Tice 10:4 - Baibuli I Leb Kumam 2013

⁴ En eko ngino malaika nono kede lworo, di eko waco be, “Benyo bo Rwot?” Malaika nono oko waco ne be, “Ilega kede mic nin me konyo jocan otieko tuno but Rubanga, omio en eyutuno in.

Tice 10:4 Iomraidhean Croise

2 Iyutun 32:24

I kare nogo tuwo oko mako Esekia kame oudo otuno do neke. En eko kwano Rwot, di Rwot oko gamo doge di oko mine gianena kame nyuto ne be ebino cango.

2 Iyutun 6:33

tim ber iwiny kwac gi i malo kabedo ni. Tim negi gikame kikwai pire, tetekeny jo dedede me wi lobo ngei di gin kiko bedo kede lworo buti, bala jo ni me Isirael. Di do gin kiko bino ngeno be ot noni kame ango atieko gero obedo meri.

Sabuli 141:2

Wek ilega na bed bala giawanga kame ngwe kur i nyimi, kede cinga kame atingo malo i ilega bed bala giayala me otieno.

Sabuli 20:3

Akwae eyutuno giamia ni dedede doko cunye bed yom pi giayala ni me awanga.

Isaya 43:26

“Bia ootunu pido; kelunu kop kame itienu pida iye! Ketunu pido wu i nyim ekiko, tetekeny inyutunu be itimunu gikame tie kakare!

Isaya 45:19

Ango oudo likame ayamo kede wu i mung i kakacol; ango oudo likame awaco ne ikwae ka Yakobo be, ‘Ibinunu mona i kabedo kame tie atatai.’ Ango Rwot ayamo kop me ateni, atuco gikame tie kakare.”

Danieri 10:11

En eko waco na be, “Danieri, in Rubanga mari twatwal, cik yiti iwiny kope kame ango ayaro waco ni. Yai icungi, pien ango kocwaa buti.” Kakame ewaco kede kamanoni, ango ako cungo, do koma oudo pwodi tie miel.

Jolebi 2:2

di eko tere but josaseredoti awobe ka Aaron. Ngasaseredoti atie timo tic bino juko alos pong cinge di mo kede odok angwe kur tie iye, di en eko wange i wi alutari di yiro mere ko duny. Dul atitidi nono nyuto be akadi kodong da kotieko yalo but Rwot. Ngwece me giayala awanga nono yomo cuny Rwot.

Malaki 3:16

Di do jo koudo lworo Rwot oko donyo yamo ken gi ken gi. Rwot oko ciko yite winyo gikame gin oudo kitie yamo, di oko wandiko i yi itabu, i nyim Rwot, nying jo koudo lworo Rwot, kede aparo pire.

Matayo 26:13

Ateteni awaco ne wu be, kabedo dedede kame kobino tuco ejiri noni iye i wi lobo lung, kobino tatamo gikame dako noni otimo di koyutuno en kede.”

Luka 1:29

Do kop noni oko neko kom Maria twatwal, en eko donyo do paro dwong me amot noni i cunye.

Luka 24:5

Pi kite kame inonong oudo omako gi kede, omio kiko luro wi gi piny, do cuo nogo oko waco ne gi be, “Pinyo komio imounu ngat kame kuo kikom jo oto? En likame etie kan, do etieko yaruno.

Tice 10:31

di eko waco be, ‘Kolonerio, Rubanga otieko winyo ilega ni, doko etieko yutuno in pi kony kame in ibedo mino but jocan.

Tice 14:9

En eko winyo Paulo di tie yamo; Paulo oko ngine kitek, di eko neno be oudo etie kede yei kame romo mine ecango.

Tice 22:10

Ango di ako penye be, ‘Rwot, nan do atim nyo?’ Di Rwot oko dwoko na be, ‘Yai iko ot Damasiko di oko bino waco ni gi dedede kame koiko pi in timo.’

Tice 3:4

Petero kede Yokana oko ngine kitek, di kiko waco ne be, “Nen wa.”

Jopilipi 4:18

Ango atieko gamo cul na dedede kede kalamo. Ango atieko udo gikame oroma, pien Epaporodito omia giamia kame icwaunu na. En ebedo giamia kame ngwe kur, giayala kame Rubanga gamo, doko kame yomo cunye.

Jopilipi 4:6

Kur ibedunu kede par i kom gimoro, do i gi dedede miunu Rubanga ngei gikame imitunu i ilega kede i kwac, di imiunu pwoc.

Iburanian 13:16

Kur wi wu wil kede timo bero, kede nywako jame kame itienu kede; pien giayala kame cal kamagonogi yomo cuny Rubanga.

Iburanian 6:10

Pien Rubanga timo gi dedede i yore me ateni; man bino mino likame wie wil kede tic kede amara kame wun inyutunu pire, i tic me konyo jo mege, bala kame pwodi itienu timo.

Gianyuta 8:4

Yiro me bubani di oko duny malo karacel kede ilega me jokacil ki cing malaika kame tie i nyim Rubanga.

1 Samuel 3:10

Rwot oko bino di eko cungo kunono di eko lwongere bala kite kame oudo elwongere kede sek be, “Samuel! Samuel!” Samuel oko gamo be, “Yami, ngatic ni tie winyo.”