Tice 10:2 - Baibuli I Leb Kumam 2013

² En oudo ebedo icuo kame keto cunye woro Rubanga kede jo me i ode dedede. Doko en oudo emio jo kony kede cunye lung di elego Rubanga nakanaka.

Tice 10:2 Iomraidhean Croise

Ageini 18:19

Li, pien ango atieko yere pi coro idwe mege karacel kede ikwae mege me kare me anyim, pi gin bedo jo kame lubo yongayo ka Rwot di kitimo gi kopoore kede me ateni; tetekeny Rwot cob timo gikame en ecikere iye but Aburaam.”

1 Abakai 8:43

tim ber iwiny kwac mere i malo kabedo ni. Tim ne gikame en ekwai pire, tetekeny jo dedede me wi lobo ngei di gin kiko bedo kede lworo buti, bala jo ni me Isirael. Di do gin kiko bino ngeno be ot noni kame ango atieko gero obedo meri.

2 Iyutun 6:33

tim ber iwiny kwac gi i malo kabedo ni. Tim negi gikame kikwai pire, tetekeny jo dedede me wi lobo ngei di gin kiko bedo kede lworo buti, bala jo ni me Isirael. Di do gin kiko bino ngeno be ot noni kame ango atieko gero obedo meri.

Yobu 1:1

Bin tie icuo moro anyinge Yobu, kame oudo bedo i lobo me Us. En oudo ebedo dano kame li kede raco moro doko oudo epoore. Oudo elworo Rubanga doko di egwokere likame etimo gimoro arac.

Yobu 1:5

Ingei ebaga acelacel, Yobu oudo lwongo idwe mege di eko timo pwola me lonyo gi. En oudo eyai odiko di eko mino giayala awanga di lubere kede wel gin dedede; pien oudo en ewaco be, “Cengemogo idwe nango odubo di kiko yamo kop moro arac i kom Rubanga i cuny gi.” Manoni oudo obedo gikame Yobu timo nakanaka.

Sabuli 102:15

Atekerin dedede bino lworo nying Rwot, doko abakai dedede me wi lobo bino lworo dwongo nin.

Sabuli 119:2

Kitie kede yomcuny jo kame gwoko cik mege, jo kame moe kede cuny gi lung,

Sabuli 25:5

Tela alub ateni nin, di ipwonya; pien in en Rubanga kame laka; ango ageni nakanaka.

Sabuli 41:1

Kitie kede yomcuny jo kame paro pi jocan; Rwot bino konyo gi ka kitie i peko.

Sabuli 55:17

Otieno kede odiko kede i dier iceng, ango acwao koko na bute di acur, en gire ebino winyo koko na.

Sabuli 86:3

In en Rubanga na; bed kede kisa buta, Okwe Rwot, pien ango akok buti piny yuluyul.

Sabuli 88:1

Okwe Rwot, Rubanga ngalak na, iceng ango akok buti pi konya; iwor da ango akok i nyimi,

Ngarab kop 7:18

Eber ne in lide i kom acel, abongo weko ocelu da; pien ngat kame lworo Rubanga bino bedo tie kede gin are nogo dedede.

Isaya 59:19

Cako ki bad tetu kide tuno i bad tetu tim jo dedede bino lwore, gin kibino lworo twer mere adwong. En eyaro bino bala pii me ecilet kame ringo kitek, pii kame yamo tie kolo.

Danieri 6:10

Bed bala Danieri oudo ngeo be abaka oudo otieko keto cinge i iswil nono, en pwodi eko gire meede donyo ot ilega i ode, kame oudo dirisan mege me agola me malo oudo yabere pimere kede Yerusalem. En oudo eoto kunono di eko riondiko piny di dirisan twolo, di eko donyo lego but Rubanga mere di epake; oudo etimo kamanono tien adek buli ceng.

Danieri 6:16

Di abaka oko golo cik di oko mako Danieri di oko uce i bur kame inguon opong iye. Abaka oko waco ne Danieri be, “Akwao be Rubanga ni kame in ibedo woro di itie kede genere bute laki.”

Danieri 6:20

Kakame en etuno kede i bur nono kame Danieri oudo tie iye, en eko lwongere kitek kede dwan me lito be, “Danieri ngatic ka Rubanga akuo, benyo, Rubanga ni kame in itio ne kede genere otwero laki kibut inguon?”

Danieri 6:26

Ango atie mino cik be, i ajakanut na dedede kame ango apugo jo poore bedo kede lworo kede wor but Rubanga ka Danieri.” En eko meede kede yamo be, “Piento ebedo Rubanga akuo, doko da epugo nakanaka. Likame kobino twero dudubo ajakanut mere, doko apugan mere likame tie kede ajikini.

Matayo 25:17

Ngat kame oudo ogamo talente are da oko timo kamanono, eda eko bobo udo ameda me talente are.

Luka 18:1

Yesu di do oko tatamo ne josiao mege agole kame pwonyo gi be poore di kilego nakanaka abongo weko.

