Tice 12:3 - Baibuli I Leb Kumam 2013

³ Kakame eneno kede be gi nono oyomo cuny Iyudayan, en eko mino komako Petero da. (Mano bin otimere i kare me ebaga me Mugati kame Arup li kiye.)

Tice 12:3 Iomraidhean Croise

Sabuli 76:10

Gero ka dano lokere doko gikame paki, jo kame obwot ki tice nin me gero bino cokere luki.

Yai 23:15

Ibinunu camo Ebaga me Mugati kame Arup li iye. Pi ceng kanyaare ibinunu camo mugati kame kotimo abongo arup bala kame oudo aciko ne wu. Ibinunu timo kamanono i kare kame kociko, i duwe me Abib, pien duwe nono en kame wun bin iyaunu kede ki Misiri. “Likame tie ngatamoro kame miero bin i nyima kede cinge nono.

Matayo 26:17

Kikano i ceng me agege me ebaga me Mugati kame Arup li kiye, josiao oko ot but Yesu di kiko penye be, “Tuai en kame in imito be wan ooti oik ni iye Ebaga me Kalamo?”

Yokana 12:43

Pien oudo gin kimaro pak me dano kalamo pak kame yai kibut Rubanga.

Yokana 19:11

Yesu oko dwoko ne be, “Oudo likame iromo bedo tie kede akarunikin i koma, ka koto di oudo likame komii ki malo; pi mano, ngat omia i cingi en kame tie kede dub kame kalamo.”

Yokana 21:18

Ateteni, ateteni awaco ni be, di oudo bin pwodi in atin awobi, oudo in itweo rakoba nin keni di iko ot kakame in imito. Do ka iti, ibino rieno badi malo di ngat apat en kame ko tweno ni rakoba, di en eko teri kakame likame in oudo imito ot iye.”

Tice 12:4

Kakame bin etieko mako kede Petero, en eko rwake i otkol, di eko mine i cing ikodeta ongwon me isirikalen pi dare, di oudo etie kede tam me kele i nyim jo pi pide ingei Ebaga me Kalamo.

Tice 2:14

Do Petero oko cungo kede joor tomon kiwie acel, di eko cako yamo kede jo kede dwan amalo be, “Jo na me Yudea, karacel kede wun jo dedede kame bedo Yerusalem, poore ingeunu kop ni kiber, doko cikunu yitu i kom gikame ango ayaro waco ne wu.

Tice 20:6

Ingei ceng me ebaga me Mugati kame Arup li kiye, wan oko yai ki Pilipi, oko kwang pi ceng kany di do oko tuno but gi i Turoa, kakame wan oko bedo iye pi ceng kanyaare.

Tice 24:27

Do ingei mwakini are, Porukio Pesito oko lunyo wang Pelik; do pi mito yomo cuny Iyudayan, Pelik oko weko Paulo odong i otkol.

Tice 25:9

Do pien Pesito oudo mito timo bero ne Iyudayan, omio en eko penyo Paulo be, “In imito be teri ot pidi i kope nogi i nyima i Yerusalem?”

Tice 4:13

Kakame kineno kede nwangcuny ka Petero kede Yokana, kede bobo di oudo kiniang be gin kibedo jo atatai kalikame osomo, kiko uro; di kiko ngeno be Petero kede Yokana oudo obedo kede Yesu.

Jogalatia 1:10

Iparunu be ango do atie mono pwoc kibut jo arabo kibut Rubanga? Arabo iparunu be ango atie tamo yomo cuny jo? Ka koto di oudo pwodi ango atie yomo cuny jo, koto likame ango abedo ngatic ka Kirisito.

1 Jotesalonika 2:4

Do bala kame Rubanga opwoyo kede pi keto ejiri i cing wa, pi manono likame wan oyamo pi yomo cuny dano, do pi yomo cuny Rubanga, ngat kame tamo cuny wa.