Sakaria 3:4 - Baibuli I Leb Kumam 2013

⁴ Malaika oko waco ne jo koudo tie cungo i nyime be, “Gonyunu igoen mege komodo go.” Di eko waco ne Yosua be, “Neningo, ango atieko kwanyo raco ni tenge, nan abino ngapo ni igoen me angosibib.”

Sakaria 3:4 Iomraidhean Croise

2 Samuel 12:13

Daudi oko waco ne Natan be, “Ango atieko timo dub but Rwot.” Natan oko waco ne Daudi be, “Rwot otieko sasiro dub nin; in likame ibino to.

1 Abakai 22:19

Di Mikaya oko meede be, “Nan winy gikame Rwot tie waco! Ango aneno di Rwot tie bedo i kom mere me ajakanut i malo, di imalaikan tie cungo i ngete tuni kede tuca.

Sabuli 51:9

Lok wangi tenge kur inen dub na, di iko weno tenge gikareco na.

Isaya 43:25

Aso di ango en Rubanga ngat kame aweo dub wu tenge pira, doko likame abino yutuno dub wu.

Isaya 44:22

Ango atieko wearo tim wu areco tenge bala edou kame yamo okuto, kede dub wu da kame ibedunu timo, ango aweo tenge bala ekuna. Dwogunu buta, pien ango atieko lako wu.”

Isaya 52:1

Cei, cei ki wang nino, Ud teko, Okwe Sion! Ngap igoen ni acil, Okwe Yerusalem, bomba kacil; pien jo kalikame kokepo kede jo komunaun likame bobo bino donyo buti.

Isaya 61:10

Ango abino ilel pi gikame Rwot otieko timo. Cunya bino bedo yom i kom Rubanga na; piento en etieko ngapo na alako bala egoe, etieko ngapo na tim kopoore bala ekanso, bala kame eteran ngapo kede ocoro aber pi tubuso kome, kede bala kame ateran tubuso kede kome kede mwolere.

Isaya 61:3

pi mino jo kame tururo i Sion yomcuny kede ilel akaka cwercuny, wer me pak akaka iturur. Gin kobino lwongo gi be yen oak kame Rwot en kopito. Gin dedede kibino timo gikame poore, di kiko nyuto deyo ka Rwot.

Yeremia 52:33

Pi manono, Yekoyakin oko gonyo igoen me mabus di eko ngapo apat, eko donyo cam i emesa me abaka ceng dedede pi kare me kuo mere lung.

Esekeri 36:25

Abino kikiro pii acil i komu di ako bino lonyo wu ki pwokere wu kede ki caljwogi wu.

Esekeri 42:14

Kame josaseredoti oudo tie i tempulo di do kiko mito ot i diakal aoko, gin kipoore weko i agolai nogi igoen kacil kame gin oudo kingapo i esawa me tic ne Rwot. Gin kipoore loko igoen apat di pwodi likame kioto kakame jo ocokere iye.”

Mika 7:18

Okwe Rwot, likame tie rubanga moro kame cal bala in; in isasiro dub me donge me jo ni. In likame idong di ililo nakanaka, pien in cunyi yom pi nyuto amara ni kalikame lokere.

Mika 7:19

In bobo ibino bedo kede cuny me kisa i kom wa. In ibino nyono dub wa i tieni piny di iko lwomo gi i dud nam kakatut.

Sakaria 3:1

I gianyuta ace Rwot oko nyuto na Ngatel me Josaseredoti Yosua, di etie cungo i nyim malaika ka Rwot; Sitani oudo tie cungo i nget Yosua i bade tetu cam pi pide.

Sakaria 3:7

“Rwot me jo yi tie waco kaman: ka in ilubo yote nango di iko timo gikame ango amito ni timo, in ibino bedo ngaloc me tempulo na kede diakal mere, doko da ako bino mini twero me tuno but imalaikan kame nan tie cungo kan.

Sakaria 3:9

Kidi kame ango aketo i nyim Yosua kame tie kede nyime kanyaare, ango abino goro iye iwandik di ako bino kwanyo raco me lobo noni i ceng acel kenekene, ango Rwot me jo yi en awaco.

Matayo 22:11

“Do esawa kame abaka odonyo kede pi neno wele, en eko neno icuo moro kuno kame oudo likame tie kede engape me nyom.

Luka 1:19

Di malaika oko dwoko ne be, “Ango en Gabulieri kame acungo i nyim Rubanga, en kame eora pi bino yamo kedi kede pi kelo ni kop aber noni.

Luka 15:22

Do papa mere oko waco ne jotic mege be, ‘Susunyunu kelo ekanso aber ingapunu ne, di ikounu rwako epeta i lwete, kede ikounu ngapo ne amuka.

Yokana 1:29

Oru mere, Yokana oko neno Yesu di tie bino tetu bute, di eko waco be, “Nenunu Katin Romo ka Rubanga kame kwanyo dub me piny!

Joroma 3:22

Rubanga mio jo bedo di kipoore pi yei Yesu Kirisito. Etimo man ne jo dedede kame yei Yesu Kirisito, abongo apokapoka.

Joroma 6:23

Pien egelit me dub en to; do giamia ka Rubanga me nono en kuo kame bedo nakanaka i Kirisito Yesu Rwot wa.

1 Jokorinti 6:11

Jo mogo kikom wu oudo cal kamagonogo. Do wun kotieko lwoko dub wu, kotieko lonyo wu, kotieko mino wu idokunu jo kopoore pi nying Rwot Yesu Kirisito kede pi Tipo ka Rubanga wa.

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Jokolosai 3:10

di ikounu ngapo kuo kanyen, kame kotie mino doko nyen i ngec pi doko cal kede ngat kame ocwee.

Iburanian 8:12

Pien abino bedo kede cuny me kisa but gi pi gikareco gi; di ako bino mino wia wil kede dub gi.”

Gianyuta 5:11

Di ango bobo ako neno, doko ako winyo dwan imalaikan atot kame romo tutumian kede tutumian, kame oudo oluko kom me ajakanut nono, kede dwan giacwea akuo ongwon kede me joadongo,

Gianyuta 7:14

Ango ako dwoko ne be, “Adwong, in en kame ingeo.” Di en eko waco na be, “Magi en jo kame owok ki can alit. Gin kilwoko ikanson gi kede remo me Katin Romo oko doko tar.