Tice 1:10 - Baibuli I Leb Kumam 2013

¹⁰ Di pwodi oudo wang gi omoko ngino malo kakame en oudo etie ot kede, cuo mogo are oko cungo i nget gi di kingapo ikanson atar,

Tice 1:10 Iomraidhean Croise

2 Abakai 2:10

Elia oko dwoko be, “Ikwao gikame tek. Do ka inena di kotie tera tenge kibuti, kobino mini; do ka likame inena di kotie tera tenge kibuti, likame kobino mini.”

Danieri 7:9

Kakame ango oudo atie ngire kede, oko cibo komini me ngolo kop. Ngat kobedo tie ikar kede ikar oko bedo i kom acel. Igoen mege oudo tar bala akako, kede yer me wie oudo cal bala yer me oromo atar di pwot. Kom mere nono oudo liel mac, namusigan mege da oudo obokere mac.

Matayo 17:2

Kom Yesu oko lokere i wang gi kanono, di nyime oko rieny bala ceng, kede igoen mege oko doko tar liamaliam.

Matayo 28:3

Cal mere oudo ineno bala meny me kot, kede egoe mere oudo tar bala akako.

Marako 16:5

Kakame kidonyo kede i ates, kiko neno awobi moro di bedo i bad tetu cam, oudo engapo ekanso atar, lworo oko mako gi.

Luka 24:4

Kakame pwodi oudo wi gi ocungo kede pi gikame oudo otimere, cuo are oko cungo i nget gi di kingapo igoen atar liamaliam.

Yokana 20:12

di en eko neno imalaikan are kame angapito gi tar, di kibedo kakame oudo kopielo kom Yesu iye, acel i katiene kede ocelu i kawie.

Tice 10:3

Ceng moro acel iesawa kanyangon me otieno, en eko neno i gianyuta di malaika ka Rubanga bino bute di oko lwonge be, “Kolonerio.”

Tice 10:30

Kolonerio oko waco be, “Okato nan ceng ongwon, bala iesawa noni, ango oudo atie i oda ilega me esawa kanyangon me otieno. Kikano di icuo moro oko cungo i nyima di engapo igoen kame meny,

Gianyuta 3:4

Do pwodi tie jo mogo anonok Saradisi, jo kalikame opwoko igoen gi; gin kibedo jo kame poore ot karacel kede ango di kingapo igoen atar.

Gianyuta 7:14

Ango ako dwoko ne be, “Adwong, in en kame ingeo.” Di en eko waco na be, “Magi en jo kame owok ki can alit. Gin kilwoko ikanson gi kede remo me Katin Romo oko doko tar.