekodet me jo suro wa, otimo tic atek, likame onino, doko kec da neko wa.

Jogalatia 1:15

Do Rubanga ngat kame bin opoka di pwodi likame konywala, di en eko lwonga pi kisa mere,

Joepeso 3:7

Ango komia adoko ngatic me ejiri noni di lubere kede giamia me kisa ka Rubanga kame emia di beo i tic me twer mere.

Iswilia 10:8

I kare nono Rwot bin oko yero jo me ekeko ka Lebi pi gin bedo jo kame tingo Sanduku me Isikan, pi gin timo tic mere bala josaseredoti, kede pi gin lamo ne jo winyo i nyinge. Magonogo en kobedo tice gin tuno tin.

Jokolosai 4:17

Wacenu Arakipu be miero enen be ecobo tic kame etieko gamo i Rwot.

1 Temeseo 2:7

Kop noni en komio oudo koyera pi bedo ngatuc ejiri kede ngaor, ngapwony me jo kalikame Iyudayan i yei kede i ateni (ango atie yamo kop me ateni, likame atie ngalo).

2 Temeseo 1:11

Rubanga oyera pi bedo ngat kame tuco kop mere, ngaor kede ngapwony me ejiri noni;

2 Temeseo 2:2

Doko gikame iwinyo kibuta i nyim ijurak atot, mi but jo kame genere, kame bino gida karuno pwonyo jo icegun.

2 Temeseo 4:11

Luka kenekene en kame tie keda. Moi Marako iko upere kede ibinunu buta, pien ebedo dano kame tie kede kony buta i tic na.

2 Temeseo 4:5

Do in bed di wi tamo, kanyakino can, tim tic me tuco ejiri, cob tic nin.

Iburanian 5:4

Doko likame tie ngatamoro kame yerere kene pi bedo Ngatel Josaseredoti, do Rubanga en kame lwonge bala bin Aroni.

1 Samuel 2:11

Elikana di do oko dok paco mere i bomba me Rama, do wode Samuel oko dong Silo i loc ka ngasaseredoti Eli pi tic ne Rwot.