Luka 2:25

I kare no oudo tie icuo moro Yerusalem kame nyinge Esimioni. En oudo icuo kopoore, kame keto cunye woro Rubanga, kame oudo tie kuro neno epone kame Rubanga bino kweno kede cuny jo me Isirael; en oudo epong kede Tipo Kacil.

Tice 10:22

Gin kiko dwoko ne be, “Kolonerio en kame ooro wa; malaika kacil oudo owaco ne be ecwai jo buti pi lwongi ioti i ode, me wek ewiny kop kame iyaro waco ne. En ebedo ngadwong me isirikalen, dano me ateni kame lworo Rubanga, kame ateker me Iyudayan yamo kope abeco i kome.”

Tice 10:31

di eko waco be, ‘Kolonerio, Rubanga otieko winyo ilega ni, doko etieko yutuno in pi kony kame in ibedo mino but jocan.

Tice 10:35

Do i atekerin dedede, en egamo jo dedede kame wore kede kame timo gi kopoore.

Tice 10:4

En eko ngino malaika nono kede lworo, di eko waco be, “Benyo bo Rwot?” Malaika nono oko waco ne be, “Ilega kede mic nin me konyo jocan otieko tuno but Rubanga, omio en eyutuno in.

Tice 10:7

Kakame malaika kame bin yamo kede nono oyai kede kibute, Kolonerio oko lwongo jotic mege are, kede sirikale mere acel kame genere kikom isirikalen mege kame dare.

Tice 11:14

en ebino waco ni kop kame bino mini iudo alako, in karacel kede jo me i odi.’

Tice 13:16

Di do Paulo oko yai malo, eko poro kop kede cinge be jo lingi, di eko cako yamo kaman: “Jo me Isirael, kede wun jo kame woro Rubanga, winyunu.

Tice 13:26

“Imiegu na wun ikwae ka Aburaam, kede jo ace kikom wu kame woro Rubanga, kop me alako noni kotieko cwano but wa.

Tice 13:50

Do Iyudayan oko supo cuny mon kame ngere, kame oudo keto cuny gi woro Rubanga, karacel kede cuo kame jo oudo woro i bomba. Gin kiko mino jo ogeo tidilo Paulo kede Baranaba, di kiko riamo gi ki piny gi.

Tice 18:8

Kirisipo, kame bin obedo ngatel me sinagoga, oko yei Rwot karacel kede jo me i ode dedede. Doko jo atot me Korinti kame bin owinyo pwony ka Paulo oko gida yei, di oko batiso gi.

Tice 2:5

Oudo tie Iyudayan mogo kame bedo i bomba me Yerusalem, gin oudo kibedo jo kame oudo woro Rubanga twatwal, kame oudo oyai ki adulion dedede kame tie i piny.

Tice 22:12

“Icuo moro kame nyinge Anania, dano kame bin woro Rubanga, doko di elubo Iswilia wa oudo tie kuno. Iyudayan dedede kame bin bedo Damasiko oudo pwoye be eber.

Tice 8:2

Jo mogo kame bin keto cuny gi woro Rubanga en kame oko yiko Sitepano, di kiko koke kitek.

Tice 9:11

Rwot oko waco ne be, “Yai iko ot i gudo kame kolwongo be, Gudo Koriere, di iko penyo ki ot me icuo kame nyinge Yuda kakame icuo moro kame nyinge Saulo me Taruso tie iye; pien neningo, en etie ilega,

Tice 9:31

Pi mano, ekodet me jokirisito i Yudea, i Galilaya kede i Samaria dedede oko bedo kede mulem, di kiko doko tek. Doko kiko bedo kede wor but Rwot di kiko meede nyai pi kony me Tipo Kacil.

Tice 9:36

Oudo ngasiao moro tie Jopa, kame nyinge Tabisa, kame kolwongo i leb Gurik be Dorika. En oudo etimo tice kabeco doko di ekonyo jo.

Jokolosai 4:2

Meedenu ilega nakanaka, di iketunu tam wu iye kede di imiunu pwoc.

1 Jotesalonika 5:17

Legunu i kare dedede,

Yakobo 1:5

Ka ngatamoro kibutu li kede rieko, poore ekwai Rubanga ngat kame mio jo dedede kede cunye lung abongo ingungur, di oko bino mine.

Yosua 24:15

Ka wun likame imitunu timo tic ne Rwot, tin yerunu ngat kame wun ibinunu timo ne tic, arabo rubangan kame joakwari wu bin woro i Mesopotamia, arabo rubangan me jo Amor kame wun itienu bedo i lobo gi. Do ango kede jo me diakal na, wan obino timo ne Rwot tic.”

Gianyuta 15:4

Rwot, ngai kalikame bino lworo nyingi kede mine deyo? Pien in keni en ngat kacil. Atekerin dedede bino bino di kiko wori, pien tice ni me ateni otieko nyutere.”