Sakaria 8:2 - Baibuli I Leb Kumam 2013

² Rwot me jo yi owaco be, “Amara na pi Yerusalem omio atie kede twon nyeko pire, nyeko na pire mia abedo kede gero.

Sakaria 8:2 Iomraidhean Croise

1 Iyutun 12:19

Jo mogo kikom isirikalen me ekeko ka Manase oko ngolo but Daudi i kare kame en eoto kede jo Pilistia pi yi kede Abaka Saulo. Do i ateteni en likame bin eko konyo jo Pilistia, pien abakai me Pilistia oudo tie kede lworo be cengemogo eromo ngolo but Saulo ngadwong mere di eko lokere yi kede gin. Manono oko mino gin kidwoke Sikilag.

Isaya 59:17

En engapo kuo kopoore bala ebuku me gagao kor, kede twer me lako jo bala ocoro atek me gwoko wic. En ebino bedo kede cuny me timo onyanga bala egoe mere me angapa, di eko umere kede lilo bala egoe adoka.

Isaya 63:15

Okwe Rwot, ngoloro wa ki malo kabedo ni kacil, en kabedo me deyo, di iko neno gikame tie timere. Cunyi kame paro pirwa do tie tuai? Twer ni kara tie tuai? Ani amara ni kede cuny me kisa ni? In itieko kwanyo gi kibut wa.

Yoweri 2:18

Di do Rwot oko paro pi lobo mere, di eko bedo kede cuny me kisa i kom jo mege.

Nakum 1:2

Rwot obedo Rubanga kame nganyeko, doko en etimo onyanga; Rwot timo onyanga doko en elilo. En etimo onyanga i kom jo kame dage doko en ebedo ger ne jokwor mege.

Nakum 1:6

Ka en elilo, ngai kame twero cungo i nyime? Ngai kame twero kanyakino gero mere? En ebwoto lilo mere bala mac, di eko bebelo kide.

Sakaria 8:1

Rwot oko bobo mina kop mere.