Sakaria 9:3 - Baibuli I Leb Kumam 2013

³ Taya ogero apama atek me gwokere; ekumemo nyonyo siliba bala asinge kede saabu bala apua me atie i gudi me bomba.

Sakaria 9:3 Iomraidhean Croise

Esekeri 27:33

Jamini nin ongolo name di kiko cobo mit me atekerin atot. Abakai me wi lobo oudo abar pi twon lonyo nin.

Yobu 27:16

Akadi gin kicok nyonyo siliba di tot bala asinge, di kiko coko igoen atukit bala lobo;

2 Samuel 24:7

Di do kiko dok tetu piny, tuno i bomba me Taya kame koluko kede apama, di kiko kato paka i bomban me jo Kibi kede jo Kanan, di do me ajikini kiko ot Negeb, bomba kame tie Beereseba tetu piny me Yuda.

Yosua 19:29

Di do ikor nono bin ko manaro ot Rama, di eko tuno Taya, bomba kame bin kocelo kitek; ki kuno di eko manaro ot Kosa, di eko ot jik i nam me Mediterania. Lobo nono bin ribo bomban me Makalab, Akisib,

Isaya 23:8

Ngai inonini kotimo iik noni i kom Taya, bomba kamio ocoro me pug, bomba kame jocat wil mege obedo jopug kame koworo ki wi lobo lung?

Yobu 22:24

Ka in itero saabu bala apua, kede di kitero saabu kame kokunyo i Opir bala engaro me dud ecilet,

1 Abakai 10:27

I kare me apugan mere, Abaka Sulumani bin oko mino siliba odure Yerusalem bala kide, kede ebao me yat seda en eko mino obedo tot atatai bala cukamori me dud mori me Yuda.

1 Abakai 10:21

Ikopon ka Abaka Sulumani dedede bin kotimo kede saabu, kiton jamini kame bin kotio kede gi i Ot me Abum me Lebanon oudo kotimo kede saabu kame kojililo kiber; likame bin tie moro kame kotimo kede siliba, pien i kare ka Sulumani siliba oudo likame kotero bala gi me wel.

Isaya 23:11

Rwot orieo bade i wi nam adwong eko rereto ajakanuto; en emio cik me tuturo kacat kede kawil kame tie kede cel me apamai atek i lobo me Kanan.

Esekeri 26:12

Gin kibino yako abar ni kede jamini ni me cato wil. Gin kibino rereto apama ni me cel di kiko dudubo ude ni abeco. Gin kibino kwanyo kide kede ibaon kede angidingidin me ude ni di kiko bwoto gi i nam.

Esekeri 27:34

Nan do in itie ituturun i nam, ilwiny i dud pii piny; jamini ni me cato wil kede jo kame tio i komi otieko lwiny kedi.’

Yobu 3:15

arabo kede jopug kopong kede saabu, jo kame pongo nyonyo siliba i ude gi.

Esekeri 27:27

Abar ni, jamini ni, jamini ni me cato wil, jo kame tie ot kedi kede jo kame kwangi, jo kame guro ibaon ni kede jocat wil kame tie ot kedi, jo yi kame tie ot kedi, kede jo dedede kame in itie kede gi, gin dedede kiko lwiny i dier nam i ceng kame in idudubun kede.

Esekeri 28:1

Rwot oko waco na be,

Amosi 1:9

Rwot waco be, “Jo me Taya obedo timo dub tien atot atota. Ango ateteni abino mino gin alola; likame abino loko tam na. Gin kimako ateker lung di kiko tero gi ne jo Edom. Gin kituro cikere gi me imiegu kame oudo kitimo.