Sakaria 5:2 - Baibuli I Leb Kumam 2013

² Malaika oko penya be, “Nyo kame itie neno?” Ango ako dwoko be, “Atie neno itabu adola atie por; boro mere tie mita kanyangon, kede laco mere tie mita ongwon kede dul.”

Sakaria 5:2 Iomraidhean Croise

Yeremia 36:2

“Yeremia, kwany itabu adola di iko wandiko iye kope dedede kame ango atieko waco ni i kom Isirael kede Yuda kede atekerin dedede, cako i ceng kame ango ayamo kedi i kare ka Yosia tuno tin.

Amosi 7:8

En eko penya be, “Amosi, nyo kame itie neno?” Ango ako dwoko be, “Tol atie kede kidi me rieno apama malo.” En eko waco be, “Ango abino tic kede en me nyuto be jo na cal bala apama kogom. Ango likame doko abino loko tam na me mino gi alola.

Sepania 1:14

Ceng adwong ka Rwot odoko iyapiyapi, etie tuno awakawaka. Ceng nono bino bedo ceng me lito, akadi sirikale atek i yi da bino boroboro koko.

Sakaria 4:2

En eko penya be, “Nyo kame itie neno?” Ango ako dwoko be, “Atie neno gicibo etala kame kotimo kome lung kede saabu. I wie tie iye bakuli. Italan kanyaare tie i wie, di buli etala tie kede doge kanyaare me upo ausin.

2 Petero 2:3

Pi eranga gi, gin kiyaro kwalo tam wu kede kope me angalo. Kop kame kongolo ne gi cako sek likame omungere, doko gikame bino dudubo gi da tie cuto.

Gianyuta 18:5

Pien dub mege ocokere ikumemei tuno i malo, doko Rubanga otieko yutuno tim mege areco.