Sakaria 8:3 - Baibuli I Leb Kumam 2013

³ Ango abino dok Yerusalem di ako donyo bedo i diere. Kobino donyo lwongo Yerusalem be bomba kame genere, kede moru ka Rwot me jo yi kobino donyo lwongo be moru kacil.

Sakaria 8:3 Iomraidhean Croise

Sabuli 2:6

“Ango atieko keto abaka na i Sion, i wi moru na kacil.”

Sabuli 48:1

Rwot dwong, doko epoore me apaka twatwal i bomba ka Rubanga wa, en moru mere kacil.

Yai 29:45

Ango abino bedo i diere me jo me Isirael, di ako bedo Rubanga gi.

Isaya 1:21

Bomba kame oudo genere odoko cal bala malaya. Bin sek tice kame kotimo i yore me ateni kede tice kopoore en oudo tie iye, do nan do jonek en olunyo bedo iye!

Isaya 1:26

Abino mino ibedo tie kede jopug kede jo amio tam acal bala kame oudo bin itie kede sek, ingei manono kobino lwongo Yerusalem be bomba me jo kopoore kede kame genere.”

Isaya 11:9

Likame tie awanon arabo gimoro arac kame bino timere i wi moru ka Rubanga. Lobo bino pong kede ngec i kom Rwot bala kame pii pongo kede nam.

Isaya 12:6

Poore jo dedede kame bedo Sion lelemo kitek di kiwero kede kilel, pien Rubanga kacil me Isirael dwong; en ebedo i diere me jo mege.”

Isaya 32:16

Tim kopoore kede me ateni en kame bino bedo tie kabedo dedede i lobo noni.

Isaya 60:14

Ikwae me jo kame bin teri kirac bino bino di gin kiko luro wi gi piny buti pi nyuto wor gi. Jo dedede kame bin cai bino riebere piny i tieni. Gin kibino lwongi be, ‘Sion, Bomba ka Rwot, Ngat Kacil me Isirael.’

Isaya 65:25

Ipeon kede idwe me romini bino cam karacel; inguon bino camo arienge bala dok, doko cam me twole bino bedo apua. Gin likame kibino kakao jo arabo mino ngatamoro awanon i wi moru na kacil.”

Isaya 66:20

Gin kibino kelo imiegu wu dedede kidwoko gi ki lobere dedede bala giamia buta. Gin kibino kelo gi Yerusalem i moru na kacil di kiwanano asigiran, pundan, kede aguraguran, jo ace di tie i wi cabalan. Ebino bedo cal bala kame jo me Isirael kelo kede giayala gi me alos i Tempulo di kiketo gi i gimak acil.

Isaya 8:18

Rwot me jo yi, ngat kame bedo i wi moru me Sion otieko keta, ango kede idwe kame emia, pi bedo bala anen akuo but jo me Isirael.

Yeremia 14:9

Pinyo komio itie bala dano moro kame wie ototolun, bala ngayi atek kalikame twero konyo dano? Do di in, Okwe Rwot, itie i diere wa, doko da kolwongo wan be jo nin; kur iwek wa!’ ”

Yeremia 26:18

“I kare kame Esekia en oudo obedo abaka me Yuda, enabi Mikaa me Moreset oko waco ne jo dedede me Yuda be Rwot me jo yi oudo owaco be, “ ‘Kobino boko Sion bala poto; Yerusalem bino doko atukit me ude kame kodudubo, di emukura kame tempulo tie iye ko doko abum.’

Yeremia 31:23

Rwot me jo yi, Rubanga me jo me Isirael waco be, “I kare kame ango abino dwoko kede mulem me jo me Isirael, jo bobo bino donyo waco i Yuda kede i bomban mege be, “‘Okwao Rwot mi winyo buti, in kabedo mere kacil, moru kacil me Yerusalem.’

Yeremia 33:16

Kobino lako jo me Yuda, doko Yerusalem bino bedo kede anapakin. Nying kame kobino lwongo kede Yerusalem en ine be, ‘Rwot timo ne wa gi kopoore’.

Esekeri 48:35

Boro me apamai ongwon koluko bomba nono ka koriribo bino bedo kilomita kanyangon. Nying anyen kame kobino mino bomba nono en, “Rwot Tie Kan!”

