Tice 1:13 - Baibuli I Leb Kumam 2013

¹³ Kakame kituno kede i bomba, kiko ot donyo i agola me malo kakame oudo kibedo iye; gin oudo Petero, Yokana, Yakobo kede Anderia, Pilipo kede Tomasi, Batulumayo kede Matayo, Yakobo wot ka Alipayo, Simoni kame bin tie i ekodet me jo kalikame mito apugan me kare nono, karacel kede Yuda wot ka Yakobo.

Tice 1:13 Iomraidhean Croise

Matayo 9:9

Kakame Yesu oyai kede ki kuno di do etie ot, en eko neno icuo kame nyinge Matayo di etie bedo i ot me culo esolo. Yesu oko waco ne be, “Luba.” Matayo oko yai di en eko lubo Yesu.

Marako 14:15

En ebino nyuto ne wu agola alac me malo, kame kotieko iiko kiber, ikounu iiko ne wa ebaga kanono.”

Marako 14:33

En eko tero Petero, Yakobo kede Yokana, par atek kede cwercuny oko make,

Marako 2:14

Kakame do oudo etie ot kede, en eko neno Lebi wot ka Alipayo di tie bedo i ot me culo esolo. Yesu oko waco ne be, “Luba.” En eko yai di eko lubo Yesu.

Marako 5:37

En likame eko yei ne ngatamoro lube kwanyo Petero, Yakobo, kede omin mere Yokana.

Marako 9:2

Ingei ceng kanyape, Yesu oko kwanyo Petero, Yakobo kede Yokana, di eko tero gi malo i wi moru kargi ken gi. Kom Yesu oko lokere i wang gi kanono;

Luka 22:12

En ebino nyuto ne wu agola alac me malo, kame kotieko iiko kiber. Iikunu ne wa ebaga kanono.”

Yokana 11:16

Tomasi (kame bin kolwongo be Bangi) oko waco ne josiao wad gi be, “Ootunu wada wek otounu karacel kede en.”

Yokana 14:22

Yuda (weko Isikariot) oko waco ne be, “Rwot, in ibino nyutere but wan kenwa benyo benyo di likame iko nyutere ne jo me piny?”

Yokana 18:17

Nyako kame oudo daro dog erute oko penyo Petero be, “Mam ida ibedo ngat acel kikom josiao me icuo noni?” Petero oko dwoko be, “Likame ango.”

Yokana 21:2

Simoni Petero, Tomasi kame kolwongo be Bangi, Natanael me Kana i Galilaya, awobe ka Sebedayo, kede josiao mege are apat oudo tie karacel.

Tice 12:17

Do en eko poro ne gi kop kede cinge be kilingi, di eko tatamo ne gi i yore i yore epone kame Rwot owote kede ki otkol. En eko waco ne gi be, “Tatamunu kop ni ne Yakobo karacel kede imiegu i Kirisito.” En eko yai eoto kabedo ace.

Tice 15:13

Ingei gin tieko yamo, Yakobo oko dwoko be, “Imiegu na, winyunu.

Tice 2:14

Do Petero oko cungo kede joor tomon kiwie acel, di eko cako yamo kede jo kede dwan amalo be, “Jo na me Yudea, karacel kede wun jo dedede kame bedo Yerusalem, poore ingeunu kop ni kiber, doko cikunu yitu i kom gikame ango ayaro waco ne wu.

Tice 2:38

Petero oko dwoko ne gi be, “Swilarunu di oko batiso ngat acelacel kikom wu i nying Yesu Kirisito, di Rubanga ko bino sasiro wu ki dub wu, di ikounu bino udo giamia me Tipo Kacil.

Tice 20:8

Italan atot oudo tie liel i agola me malo kakame wan oudo ocokere iye.

Tice 4:13

Kakame kineno kede nwangcuny ka Petero kede Yokana, kede bobo di oudo kiniang be gin kibedo jo atatai kalikame osomo, kiko uro; di kiko ngeno be Petero kede Yokana oudo obedo kede Yesu.

Tice 4:19

Do Petero kede Yokana oko dwoko ne gi be, “Wun en kame miero iyerunu, arabo epoore i nyim Rubanga pi wan winyo dwanu, amoto dwan Rubanga;

1 Jokorinti 15:7

Di do en eko nyutere but Yakobo, kede do ne joor dedede.

Jogalatia 1:19

Do likame bobo ako neno ngaor moro ace, kwanyo kenekene Yakobo omin me Rwot.

Jogalatia 2:9

Kakame kiniang kede i kom kisa kame komia, Yakobo kede Kepa kede Yokana, jo kame oudo koworo bala jotel, oko yango cinga kede cing Baranaba i nywak, di kiyei be wan opoore ot but jo kalikame Iyudayan, di gin kiko ot but jo kame kokepo.

Yakobo 1:1

Baluwa kowok kibut Yakobo ngatic ka Rubanga kede me ka Yesu Kirisito. But atekerin tomon kiwie are kame osarakin obukui. Amoto wu.

2 Yokana 1:1

Baluwa kowok kibut Adwong. But dako kame koyero, kede idwe mege, jo kame amaro ateteni, do likame ango kenekene do paka jo dedede kame ngeo ateni,

Yuda 1:1

Baluwa kowok kibut Yuda ngatic ka Yesu Kirisito, kame obedo omin me Yakobo. But jo kame kolwongo, jo kame tie i amara ka Rubanga Papa, jo kame kotie gwoko di kodaro kede Yesu Kirisito.