Tice 1:6 - Baibuli I Leb Kumam 2013

⁶ I kare kame joor oriamakin karacel kede Yesu, gin kiko penye be, “Rwot, mam kare noni en kame iyaro dwoko kede Ajakanut but jo me Isirael?”

Tice 1:6 Iomraidhean Croise

Ageini 49:10

Ebela me pug likame bino yai tenge kibut Yuda; ebela me ajakanut likame bino yai tenge ki dierediere me tiene, kiton tuno di kokelo ne esolo; di atekerin ko donyo mine wor.

Isaya 1:26

Abino mino ibedo tie kede jopug kede jo amio tam acal bala kame oudo bin itie kede sek, ingei manono kobino lwongo Yerusalem be bomba me jo kopoore kede kame genere.”

Yeremia 33:26

kamanono da ango likame abino dagi ikwae ka Yakobo kede me ka ngatic na Daudi. Ango abino yero ngat acel kikom ikwae ka Daudi pi bedo ngapug me ikwae ka Aburaam, Isaka, kede Yakobo. Pien ango abino dwoko mulem gi, di ako bedo kede kisa but gi.”

Danieri 7:27

Twer me pug, loc, kede dwongo me ajakanuto dedede me wi lobo kobino mino but jo ka Rubanga Ngamalo Twal. Ajakanut gi bino bedo nakanaka, doko wegi loc dedede me wi lobo bino tic negi di mio gi wor.”

Kosea 3:4

Iepone noni jo Isirael bino tieko kare kalac abongo bedo kede abaka arabo ngatel moro, kibino bedo abongo mino giayala i tempulo arabo bedo tie kede ipirin me kide kame koworo, amoto epod arabo terapim, gin jamini me ngeno mit ka Rubanga.

Amosi 9:11

Rwot waco be, “Ceng tie bino kame ango abino kiarao kede ajakanut ka Daudi kame nataman cal bala ot kopopoto. Ango abino gere di bobo eko dok i cal mere kariki sek.

Mika 5:2

Rwot waco be, “In Betelem Epurata, in en bomba acel kikom bomban atitino twatwal me Yuda, do ango abino yero ngapug me Isirael kibuti, ngapug kame diakal kame kobino nywale iye wapere paka tuno i kare kasek.”

Sakaria 9:9

Lelunu kitek wun jo me Sion! Lelemunu kitek wun jo me Yerusalem! Nenunu, abaka wu tie bino butu! En epoore, etie kelo alako; en ewanano punda, atin me punda.

Matayo 17:11

Yesu oko dwoko be, “Ebo Elia en kame miero gei bino di en eko temuno gi dedede;

Matayo 20:21

Yesu oko penye be, “Nyo en kame in imito?” En eko waco ne Yesu be, “Sikano be kikom awobe na are gi, acel bino bedo i badi tetu cam kede ocelu i badi tetu ngodal i Ajakanut nin.”

Matayo 24:3

Kakame Yesu oudo tie bedo kede i wi moru me Olibeti, josiao oko lwidar ot bute, di kiko penye be, “Wac ne wa, awene en kame gini bino timere kede, doko da gianena nyo kame bino nyuto dwogo nin, kede ajikini me piny?”

Marako 9:12

En eko dwoko ne gi be, “Ebo, ateteni Elia miero cak bino me wek eik gi dedede bobo. Do kara pinyo komio iwandik kacil waco be Wot ka dano bino neno can kitek di oko timo ne tim me lewic?

Luka 17:20

Bin i kare moro Iparisayon openyo Yesu awene en kame Ajakanut ka Rubanga oyaro bino kede, en eko dwoko ne gi be, “Ajakanut ka Rubanga likame oyaro bino kede gianena mogo kame neeno.

Luka 19:11

Di oudo pwodi jo tie winyo kop nono, Yesu oko meede waco ne gi agole moro, pien oudo eyapuno do tuno Yerusalem, doko da pien jo oudo tamo be Ajakanut ka Rubanga do oudo iyapiyapi neeno.

Luka 22:29

bala kite kame Papa omia kede twero me pug, ango da amio wu twero acel nono,

Yokana 21:21

Kakame Petero onene kede, en eko penyo Yesu be, “Rwot, do en kono?”