Sakaria 2:1 - Baibuli I Leb Kumam 2013

¹ I gianyuta ace bobo, ango ako neno icuo koudo tie kede tol me pimo boro i cinge.

Sakaria 2:1 Iomraidhean Croise

Isaya 54:16

“Neningo, ango en kame acweo ngatet, ngat kame dopo mac di eko teto kede jamini me yi. Ango en kame acweo sirikale da, ngat kame tio kede jamini me yi pi timo nek.

Yeremia 31:39

Kobino pimo ikor mere yai ki kunono tuno i emukura me Gareb, di eko gonoro ot tuno Goa.

Yeremia 48:25

Kotieko teko me jo Moab, doko likame kikaruno yi. Ango Rwot en awaco.”

Esekeri 40:3

Kakame en eko tera kede kunono, ango ako neno di icuo moro tie cungo, di kome meny bala nyonyo buronsi. En oudo etie mako i cinge tol kede magada me pimo boro, di etie cungo i ekeko me erute.

Esekeri 40:5

Ako neno tempulo di apama oluke ki ooko. Icuo nono oko kwanyo magada mere me pim, kame boro mere oudo tie mita adek, di eko pimo apama. Apama nono boro mere malo oudo tie mita adek, doko da bimirir mere oudo tie mita adek.

Esekeri 47:3

En eko dok i bad tetu kide kakame pii nono mol dok iye di emako tol me pim i cinge, di eko pimo kakame boro mere tie mita tol kany (500) dok piny kunono. En eko tera opumo pii ot kunono; pii nono oudo jik i atitinyo.

Esekeri 47:4

En bobo eko pimo kakame boro mere tie mita tol kany (500), di eko tera opumo pii ot kunono; pii nono oudo jik i conga. En bobo eko pimo kakame boro mere tie mita tol kany (500), di eko tera opumo pii ot kunono; pii nono oudo oko tuno i piera.

Danieri 7:7

Di pwodi oudo atie ngire, le me ongwon oko neeno. En oudo etek adikinicel di nene rac; cal mere oudo mio dano lworo. En oudo etie kede lake me nyonyo ayon kame oudo etie nyanyato kede ringo di enyamo, di enyonyono angidingidin kodong kede tiene. En oudo cal mere pat kede leini ace apat kocako neeno; oudo etie kede tunge tomon.

Sakaria 1:16

Pi manono, ango Rwot atie waco be, ango nan atieko dwogo Yerusalem kede cuny me kisa. Kobino gero tempulo na, di oko temuno gero bomba.”

Sakaria 1:18

I gianyuta ace ango ako bobo neno tung leini ongwon.

Gianyuta 11:1

Di oko mina magada kame cal bala gikame opimo kede boro, di oko waco na be, “Ot ipim rom me tempulo ka Rubanga, alutari, kede imar wel me jo kame woro Rubanga iye.

Gianyuta 21:15

Malaika kame oyamo keda oudo tie kede lilim kame kotimo kede saabu me pimo boro, pi pimo kede bomba kede irutei mege, kede apamai mege.