Tice 1:16 - Baibuli I Leb Kumam 2013

¹⁶ “Jowota, iwandik kacil oudo miero cobere kakare, kame bin Tipo Kacil owaco i dog Daudi i kom Yuda, ngat kame bin otelo jo pi ot mako Yesu.

Tice 1:16 Iomraidhean Croise

2 Samuel 23:2

Tipo ka Rwot yamo kibuta, kop mere tie i leba.

2 Abakai 15:12

Manoni en gikame Rwot bin ocikere iye but Abaka Yeku di ewaco ne be, “Ikwae ni bino bedo abakai me Isirael tuno i ikwae me ongwon.” Di bin eko da timere kamanono.

Sabuli 41:9

Akadi kiton adiera apire tek kame oudo ageno, ngat kame oudo acamo kede, otieko da loka adoko ngakwor.

Matayo 26:14

Kikano ngat acel kikom josiao tomon kiwie are, kame bin nyinge Yuda Isikariot oko ot but jodongo me josaseredoti,

Matayo 26:47

Di Yesu oudo pwodi tie yamo, Yuda kame oudo obedo ngat acel kikom josiao tomon kiwie are oko tuno. Oudo eupere kede ekodet ati me jo kame mako ipimai kede akutai, di oudo kiwok kibut jodongo me josaseredoti kede kibut joadongo me piny.

Matayo 26:54

Do ka atimo kamano, iwandik kacil kame waco be miero etimere kamanoni bino cobere kakare benyo?”

Matayo 26:56

Magi dedede otimere pi mino gikame bin inabin owandiko i iwandik kacil cobere kakare.” Di do josiao mege dedede oko ringo tenge oweke.

Marako 12:36

Daudi da kikome bin Tipo Kacil otelo di en eko waco be, “‘Rwot Rubanga owaco ne Rwot na be: Bed i bada tetu cam, tuno di ango atieko mini inyono jokwor ni piny i tieni.’

Marako 14:43

Cucuto nono di pwodi Yesu tie yamo, Yuda kame oudo obedo ngat acel kikom josiao tomon kiwie are di tuno. Oudo etie upere kede ekodet me jo kame mako ipimai kede akutai, kame oudo jodongo me josaseredoti, jopwony me Iswil kede joadongo me piny ocwao.

Luka 22:47

Di pwodi oudo Yesu tie yamo, ekodet me jo di tuno; icuo kame kolwongo be Yuda, kame bin eda oudo etie ngat acel kikom josiao tomon kiwie are, en kame oudo tie telo gi. En eko noko Yesu pi mote di enoto leme.

Yokana 10:35

Do ka Rubanga olwongo jo kame bin komio kop mere be rubangan (doko di iwandik kacil likame kotwero turo),

Yokana 13:18

“Ango likame atie waco wun dedede; ango angeo jo na kame ayero. Do iwandik kacil miero cobere kakare be, ‘Ngat kame onywako keda cam en kame bobo oloko ebela i wia.’

Yokana 17:12

I kare kame oudo atie karacel kede gin, ango bin agwoko gin kede twer me nyingi, en nying kame imia. Ango atieko gwoko gi, doko likame tie ngatamoro kame orwenyo kikom gi, kenekene dano kame oudo poore rwenyo, me wek iwandik kacil cobere kakare.

Yokana 19:36

Pien gigi otimere tetekeny iwandik kacil cobere kakare, kame waco be, “Likame kobino turo cogo mere moro.”

Tice 1:20

“Pien kowandiko i Sabuli be, “‘Wek kabedo mere dong nono, doko kur ngatamoro bed iye da.’ “Doko kowandiko da be, “‘Poore ngatamoro luny tic mere me nganeno.’

Tice 13:15

Ingei somo itabu me Iswil kede me inabin, jotel me sinagoga oko cwano ne gi kop di kiwaco be, “Imiegu, ka itienu kede kop moro me supo cuny jo, yamenu.”

Tice 13:38

Pi mano, imiegu na, mito wun ingeunu kiber be, kotie pwonyo wu kop i kom isasir me dub pi icuo noni,

Tice 15:13

Ingei gin tieko yamo, Yakobo oko dwoko be, “Imiegu na, winyunu.

Tice 15:7

Ingei nyamo kop pi esawa alac, Petero oko yai malo di eko waco ne gi be, “Imiegu kede amiegu na, wun ingeunu be i kare asek Rubanga oudo oyera ki diere wu tetekeny jo kalikame Iyudayan da winy kop me ejiri ki doga, di kiko yei.

Tice 2:23

Yesu noni, ngat kame bin komio i akarunikin wu di lubere kede ngec ka Rubanga kede iik mere, bin wun ikounu mine i cing jodubo kame oko gure i kom musalaba di kiko neke.

Tice 2:37

Kop noni oko cobo cuny jo, di kiko penyo Petero karacel kede joor icegun be, “Imiegu, nan wan do otim nyo?”

Tice 22:1

“Imiegu na kede joapapi na, winyunu ber pido kame nan akelo i nyimu.”

Tice 23:1

Paulo oko ngino jo kame oudo tie i kansulo, di eko waco ne gi be, “Imiegu na, ango cunya ngeo kakaler be, ango abedo kede kuo aber i nyim Rubanga tuno tin.”

Tice 23:6

Do kakame Paulo oniang kede be jo oudo tie i ikodeta are, ekodet me Isadukayon kede me Iparisayon, en eko yamo kede dwan amalo i kansulo be, “Imiegu na, ango abedo Ngaparisayo, anywali me Iparisayon; kotie pida pi bedo kede gen i iyarun me jo oto.”

Tice 28:17

Ingei ceng adek, Paulo oko lwongo jotel me Iyudayan kame tie Roma karacel. Kakame kicokere kede, en eko waco ne gi be, “Imiegu na, bed bala likame ango atimo gimoro arac but jo wa, akadi i kom itok me joakwari wa, do komia abedo mabus i Yerusalem, di oko jala i cing Joroma.

Tice 28:25

Aso kite kame tam gi oudo opokere kede, kiko sarakin ingei Paulo waco be, “Tipo Kacil oudo oyamo ne joakwari wu kop me ateni i dog enabi Isaya be,

Tice 7:2

Sitepano oko dwoko be, “Imiegu kede joapapi na, winyunu gikame ayaro waco; Rubanga me deyo bin oneeno but kwaru wa Aburaam i kare no di en oudo etie i piny me Mesopotamia, di pwodi likame edak bedo i piny me Aran,

1 Petero 1:11

Gin oudo kitamo mito ngeno ngat nono, amoto kare kame Tipo ka Kirisito kame oudo gin kitie kede tie nyuto, kakame etuco kede can kame Kirisito oudo bino kanyo, kede deyo kame bino lubo.

2 Petero 1:21

pien likame tie imurai me enabi moro kame otieko bino pi mit ka dano, do jo oudo yamo kop ka Rubanga pi twer me Tipo Kacil.

2 Petero 2:21

Oudo koto ebedo ber kato ka oudo likame gin kingeo yongayo me poore, akaka gin ngeno yongayo me poore di bobo kiko lokere tenge ki cik kacil kame komio gi.