Sakaria 10:2 - Baibuli I Leb Kumam 2013

² Jo penyo caljwogi kede imuroko, do gin kiwaco ne gi kope me abe kede kame kony gi li. Jo mogo gonyo lek me abe di kiko mino kweicuny akony mere li. Pi manono jo tiang ot atatai bala romini korwenyo; ki li kede ngakwat.

Sakaria 10:2 Iomraidhean Croise

Ageini 31:19

Aso, kakame Laban oudo ooto kede nyaro yer me romini, Lakeri oko kwalo rubangan ka papa mere ki ot.

1 Abakai 22:17

Di Mikaya oko waco be, “Aneno di isirikalen me Isirael osasarun i wi moru, bala romini kame ngakwat gi li; di Rwot oko waco be, ‘Jogi li kede ngadwong gi, poore ngat acelacel ot ture kede mulem.’ ”

Yobu 13:4

Do wun iumunu ateni kede kop me abe; wun dedede ibedunu imuroko akony gi li.

Yobu 21:34

“Nan do benyo benyo kame itwerunu dino cunya kede kope akony gi li? Kope dedede kame itienu dwoko na obedo kope me abe kenekene.”

Isaya 41:29

Gin rubangan nogi dedede gimoro li; likame tie gimoro kame kikaruno timo akadi acel; cal acwea gin obedo gimoro li, kical bala yamo abuko.”

Isaya 44:25

Ango abino mino jo kame sidiko waco ne jo winyo kame kitie kede doko jo mingo, di ako mino jo apenyo gagi doko jomingo; jo ariek ango adwoko cen, di ako mino ngec gi doko mingo.

Isaya 44:9

Jo dedede kame timo caljwogi kony gi li, doko rubangan kame pir gi tek negi nogo da likame tie kede kony moro but gi. Jo kame woro rubangan nogo wang gi oto doko kimiming. Kobino mino lewic mako gi.

Isaya 46:5

“Ngai kame wun ibinunu pora kede di ikounu mina abedo rom kede? Benyo, tie ngatamoro kame cal bala ango?

Yeremia 10:8

Gin dedede kiming, doko likame wi gi tio. Likame tie gimoro kame caljwogi twero pwonyo gi, piento en ebedo yat ayata.

Yeremia 14:13

Di ango ako waco be, “Okwe Rwot! Inabin nogo ige kame oudo waco ne jo be, ‘Wun likame kobino neko wu, doko da likame kec moro bino bedo tie, do Rwot bino mino wu anapakin i lobo noni.’ ”

Yeremia 14:22

Likame tie caljwogi me atekerin apat kame twero cwano kot; doko da likame malo twero mino kot cwei en kene. Rwot mam in en Rubanga wa? Wan oketo gen wa buti, piento in en kame itimo gi nogi dedede.

Yeremia 23:17

Nakanaka gin kiwaco ne jo kame dagi kop na be gi dedede bino bedo negi kiber. Doko da kiwaco ne joepali kame lubo tam me epali atie i cuny gi be likame tie can moro kame bino poto negi.”

Yeremia 23:32

Ango Rwot atie waco be, ango likame cunya yom i kom jo kame tatamo ne jo lek me abe, di kiko rwenyo jo na kede kope gi me abe nogo kede ewaka gi, do di udo likame ango acwao gi arabo aciko negi be kioti; pi manono, likame tie bero moro kame gin kitwero timo ne jo.”

Yeremia 27:10

Gin kitie ngalo wu, doko manono bino mino jokwor mako wu di kiko tero wu tenge kakabor kede lobo wu. Ango abino riamo wu tenge, di oko bino muducaro wu.

Yeremia 27:14

Kur iwiny kop kame inabin tie waco ni be kur ijalere i cing abaka me Babilon, gin kitie waco ni kop me abe.

Yeremia 27:9

Pi manono, kur iyeunu winyo kope me inabin wu, kede me jo kame ngingico gimoro di kiko sidiko waco kope me anyim, arabo jo kame gonyo lek, arabo kame penyo tipere me jo oto amoto jwogi pi ngeno gikame bino timere. Gin kitie waco ne wu be kur iyeunu jalere i cing abaka me Babilon.

Yeremia 28:15

Ango ako meede waco ne Kanania be, “Winyi, Kanania! Rwot likame ocwai, nan in itieko mino jogi oketo gen gi i kom kop me abe.

Yeremia 29:8

Pien ango Rwot me jo yi, Rubanga me jo me Isirael, awaco be kur imiunu inabin kame tie kede wu ngalu, arabo jo kame waco be gin kikaruno tuco kop me anyim. Kur iyeunu winyo kop me lek kame gin kileko.