Danieri 9:16

Okwe Rwot, di lubere kede tice ni kopoore, wan okwai be, kwany gero ni tenge ki bomba me Yerusalem, en moru ni kacil; pien pi dub wan kede me ka joakwari wa, Yerusalem kede jo ni dedede otieko doko gi me acae but atekerin me kio.

Yoweri 3:17

“Di do wun jo me Isirael ikounu bino ngeno be ango Rwot Rubanga wu, abedo Sion, moru na kacil. Yerusalem bino bedo bomba kacil; jokumbor likame bobo bino mane.

Mika 4:1

I kare me anyim moru kame tempulo cungo i wie bino bedo moru abor malo kalamo mori dedede, ebino bedo bor malo kalamo imukuran dedede. Atekerin dedede bino sirito iye,

Sepania 3:13

Jo Isirael kame bino dong kuo likame bino timo gimoro arac, likame kibino waco kop moro me angalo, doko likame kibino tamo ngalo dano moro. Gin kibino cam di kiko buto wei abongo ngatamoro mino gi lworo.”

Sakaria 1:16

Pi manono, ango Rwot atie waco be, ango nan atieko dwogo Yerusalem kede cuny me kisa. Kobino gero tempulo na, di oko temuno gero bomba.”

Sakaria 12:6

“I kare nono ango abino mino jo me ude dedede me ekeko ka Yuda doko bala itonge me mac atie i atukit me yen otuo, bala rau aliel i diere me ijolong kotuo. Gin kibino muducaro atekerin dedede koluko gi, do Yerusalem jo bino dong iye bala lem sek.

Sakaria 14:10

Lobo nono dedede, cako ki Geba i bad tetu malo tuno Rimon i bad tetu piny me Yerusalem bino doko lobo kame wie oporere abongo imukuran. Yerusalem bino bedo idelelei malo kalamo kabedere icegun koluke; bomba nono bino cakere ki Erute ka Benjamin tuno i Erute me Kona, kakame oudo bin erute me agege tie iye; kede da cako ki Gedo Abor me Kananel tuno i kabedo me biino bwini ka abaka.

Sakaria 8:16

Magi en gikame ipoorenu timo: wekunu yamo kope me abe but jowotu, ngolunu kope i ateni i ekiko wu pi kelo mulem,

Sakaria 8:19

“Kanyo kec kame kotimo i duwe me ongwon, me kany kede me kanyaare, kede kanyo kec me duwe me tomon bino doko kare me kilel kede me yomcuny, kede ebaga me yomcuny pi jo me Yuda. Pi manono, marunu ateni kede mulem.”

Yokana 1:14

Kop oko doko dano di eko bedo i diere wa di epong kede kisa ka Rubanga kede ateni. Wan oneno deyo mere, deyo ka Wod acel kenekene kame owok kibut Papa.

Yokana 14:23

Yesu oko dwoko ne be, “Jo kame mara bino lubo kop na. Papa na bino maro gi, di ango kede Papa oko bino but gi, di oko bedo kede gi.

2 Jokorinti 6:16

Winyere nyo kame tie i dierediere me tempulo ka Rubanga kede cal jwogi? Pien wan otienu tempulo ka Rubanga kakuo; bala kame Rubanga owaco kede be, “Ango abino bedo i diere gi di aoto kiye, di ako bino bedo Rubanga gi, di gin kiko bino bedo jo na.”

Jokolosai 2:9

Pien Rubanga i tie mere lung bedo i en i cal me kom,

Gianyuta 21:10

Twer me Tipo oko uma di malaika nono oko tera i wi moru abor. En eko nyuto na Yerusalem bomba kacil di tie bino piny wok ki malo but Rubanga,

Gianyuta 21:27

Do likame tie gi kalikame cil kame bino donyo iye, akadi ngatamoro kame timo tim me emuna arabo kame yamo kop me abe, do kenekene jo kame kowandiko nying gi i itabu me kuo, itabu me Katin Romo, en kame bino donyo iye.

Gianyuta 21:3

Di ako winyo dwan amalo di eyamo ki kom me ajakanut be, “Neningo, paco ka Rubanga tie i diere me jo. En ebino bedo kede gi di gin kiko bino bedo jo mege. Rubanga kikome bino bedo kede gi.