Tice 1:3 - Baibuli I Leb Kumam 2013

³ Ingei can kede to mere, en eko nyutere but gi i yote apapat kame moko be, en oudo ekuo ateteni, di epwonyo kop kame mako Ajakanut ka Rubanga.

Tice 1:3 Iomraidhean Croise

1 Abakai 19:8

Elia oko yai malo di eko cam, kede eko mato pii, di eko udo teko me ot pi ceng ot ongwon tuno i moru me Sinai, en moru ka Rubanga.

Matayo 21:43

“Pi mano, awaco ne wu be, kobino kwanyo Ajakanut ka Rubanga kibutu di oko mino atekerin kame nyako anyakini kabeco.

Matayo 28:9

Yesu oko riamo kede gi, di en eko waco ne gi be, “Yoganu.” Gin kiko ot bute, kiko mulo tiene di kiko wore.

Matayo 3:2

“Swilarunu, pien Ajakanut me malo odoko iyapiyapi.”

Matayo 4:2

Ingei Yesu kanyo kec pi ceng ot ongwon kede iwor da ot ongwon, kec oko neke.

Marako 16:19

Di do bin Yesu Kirisito otieko yamo kede josiao mege, oko do tere malo di en eko bedo i bad tetu cam ka Rubanga.

Yokana 20:26

Ingei ceng kanyauni, josiao mege oudo bobo tie i ot, Tomasi da oudo tie kede gi, ikekon oudo ocegere, do Yesu oko bino di eko cungo i diere gi, di eko waco be, “Mulem bed butu.”

Yokana 21:1

Ingei mano, Yesu oko bobo neeno ne josiao mege i dog nam me Tiberia. En enyutere but gi iepone ni:

Yokana 21:14

Man oudo nan do tien me adek kame Yesu onyutere ne kede josiao ingei yaruno en kikom jo oto.

Tice 13:31

Di en eko neeno tien atot but jo kame bin en ewok kede gi ki Galilaya bino Yerusalem. En jo nogo kame nan tie ijurak mege but jo.

Tice 19:8

Pi dwete adek, Paulo oko bedo ot i sinagoga di eyamo abongo lworo, en oudo epiemo kede gi di ekwao cuny gi i kom kop kame mako Ajakanut ka Rubanga.

Tice 28:23

Kakame kitieko moko kede ceng kede Paulo, cenge nono gin kiko bino di kitot kakame en oudo ebedo iye. Di Paulo oko yeko ne gi kop dedede i yore i yore, cako me odiko tuno piny yuto, di etatamo ne gi kop kame mako Ajakanut ka Rubanga, di etamakino loko tam gi i kom Yesu, di ejuro kop me Iswil ka Musa kede iwandik me inabin.

Tice 28:31

En oudo epwonyo gi kop kame mako Ajakanut ka Rubanga di ewaco kop i kom Rwot Yesu Kirisito obe abongo gikame genge.

Tice 8:12

Do kakame kiwinyo kede kop aber me Ajakanut ka Rubanga kede nying Kirisito kame Pilipo oudo tatamo, gin kiko yei di oko batiso gi, cuo karacel kede mon.

Joroma 14:17

Pien Ajakanut ka Rubanga likame obedo cam kede giamata, do en ebedo poore, kede mulem, kede yomcuny i Tipo Kacil.

Iswilia 9:18

Di ango bobo ako riebere piny i nyim Rwot, pi ceng ot ongwon; likame acamo arabo amato gimoro. Ango atimo manono pi dub kame wun oudo itimunu di ikounu mino Rwot cunye owang.

Iswilia 9:9

I kare kame bin ango ayito kede i wi moru pi gamo kide abatal kame kowandiko i kom gi kope me isikan kame bin Rwot otimo kede wu, ango bin ako dong i wi moru kunono pi ceng ot ongwon; likame bin acamo arabo amato gimoro.

Jokolosai 1:13

En etieko lako wa ki twer me colo di eko kobo wa i ajakanut ka Wode kame emaro,

1 Jotesalonika 2:12

Wan oudo obako dog wa ne ngat acelacel kibutu, omio wu nwangcuny kede owaco ne wu lubo epone me kuo kame poore i nyim Rubanga, ngat kame lwongo wu i Ajakanut kede i deyo mere.

1 Yokana 1:1

Wan otie tuco ne wu gikame oudo tie cako ki agege, gikame wan owinyo, gikame wan oneno kede wang wa; wan kom onene doko omule kede cing wa, en Kop me kuo.