Yeremia 37:19

Inabin nin kame oudo murao di kiwaco ni be abaka me Babilon likame bino suri akadi suro piny nin, nataman do tie tuai?

Yeremia 50:17

Rwot waco be, “Jo me Isirael cal bala romini kame inguon osasaro. Me agege abaka me Asiria en kogeo suro gi, di do me atiekini Abaka Nebukadunesa en oko koco cogere gi.

Yeremia 51:23

atio kedi me neko jokwat kede romini gi; atio kedi me neko jopur kede twonin gi, atio kedi me neko jopug kede jotic adongo.”

Yeremia 6:14

Gin kitero aporeso kame tie i kom jo na tukotuko di kiwaco be, ‘Mulem, mulem,’ do di mulem moro li.

Yeremia 8:11

Gin kitero aporeso kame tie i kom jo na tukotuko di kiwaco be, ‘Mulem, mulem,’ do di mulem moro li.

Koko ka Yeremia 2:14

Inabin ni tie waco ni kope me gianyuta me abe; gin likame kinyuto dub wu kakaler pi koto mino wu dok i kuo wu kasek, do gin kibedo mino wu kope me abe kame rwenyo jo.

Esekeri 21:21

Abaka me Babilon cungo i akara me yongayo pi timo ilamus pi ngeno gikame bino timere; en eyayango imalia di eko onyo gi piny, epenyo tam kibut caljwogi mere, engio emany me le. Mago nogo dedede en etimo pi mito ngeno bad kame poore eot iye.

Esekeri 21:29

“Wun jo Amon, gianyuta kame wun inenunu obedo me angalo, doko imurai wu da obedo me angalo. Wun ikiteso wu reco, doko itimunu gikareco. Ceng wu tie bino, ceng me mino wu alola me ajikini. Kobino ngongolo ngut wu kede epima.

Esekeri 34:5

Aso, manono oko mino gin kisarakin, pien oudo kili kede ngakwat, di do leini me obar oko camo gi.

Esekeri 34:8

Ango Rwot Rubanga akuo atie waco be, romini na odoko cam me leini me obar pien kili kede ngakwat. Doko da jokwat na likame obedo mono romini korwenyo, do gin girgi kilokere pito kuo gi di kiweko pito romini na.

Kosea 3:4

Iepone noni jo Isirael bino tieko kare kalac abongo bedo kede abaka arabo ngatel moro, kibino bedo abongo mino giayala i tempulo arabo bedo tie kede ipirin me kide kame koworo, amoto epod arabo terapim, gin jamini me ngeno mit ka Rubanga.

Mika 2:12

“Ango ateteni abino coko wun jo ka Yakobo, wun jo dedede me Isirael kodong. Ango abino coko wu karacel bala romini kame tie i anok. Lobo wu bobo bino pong kede jo bala romini kame tie cam i ebar.”

Abakuk 2:18

Caljwogi kony mere nyo? En kenekene etie gikame dano en kotimo, doko likame tie gimoro kame en ewaco ni, kwanyo kenekene kope me angalo. Kony nyo me wone ngat kotime keto gen mere i kome di en ebedo rubanga kalikame karuno akadi yamo!

Sakaria 11:17

Okwe ngakwat akony mere li, kame weko romini! Poore epima cob bade kede wange tetu cam! Poore bade twili di wange tetu cam ko to atwal atwala.”

Wel 27:17

Dano kame bino telo jo ot i yi doko di eko telo gi edwoko gi paco, dano kame bino bedo ngatel gi tetekeny kur jo ni dok cal bala romini kame li kede ngat kame kwao gi.”

Matayo 9:36

Kakame bin eneno kede ekodet me jo, kisa oko make kede gi, pien oudo kitie kede par, doko di kidong atatai abongo kony, bala romini kame li kede ngakwat.

Marako 6:34

Di bin Yesu owok ooko, en eko neno ekodet me jo di eko bedo kede kisa i kom gi, pien oudo kical bala romini kame ngakwat gi li. En eko donyo pwonyo gi kope atot.

Iswilia 13:2

pi mito parao wu donyo woro kede timo tic ne rubangan apat kalikame wun ingeunu. Akadi di gianena kede me isuur kame gin oudo kicikere iye pi timo nogo di ko timere ateteni,

Jongolkop 18:14

Di cuo kany koudo ogeo ot ngingico lobo me Lais oko waco ne jowot gi be, “Benyo, ingeunu be i ude nogi tie iye caljwogi kame kopuco kome kede siliba? Doko tie iye epod kede caljwogi ace apat. Nan do nenunu gikame itwerunu timo.”